នៅក្នុងមេរៀននេះ អ្នកនឹងសិក្សាអំពី៖
- ភាពខុសគ្នារវាងទំនាក់ទំនងដោយផ្ទាល់មាត់ ឬលាយលក្ខណ៍អក្សរ និងដោយកាយវិការ ព្រមទាំងលក្ខណៈនៃប្រភេទនីមួយៗ។
- លក្ខណៈនៃការស្ដាប់ និងទំនាក់ទំនងដែលល្អ ឬមានប្រសិទ្ធភាពរួមទាំងសារៈសំខាន់នៃភាសាកាយវិការ។
- ផ្នែកនៃកុំព្យូទ័រ និងការយល់ដឹងជាមូលដ្ឋានគ្រឹះអំពីរបៀបរប្រើប្រាស់កុំព្យូទ័រឬសម្រាប់ធ្វើកិច្ចការអ្វីមួយ។
- របៀបរៀបចំឯកសារ និងថតនៅក្នុងកុំព្យូទ័រ។
ទំនាក់ទំនងមានពីរប្រភេទគឺ ទំនាក់ទំនងដោយផ្ទាល់មាត់ (លាយលក្ខណ៍អក្សរ) និងទំនាក់ទំនងដោយកាយវិការ។ ក្រៅពីព័ត៌មានដែលយើងផ្ដល់ដោយវាចា យើងក៏ប្រើទំនាក់ទំនងដោយមិនវាចាផងដែរដូចជាភាសាកាយវិការដែលបង្ហាញពីព័ត៌មាន និងការប្រាស្រ័យទាក់ទងនៃអាកប្បកិរិយារបស់យើងទៅនឹងប្រធានបទនៃទំនាក់ទំនង ឬទៅនឹងអ្នកនិយាយឬអ្នកទទួល។ ភាសាកាយវិការត្រឹមត្រូវ គឺមានសារៈសំខាន់សម្រាប់ទំនាក់ទំនង។
ការស្ដាប់ជាជំនាញដ៏សំខាន់បំផុតមួយក្នុងចំណោមជំនាញផ្សេងទៀតក្នុងទំនាក់ទំនង ដើម្បីស្ដាប់ឱ្យបានត្រឹមត្រូវ។ យើងត្រូវយកចិត្តទុកដាក់ស្ដាប់លើអ្វីដែលអ្នកនិយាយកំពុងតែនិយាយដោយមិនវិនិច្ឆ័យវាទុកជាមុនឬត្រៀមចម្លើយតបឡើយ ហើយបន្ទាប់ពីអ្នកនិយាយបានបញ្ចប់ហើយ សូមពិចារណាលើអ្វីដេលអ្នកបានឮទាំងអស់ហើយព្យាយាមស្វែងយល់ពីវា និងប្រតិកម្មតបទៅកាន់វា។
ព័ត៌មានដែលអ្នកនិយាយទទួលបានតាមរយៈកាយវិការ និងសំណួររបស់អ្នកទទួលក្នុងពេលកំពុងតែប្រាស្រ័យទាក់ទងគ្នានេះ ហៅថា មតិត្រឡប់។
ផ្នែករឹង សំដៅលើសមាសភាគកុំព្យូទ័រដែលអ្នកអាចមើលឃើញ និងប៉ះបានមានដូចជា CPU Hard Disk RAM FANជាដើម។ ផ្នែករឹង ក៏រួមមានម៉ាស៊ីនផ្សេងៗទៀត ដែលពេលខ្លះត្រូវបានប្រើភ្ជាប់ជាមួយនឹងកុំព្យូទ័រដូចជាម៉ាស៊ីនបោះពុម្ព ម៉ាស៊ីនស្កេន ដែលនឹងពន្យល់លម្អិតនៅក្នុងមេរៀនក្រោយ។
ផ្នែកទន់ គឺសំដៅលើកម្មវិធីកុំព្យូទ័រផ្សេងៗ ដែលដំណើរការក្នុងកុំព្យូទ័រ ដើម្បីបង្កើតឯកសារ ឬគ្រប់គ្រងឧបករណ៍ផ្សេងទៀតដូចជា ម៉ាស៊ីនបោះពុម្ព ឬម៉ាស៊ីនស្កេន។ ផ្នែកទន់ត្រូវបានបែកចែកជាពីរប្រភេទគឺកម្មវិធីកុំព្យូទ័រ និងប្រព័ន្ធប្រតិបត្តិការ។ កម្មវិធីកុំព្យូទ័រជាបណ្ដុំកម្មវិធីទាំងអស់ដែលអ្នកប្រើអាចដំឡើង និងប្រើប្រាស់នៅក្នុងកុំព្យូទ័រសម្រាប់ការងាររបស់ពួកគេមានដូចជាកម្មវិធីសៀវភៅបញ្ជី កម្មវិធីបទបង្ហាញ ជាដើម។ ប្រព័ន្ធប្រតិបត្តិការ គឺយ៉ាងហោចណាស់ត្រូវមានមួយដើម្បីដំណើរការការងារបាននៅក្នុងពេលតែមួយតែប៉ុណ្ណោះនៅពេលកុំព្យូទ័រចាប់ផ្ដើមដំបូង។ ឧទាហរណ៍មានដូចជាប្រភេទលីនុច គឺមិនគិតថ្លៃលើការប្រើប្រាស់ខុសពីប្រព័ន្ធប្រតិបត្តិការផ្សេងទៀតដូចជា MacOS ឬ Windows គឺតម្រូវឱ្យអ្នកប្រើទិញដើម្បីអាចប្រើប្រាស់បាន។
ថត គឺជាថតកម្រិតខ្ពស់វាមានផ្ទុកគ្រប់ថត និងឯកសារទាំងអស់ដែលមានស្ថិតនៅក្នុងកុំព្យូទ័រទោះបីដាក់ក្នុងថតនោះផ្ទាល់ ឬក្នុងថតមួយនៃថតរងរបស់វាក៏ដោយ។ បើកុំព្យូទ័រអ្នកប្រើវីនដូ ថតកម្រិតខ្ពស់របស់វា គឺឈ្មោះថត” Computer” ដែលផ្ទុកថតមេដូចជា (C:,D:,E:,….) ថតរង(Documents, Users,….) និង ឯកសារទាំងអស់នៅក្នុងប្រព័ន្ធ។ ថតរង ជាថតមួយដែលដាក់ស្ថិតនៅក្នុងថតមួយផ្សេងទៀត។ ព័ត៌មាននៅក្នុងកុំព្យូទ័រត្រូវបានរៀបចំដោយប្រើប្រព័ន្ធឯកសារដែលព័ត៌មានទាំងអស់ត្រូវបានផ្ទុកជារចនាសម្ព័ន្ធវចនានុក្រម ដោយប្រើប្រព័ន្ធ ឯកសារ និងថត។
ដើម្បីរៀបចំឯកសារនៅក្នុងកុំព្យូទ័រប្អូនគួរដាក់ឈ្មោះឯកសារឱ្យមានន័យ ដោយប្រើឈ្មោះបញ្ជាក់ពីខ្លឹមសាររបស់ឯកសារនីមួយៗ។ ការរៀបចំមានរបៀបរៀបរយធ្វើឱ្យយើងងាយស្រួលក្នុងការស្វែងរកនៅពេលក្រោយ ហើយយើងក៏អាចត្រូវបានចម្លងពីថតមួយទៅថតមួយផ្សេងទៀត ផ្លាស់ទី ប្ដូរឈ្មោះ ឬលុប។
ម៉ឺនុយ គឺជាបញ្ជីនៃមុខងារផ្សេងៗដែលបង្ហាញអ្នកប្រើអំពីសកម្មភាពទាំងអស់ដែលពួកគេអាចប្រើសម្រាប់បំពេញការងារនៅក្នុងកុំព្យូទ័រ។ មុខងារទាំងនេះ អាចរាប់ចាប់ពីការដំណើរការកម្មវិធីរហូតដល់ការទទួលយកព័ត៌មាននៅលើឯកសារណាមួយ។ ឧទាហរណ៍៖ នៅពេលចុចកណ្ដុរស្ដាំលើរូបតំណាងកុំព្យូទ័រនឹងផ្ដល់នូវបញ្ជីមុខងារភ្លាមៗដែលយើងអាចប្រើជាមួយរូបតំណាងនោះ (ឬជាមួយ ឯកសារ ថត ឬកម្មវិធីដែលវាតំណាង)។
