នៅក្នុងមេរៀននេះ អ្នកនឹងសិក្សាអំពី៖
◊ របៀបរក្សាទុកប្រាក់នៅក្នុងធនាគារ និងរបៀបខ្ចីប្រាក់ពីធនាគារដើម្បីចាប់ផ្ដើមជំនួញ
◊ របៀបលើកកម្ពស់ផលិតផល ឬសេវាកម្មតាមរយៈការផ្សព្វផ្សាយពាណិជ្ជកម្ម
◊ របៀបបង្កើតសៀវភៅបញ្ជី ដើម្បីធ្វើឱ្យលទ្ធផលបានប្រសើរ
◊ របៀបគណនាដោយប្រើទិន្នន័យនៅសន្លឹកផ្សេងគ្នានៃសៀវភៅបញ្ជី
◊ ការប្រើប្រាស់សិល្បៈអក្សរ។
◊ ធនាគារ
គឺជាការធ្វើជំនួញមួយ។វាមានសេវាកម្មពីរប្រភេទគឺ រក្សាទុកប្រាក់សម្រាប់អតិថិជនរបស់ខ្លួន
និងផ្ដល់ប្រាក់កម្ចីដល់អតិថិជនរបស់ខ្លួន។ គណនីធនាគារមានបីប្រភេទគឺ គណនីសន្សំ
គណនីចរន្ត គណនីមានកាលកំណត់។
◊
គណនីសន្សំគឺជា
គណនីដែលសាមញ្ញជាងគេបំផុតក្នុងចំណោមគណនីទាំងបី។វាត្រូវបានប្រើដោយអតិថិជនជាលក្ខណៈបុគ្គល(មិនមែនជំនួញ)។
◊
គណនីចរន្ត
គឺជាគណនីដែលទទួលបានការប្រាក់ទាបបំផុតដែលស្ថិតនៅក្នុងលំដាប់ថ្នាក់ខ្ពស់ក្នុងមជ្ឍដ្ឋានអាជីវកម្ម
និងសង្គមដែលធនាគានឹងចេញជាសៀវភៅមូលប្បទានប័ត្រឱ្យ
ហើយពួកគេអាចចាយលុយពីធនាគារបានដោយការសរសេរមូលប្បទានប័ត្រ
និងអាចប្រើវាដើម្បីបង់ប្រាក់ឱ្យក្រុមហ៊ុនផ្គត់ផ្គង់ដូចនឹងសាច់ប្រាក់សុទ្ធចឹងដែរ។
◊
គណនីមានកាលកំណត់
គឺជាប្រភេទដែលផ្ដល់អត្រាការប្រាក់ខ្ពស់ដល់អតិថិជនដើម្បីជាការលើកទឹកចិត្តដល់អតិថិជនដែលបានផ្ញើប្រាក់ក្នុងធនាគារក្នុងរយៈពេលមួយមានកាលកំណត់។
ការផ្សព្វផ្សាយពាណិជ្ជកម្ម គឺជាសកម្មភាពក្នុងការព្យាយាមផ្លាស់ប្ដូរគំនិតរបស់អតិថិជនគោលដៅអំពីផលិតផល សេវាកម្មឬជំនួញណាមួយ។ ដើម្បីផ្សព្វផ្សាយផលិតផលឱ្យមានប្រសិទ្ធភាពចាំបាច់ត្រូវសិក្សាស្វែងយល់ឱ្យបានដឹងច្បាស់អំពីផលិតផលនិងអតិថិជនជាគោលដៅរបស់ផលិតផល។ គោលដៅនៃការផ្សព្វផ្សាយពាណិជ្ជកម្មចំពោះផលិតផលនីមួយៗមានលក្ខណៈខុសៗគ្នា។ នៅពេលដែលបានកំណត់គោលដៅនៃផលិតផលណាមួយរួចហើយ ចាំបាច់អ្នកត្រូវតែស្វែងយល់អំពីចំណូលចិត្តរបស់អតិថិជនម្នាក់ៗទៅលើប្រភេទផលិតផលទាំងនោះ។
ការផ្សព្វផ្សាយដែលទទួលបានប្រសិទ្ធភាពគឺជាការផ្សព្វផ្សាយដែលអាចទាក់ទាញខ្សែភ្នែករបស់អតិថិជនគោលដៅឱ្យមកចាប់អារម្មណ៍លើផលិតផលរបស់ខ្លួនបាន។ មធ្យោបាយផ្សព្វផ្សាយពាណិជ្ជកម្ម គឺជាមធ្យោបាយទំនាក់ទំនងដែលអាចប្រើដើម្បីផ្សព្វផ្សាយផលិតផលឬសេវាកម្មផ្សេងៗ។ យើងអាចធ្វើការផ្សព្វផ្សាយតាមរយៈ កាសែត វិទ្យុ ទូរទស្សន៍ ឬលើអ៊ីនធឺណិត។
ផ្សព្វផ្សាយអំពីផលិតផលណាមួយដែលវាបង្ហាញ តែអំពីគុណភាពប្រសើរ និងតម្លៃរបស់វាតែប៉ុណ្ណោះ ប៉ុន្តែវាមិនរៀបរាប់លម្អិតអំពីផលិតផលទេ។ គោលដៅរបស់វាគឺដើម្បីបង្កើតនូវរូបភាពវិជ្ជមានអំពីផលិតផលទៅកាន់អតិថិជនដែលជាគោលដៅ។ ប័ណ្ណផ្សព្វផ្សាយពាណិជ្ជកម្ម គឺជាក្រដាសមួយទំព័រ ឬកូនសៀវភៅដែលរៀបរាប់លម្អិតអំពីផលិតផល។ ខណៈដែលវាបង្ហាញពីគុណភាពសំខាន់ៗនោះវាក៏មានតួនាទីដើម្បីធ្វើឱ្យអតិថិជនគោលដៅអាចស្វែងយល់បន្ថែមអំពីសមត្ថភាពជាបច្ចេកទេសទាក់ទងនឹងផលិតផលផងដែរ។
ឯកសារសៀវភៅបញ្ជីមានច្រើនសន្លឹក។ សន្លឹកនីមួយៗជាសៀវភៅបញ្ជីយ៉ាងពេញលេញ និងវាធ្វើការងារដាច់ដោយឡែកពីគ្នានៅក្នុងឯកសារ។ ឯកសារថ្មីជាលំនាំដើមមានបីសន្លឹកដែលមានឈ្មោះថា សន្លឹក១ សន្លឹក២សន្លឹក៣…ប៉ុន្តែយើងក៏អាចប្ដូរឈ្មោះវាទៅជាឈ្មោះផ្សេងបានដែរ ដើម្បីឱ្យអ្នកប្រើងាយចងចាំអំពីការងារដែលមាននៅក្នុងសន្លឹក។
សិល្បៈអក្សរជាមុខងារមួយដែលមានទាំងនៅក្នុងកម្មវិធីស្លឹករឹត និងពិព័រណ៍។ សិល្បៈអក្សរអាចឱ្យយើង សរសេរអក្សរដែលមានទម្រង់ផ្សេងៗគ្នាបានដែលមានទម្រង់ដូចជា ពុម្ព កោង និងសរសេរលិខិតដែលមានទំហំផ្សេងៗ និងពណ៌ផ្សេងៗគ្នាបាន។
ទម្រង់យើងអាចប្រើឧបករណ៍គំនូរដើម្បី គូរជាទម្រង់ធរណីមាត្រ បន្ទាត់ ព្រួញ រូបតំណាង និងចំនួននៃការរចនាស្ដង់ដារ ដែលផ្សំគ្នាជាមួយនឹងសមាសធាតុផ្សេងៗ បង្កើតជាទំនាក់ទំនងរវាងធាតុផ្សេងៗ ដាក់បញ្ចូលនៅក្នុងស្លាយ និងអាចឱ្យអ្នកអភិវឌ្ឍស្លាយធ្វើការរចនាបានកាន់តែប្រសើរ។