មនុស្សកើតមកហើយ គឺមិនអាចរស់នៅតែឯងបានទេ
គឺទាមទារឱ្យមានការរាប់រកជាមួយអ្នកដទៃដែលនៅជុំវិញ។
ការរាប់អាននោះមិនមែនសុទ្ធជាការល្អទាំងអស់នោះទេ
បើរាប់ងានជាមួយមនុស្សល្អអាចនាំយើងទៅរកផ្លូវល្អ។
ផ្ទុយទៅវិញបើរាប់អានជាមួយមនុស្សអាក្រក់អាចនាំខ្លួនទៅរកក្តីវិនាស។ ដូចនេះមុននឹងរាប់អានជាមួយនរណាម្នាក់
យើងត្រូវពិចារណាឱ្យបានល្អិតល្អន់ជាមុនសិន។
ពន្យល់ពាក្យ
-
មាគ៌ា (ន) ផ្លូវ មធ្យោបាយ។
-
សេពគប់ (ន) ការរាប់យកជាគ្នា។
-
កាត់កាល់ (កិ) បោះបង់ លែងរាប់អានតទៅទៀត។
-
អបាយមុខ (ន) អំពើដែលនាំទៅរកក្តីវិនាស។
មេរៀនសង្ខេប
កាលពីដើម សេដ្ឋីម្នាក់មានកូនពីរនាក់។ កូនបងឈ្មោះធឿន
កូនប្អូនឈ្មោះ ពេជ ក្រោយពេលឪពុកស្លាប់ទៅបានបន្សល់ទុកកេរមត៌ស្មើៗគ្នា។ ពេជ
បានក្លាយជាគ្រូបង្រៀន
ចំណែកឯធឿនមិនបានគិតគូពីការងារអ្វីទេគេពឹងផ្អែកទៅលើទ្រព្យសម្បត្តិ
ដែលឪពុកទុកប៉ុននោះ ហើយតែងតែផឹកស្រា និងសេពគប់មិត្តមិនល្អ។ ពេជតែងដាស់តឿនធឿនជារឿយៗ
ប៉ុន្តែធឿនមិនស្តាប់។
ថ្ងៃមួយធឿនត្រូវបានភ្នាក់ងារមានសមត្ថកិច្ចចាប់ដាក់គុកដោយសារមានគេឆ្លើយដាក់។
គ្មាននរណាម្នាក់ទៅសួរសុខទុក្ខធឿនទេ មានតែពេជម្នាក់គត់។
ស្ថិតក្នុងស្ថានភាពនេះធឿនក៏មានការភ្ញាក់រលឹក។
ក្រោយមកធឿនក៏ត្រូវបានដោះលែងក្រោយពេលសមត្ថកិច្ចបានស៊ើបដឹងការពិត
ធឿនក៏ចាប់ផ្តើមប្រកបមុខរបររកស៊ីដូចគេឯង និងបានក្លាយជាមនុស្សល្អវិញ។បានកែប្រែចុងក្រោយ: ថ្ងៃសុក្រ ទី7 ខែមីនា ឆ្នាំ2025, 10:02 AM
