ជម្រាបសួរប្អូនៗសិស្សានុសិស្សទាំងអស់គ្នា សូមស្វាគមន៍មកកាន់ថ្នាក់រៀន ភាសាខ្មែរ សម្រាប់ថ្នាក់ទី ៧ | |
អ្នកគ្រូឈ្មោះ | |
លេខទំនាក់ទំនង | |
អ៊ីមែល | |
សេចក្តីស្រឡាញ់ ជាប្រភពនៃសេចក្តីរីករាយ និង សន្តិភាព។ សេចក្តីស្រឡាញ់ គឺផ្តើមចេញពីការស្រឡាញ់ខ្លួនឯង គ្រួសារ មិត្តភក្តិ ជនរួមជាតិ ទឹកដី និង ប្រជាជាតិ។ ប្រទេសជាតិរុងរឿង និង រីកចម្រើន ដោយសារប្រទេសមានសន្តិភាព ពលរដ្ឋមានស្មារតីស្រឡាញ់ជាតិ រួមចំណែកការពារ និង អភិវឌ្ឍជាតិ។
សេចក្តីស្រឡាញ់ ជាប្រភពនៃសេចក្តីរីករាយ និង សន្តិភាព។ សេចក្តីស្រឡាញ់ គឺផ្តើមចេញពីការស្រឡាញ់ខ្លួនឯង គ្រួសារ មិត្តភក្តិ ជនរួមជាតិ ទឹកដី និង ប្រជាជាតិ។ ប្រទេសជាតិរុងរឿង និង រីកចម្រើន ដោយសារប្រទេសមានសន្តិភាព ពលរដ្ឋមានស្មារតីស្រឡាញ់ជាតិ រួមចំណែកការពារ និង អភិវឌ្ឍជាតិ។
មនុស្សម្នាក់ៗមិនអាចរស់នៅឯកឯងបានទេ គឺត្រូវប្រាស្រ័យទាក់ទងជាមួយមជ្ឈដ្ឋានជុំវិញ ជាពិសេសសហគមន៍ និងសង្គម។ ការជួយគ្នាទៅវិញទៅមកកាន់តែបង្កើនសេចក្តីស្រឡាញ់ និងសាមគ្គីភាព។ យើងគប្បីថែរក្សាស្មារតីចែករំលែក ក្នុងន័យជួយចែករំលែកបទពិសោធ និងផ្តល់ផលប្រយោជន៍គ្នាទៅវិញទៅមក។
មនុស្សម្នាក់ៗមិនអាចរស់នៅឯកឯងបានទេ គឺត្រូវប្រាស្រ័យទាក់ទងជាមួយមជ្ឈដ្ឋានជុំវិញ ជាពិសេសសហគមន៍ និងសង្គម។ ការជួយគ្នាទៅវិញទៅមកកាន់តែបង្កើនសេចក្តីស្រឡាញ់ និងសាមគ្គីភាព។ យើងគប្បីថែរក្សាស្មារតីចែករំលែក ក្នុងន័យជួយចែករំលែកបទពិសោធ និងផ្តល់ផលប្រយោជន៍គ្នាទៅវិញទៅមក។
បុព្វបុរសខ្មែរ បានបន្សល់ទុកកេរដំណែលដ៏ច្រើនសន្ធឹកសន្ធាប់ និង មានតម្លៃដូចជាទឹកដីប្រាសាទ គម្ពីរក្បួនខ្នាត ច្បាប់ទូន្មាន របាំ ចម្រៀង កំណាព្យ ប្រពៃណី ទំនៀមទម្លាប់ដ៏ថ្លៃថ្លា ពិសេសប្រាសាទអង្គរវត្ត។ល។ ក្នុងមេរៀននេះ អ្នកនឹងបានសិក្សាស្វែងយល់ ពីកេរដំណែលមួយចំនួនរបស់ជាតិ ដើម្បីចូលរួមឱ្យតម្លៃលើកតម្កើង និង ថែរក្សាការពារឱ្យបានគង់វង្សស្ថិតស្ថេរ។
សេចក្តីថ្លៃថ្នូរ ជាគុណសម្បត្តិ ដែលគួរលើកសរសើរ និងគោរពក្រៃលែង។ សេចក្តីថ្លៃថ្នូររបស់មនុស្សម្នាក់នឹងកើតមាន លុះត្រាតែអ្នកទាំងនោះប្រព្រឹត្តិអំពើល្អ ប្រកបដោយគុណធម៌ សីលធម៌ និងសុចរិត ហើយត្រូវបានមនុស្សទូទៅទទួលស្គាល់ ឱ្យតម្លៃ និងគោរពស្រឡាញ់។ ពិសេសបំផុត ត្រូវលះបង់អំពើងាក្រក់ ការមើលងាយថោកការងារផ្សេងៗព្យាយាមប្រព្រឹត្តអំពើល្អប្រពៃ មានសេចក្តីក្លាហាន តស៊ូ អំណត់ ធ្វើការងារគ្រប់យ៉ាងដោយមិនរើសអើងឱ្យតែការងារទាំងនោះជាការងារសុចរិត។
ការធ្វើខ្លួនឱ្យក្លាយទៅជាកូនល្អជាដើមចមនាំឱ្យក្លាយជាពលរដ្ឋល្អសង្គម។ ពលរដ្ឋល្អផ្តើមចេញពីការស្គាល់កាតកិច្ច និង ករណីកិច្ចរបស់ខ្លួនដែលត្រូវបំពេញដូចជា ការសិក្សារៀនសូត្រការយល់ដឹងពីសុជីវធម៌ ការចេះរក្សាសណ្តាប់ធ្នាប់សាធារណៈ ការគោរពច្បាប់ ឬ ជួយរក្សាអនាម័យការថែរក្សាបរិស្ថានជាដើម។
យើងម្នាក់ៗ សុទ្ធតែមានសេចក្តីប្រាថ្នារៀងៗខ្លួន។ ដើម្បីញ៉ាំងឱ្យសេចក្តីប្រាថ្នារបស់យើងសម្រេចបានជោគជ័យ យើងគប្បីតាំងចិត្តតស៊ូ អំណត់ ព្យាយាមរៀនសូត្រធ្វើការងារ និង ប្រព្រឹត្តតែអំពើល្អ។ សេចក្តីប្រាថ្នាមានន័យថាអ្វីៗ ដែលយើងប៉ងទុក នឹកកួចនៅក្នុងចិត្តជាមុន។ ការរស់នៅនៅប្រកបដោយសេចក្តីស្រឡាញ់ សាមគ្គីភាព សេចក្តីថ្លៃថ្នូរ ព្យាយាម និង ការពិចារណាប្រកបដោយបញ្ញា ជាមធ្យោបាយធ្វើឱ្យសម្រេចប្រាថ្នារបស់យើង។
មនុស្សម្នាក់ៗត្រូវតែធ្វើការងារ ទើបអាចរស់នៅប្រកបដោយសុភមង្គល។ ការងារសំដៅលើមុខរបរ និង សកម្មភាពទាំងឡាយ ដែលនាំឱ្យខ្លួន គ្រួសារ និង សង្គមមានការអភិវឌ្ឍ។ អ្នកខ្លះចូលចិត្តប្រកបការងារប្រើកម្លាំងកាយ អ្នកខ្លះទៀតប្រើកម្លាំងប្រាជ្ញា។ ទោះបីការងារនោះប្រើកម្លាំងកាយ ឬ ប្រាជ្ញាក្តី តូច ធ្ងន់ ឬ ស្រាល សុទ្ធតែមានតម្លៃទាំងអស់ ឱ្យតែការងារទាំងនោះជាការងារសុចរិក និង ស្របច្បាប់។
សេចក្តីព្យាយាម ជាការតស៊ូ ខិតខំ ខ្មីឃ្មាត ជំនះគ្រប់ការលំបាក ដើម្បីធ្វើឱ្យសម្រេចតាមគោលបំណងរបស់ខ្លួន។ ពេលណាសេចក្តីព្យាយាមកាន់តែរឹងមាំ ពេលនោះជ័យជំនះ ឬ ការសម្រេចកាន់តែឈានចូលមកជិតយើងដែរ។ ដូចនេះអ្នកគប្បីបង្កើនសេចក្តីព្យាយាម ផាពអំណត់ និង ភាពស្វាហាប់របស់អ្នកថែមទៀត។
សេចក្តីសង្ឃឹមជាកត្តាជំរុញឱ្យមានជោគជ័យ។ សេចក្តីសង្ឃឹមជាការផ្គងគំនិតទុកថាពិតជាបានសម្រេចដូចបំណង ឬការមានភាពកក់ក្តៅក្នុងចិត្តទុកជាមុនសិន។ មនុស្សម្នាក់ៗត្រូវតែមានសេចក្តីសង្ខឹមក្នុងជីវិត។ ដើម្បីញ៉ាំងឱ្យសេចក្តីសង្ឃឹមរបស់យើងបានសម្រេច យើងម្នាក់ៗត្រូវខិតខំ តស៊ូ អំណត់ព្យាយាមធ្វើការងារ ជម្នះគ្រប់ឧបសគ្គ និងធ្វើខ្លួនឱ្យក្លាយជាពលរដ្ឋល្អ។
មនុស្សម្នាក់ៗត្រូវមានការតាំងយ៉ាងមុតមាំ និងខំប្រឹងប្រែង តស៊ូ អំណត់ ព្យាយាម...ធ្វើសកម្មភាពគ្រប់យ៉ាង ដើម្បីឱ្យបំណងប្រាថ្នារបស់ខ្លួនឈានដល់គោលដៅ និងសម្រេចបានជោគជ័យ។ ការលោភលន់ និងការធ្វើតាមតែចិត្តនាំឱ្យមានមហន្តរាយដល់ខ្លួនឯងដល់ដទៃ និងសង្គមជាតិជាក់ជាពុំខាន។