របាំត្រុដិ ជាប្រភេទរបាំប្រជាប្រិយមួយបែប ដែលមានតាំងពីបុរាណកាលមកម៉្លេះ។ គេនិយមលេងរបាំនេះក្នុងឱកាសបុណ្យចូលឆ្នាំខ្មែរ ឈ្មោះ ត្រុដិ ជាពាក្យដើមមកពីភាសាសំស្រ្តឹត ប្រែថា ផ្តាច់ ឬ កាត់ផ្តាច់ គឺសំដៅដល់ការផ្តាច់ឆ្នាំ ឬ ការកាត់ផ្តាច់ឆ្នាំចាស់ចូលទៅឆ្នាំថ្មី។ របាំនេះមានបំណងសំខាន់គឺ៖
- រក្សាកេរមរត៌កសិល្បៈមួយបែបដែលមានពីបុរាណយូរលង់ណាស់មកហើយកុំឱ្យបាត់ដានអារ្យធម៌ចាស់។
- ជួយជាសាធារណប្រយោជន៍ ដូចជាកសាងទីកន្លែងធ្វើបុណ្យទាន និង ទំលាប់ឱ្យអ្នកស្រុកមានសប្បុរសធម៌ចេះធ្វើបុណ្យឱ្យទាន។
