(ជ២) មេរៀនទី២៖ (មេរៀនសង្ខេប) លិខិតជំនួញ

មេរៀនសង្ខេប

     ក្រុមហ៊ុន គឺជាស្ថាប័នដែលមានគោលបំណងសំខាន់ដើម្បីស្វែងរកប្រាក់ចំណេញ។ ប្រាក់ចំណេញគឺរកបាន​តាមការផលិតទំនិញ ការផ្ដល់សេវាកម្មដែលគេចាប់អារម្មណ៍ឬដោយការទិញ និងលក់ទំនិញជាដើម។

2.  ការប្រាស្រ័យទាក់ទងនៅក្នុងក្រុមហ៊ុន

     ទំនាក់ទំនងត្រូវតែល្អរវាងនាយក នាយិកា និងអ្នកគ្រប់គ្រងជាមួយនឹងបុគ្គលិក ប៉ុន្តែក៏ត្រូវមានទំនាក់ទំនងល្អក្នុងចំណោមអ្នកគ្រប់គ្រង ព្រមទាំងទំនាក់ទំនងល្អនៅក្នុងចំណោមសមាជិកទាំងអស់ដែរ ព្រោះថាពួកគេត្រូវជួយគ្នាទៅវិញទៅមកដើម្បីឱ្យក្រុមហ៊ុនទទួលបានជោគជ័យ។

3. លិខិតជំនួញ

     លិខិតជំនួញ គឺជាលិខិតដែលសរសេរដោយក្រុមហ៊ុនផ្ញើទៅកាន់ក្រុមហ៊ុនផ្សេងទៀតឬទៅកាន់អតិថិជនរបស់ពួកគេ។ លិខិតជំនួញត្រូវតែមានលក្ខណៈស្អាតល្អ និងសមសួនពីព្រោះលិខិតនេះឆ្លុះបញ្ចាំងពីការងាររបស់ក្រុមហ៊ុនដែលផ្ញើវា។ បើសិនជាយើងផ្ញើលិខិតដែលមានលក្ខណៈអន់ឬមិនស្អាតនោះអ្នកទទួលនឹងមានការយល់ឃើញមិនល្អចំពោះក្រុមហ៊ុនទោះបីជាព័ត៌មានបានផ្ញើនៅក្នុងលិខិតមានលក្ខណៈវិជ្ជមានក៏ដោយ។​ លិខិតជំនួញភាគច្រើនមានសមាសធាតុដូចជា៖

•  រូបសញ្ញារបស់ក្រុមហ៊ុននៅខាងលើ

•  ឈ្មោះ និងអាសយដ្ឋានអ្នកផ្ញើ

•  ឈ្មោះ និងអាសយដ្ឋានអ្នកទទួល

•  កាលបរិច្ឆេទ

•  ពាក្យឬឃ្លាស្វាគមន៍

•  ខ្លឹមសារ (បរិបទ និងគំនិតសំខាន់ៗ)

•  ព័ត៌មានបន្ថែម

•  ពាក្យឬឃ្លាសុំលា

•  ហត្ថលេខា។

4.  បញ្ជី

     បញ្ជីចំណុចគឺសម្រាប់សម្គាល់មុខទំនិញនីមួយៗដោយចំណុចឬសញ្ញាសម្គាល់។ បញ្ជីលេខរៀងគឺជាការដាក់លេខតាមលំដាប់លំដោយសម្រាប់មុខទំនិញនីមួយៗ។

5.  ការធ្វើទ្រង់ទ្រាយទំព័រ

     កម្មវិធីសរសេរអត្ថបទបានកំណត់ទំហំរឹមទំព័រស្តង់ដារមួយសម្រាប់អ្នកប្រើ ប៉ុន្តែមនុស្សម្នាក់ៗដែលសរសេរលិខិតមានចំណូលចិត្តខុសៗគ្នាលើការកំណត់ទំហំរឹមទំព័រ ដើម្បីឱ្យមើលទៅឃើញស្រស់ស្អាតឬសមសួនមិនពិបាកក្នុងការអាន។ របៀបកំណត់ទ្រង់ទ្រាយទំព័រ យើងត្រូវចុចប៊ូតុង ទ្រង់ទ្រាយ => ទំព័រ => ទំព័រ => យល់ព្រម ។

6. ការចូលបន្ទាត់ដំបូងដោយប្រើថេប