ការងារត្រូវបានគេចែកជាពីរប្រភេទ គឺការងារប្រើកម្លាំង និងការងារប្រើប្រាជ្ញា។ ការងារទាំងពីរនេះសុទ្ធតែនាំឱ្យមនុស្សមានសេចក្តីថ្លៃថ្នូរទាំងអស់។ សេចក្តីថ្លៃថ្នូរវាកើតឡើងអាស្រ័យទៅលើការប្រព្រឹត្តរបស់មនុស្សម្នាក់ៗ។
- អ្នកប្រាជ្ញ(ន) មនុស្សដែលមានចំណេះដឹងខ្ពង់ខ្ពស់។
- ហឫទ័យ(ន) ដួងចិត្ត។
កាលពីដើមឡើយមានកុមារម្នាក់អាយុ១៥ឆ្នាំ កំព្រាឪពុកម្តាយ ហើយត្រូវបានអ្នកធ្វើការជាចុងភៅនៅក្នុងវាំងយកទៅចិញ្ចឹម និងឱ្យស៊ីឈ្នួលលាងដោយឱ្យកំរៃ។ កុមារខិតខំធ្វើការណាស់ ថ្ងៃមួយព្រះមហាក្សត្រ ទ្រង់បានចូលទៅកន្លែងចុងភៅក៏បានឃើញកុមារនៅខាងក្រៅកំពុងលាងចានក៏សួរថា៖ ចៅឯងស៊ីឈ្នួលលាងចានសព្វថ្ងៃនេះបានប្រាក់ប៉ុន្មានហើយ។ កុមារនោះឆ្លើយ ខ្លួនគេមានស្មើនឹងស្តេចផែនដីប្រោះ សព្វថ្ងៃគេទទួលទានមួយផ្អែត ដេកមួយពេល ចំណែកឯស្តេចផែនដី ក៏សោយត្រឹមតែមួយឆ្អែត និងផ្ទះត្រឹមតែមួយពេលដែរ។ ក្រោយពេលបានស្តាប់ការបកស្រាយរបស់ក្មេងស្តេចយល់ថាជាការពិត ទ្រង់ក៏បានប្រទានមាស់ ប្រាក់ សំពត់ ខោ អាវដល់ក្មេងនោះជាច្រើន។
