នៅក្នុងមេរៀននេះ អ្នកនឹងសិក្សាអំពី៖
◊ ស្វែងយល់ពីសាច់ប្រាក់ ស្ថានភាពជំនួញ ប្រាក់ចំណេញ និងផែនការថវិកា
◊ របៀបគណនាស្ថានភាពជំនួញ និងប្រាក់ចំណេញនៅក្នុងពេលណាមួយ
◊ គោលគំនិតអំពីអាសយដ្ឋានក្រឡាដាច់ខាត និងទាក់ទង
◊ រៀបចំ និងធ្វើទ្រង់ទ្រាយសៀវភៅបញ្ជីបានត្រឹមត្រូវនៅក្នុងកុំព្យូទ័រដោយប្រើកម្មវិធីនព្វន្ត។
សាច់ប្រាក់ក្នុងដៃគឺជាប្រាក់ដែលបុគ្គលឬក្រុមហ៊ុនជំនួញមានជាក្រដាសប្រាក់ឬស្រួលរកនៅក្នុងតុសម្រាប់ចាយវាយផ្សេងៗ និងអាចប្រើប្រាស់បានភ្លាមៗដើម្បីទិញអ្វីមួយ។ប្រាក់ដែលគេជំពាក់យើងគឺមិនមែនជាសាច់ប្រាក់ក្នុងដៃទេ ព្រោះយើងមិនអាចប្រើប្រាស់វាដើម្បីទិញអ្វីមួយបានភ្លាម។
◊ យើងត្រូវចំណាំថា កាតព្វកិច្ចសំដៅលើ បំណុល និងប្រាក់ជំពាក់ក្រុមហ៊ុនផ្គត់ផ្គង់។
◊ ការរំពឹងទុក ឬប្រាក់ដែលអតិថិជនជំពាក់ គឺសំដៅទៅលើវិក្កយបត្រ ដែលក្រុមហ៊ុនបានចេញឱ្យអតិថិជន ប៉ុន្តែពុំទាន់បានទទួលប្រាក់ពីអតិថិជននៅឡើយទេ។
◊ តម្លៃទំនិញស្ដុក គឺជាតម្លៃ ដែលក្រុមហ៊ុនជំនួញបានទិញទំនិញស្ដុកទុក។
◊ បំណុល គឺជាប្រាក់ដែលក្រុមហ៊ុនបានខ្ចីពីធនាគារឬពីអ្នកផ្សេងទៀតដើម្បីចាប់ផ្ដើមជំនួញឬធ្វើឱ្យក្រុមហ៊ុនដំណើរការកាន់តែប្រសើរ។
◊ ប្រាក់ជំពាក់ក្រុមហ៊ុនផ្គត់ផ្គង់ សំដៅលើវិក្កយបត្រ ដែលក្រុមហ៊ុនទទួលបានពីក្រុមហ៊ុនផ្គត់ផ្គង់សម្រាប់មុខទំនិញដែលក្រុមហ៊ុនបានបញ្ជាទិញ ប៉ុន្តែពុំទាន់បានបង់ប្រាក់ឱ្យក្រុមហ៊ុនផ្គត់ផ្គង់ទេ។
◊ ស្ថានភាពជំនួញគឺជាចំនួនទឹកប្រាក់ ដែលក្រុមហ៊ុនជំនួញអាចនឹងមាន បើសិនជាទំនិញស្ដុកទាំងអស់ត្រូវបានលក់ ប្រាក់ទាំងអស់ដែលអតិថិជនជំពាក់ និងបង់ប្រាក់ទាំងអស់ដែលបានជំពាក់ទៅដល់ក្រុមហ៊ុនផ្គត់ផ្គង់ផ្សេងទៀត។
ការចំណាយប្រែប្រួល (អថេរ) គឺជាការចំណាយទាំងឡាយណាដែលពឹងផ្អែកលើចំនួននៃការលក់ ដូចជាការទិញទំនិញស្ដុក ឬថ្លៃឈ្នួលដឹកជញ្ជូន និងដំឡើងជាដើម។
ការចំណាយជាប្រចាំទូទៅ គឺជាការចំណាយប្រហែលគ្នាជារៀងរាល់ខែ ដោយមិនគិតពីការចំណាយទៅលើទំនិញដែលបានទិញស្តុកដើម្បីលក់ចេញនោះទេ។ ឧទាហរណ៍ ការចំណាយសម្រាប់ជួលហាង ប្រាក់ខែបុគ្គលិក ថ្លៃអគ្គិសនី ទឹក អ៊ីនធឺណិត។ល។
4. ថវិកា
ថវិកា គឺជាបញ្ជីនៃចំណាយ និងចំណូលដែលបានគ្រោងទុកទាំងអស់ សម្រាប់សកម្មភាពណាមួយក្នុងកំឡុងពេលណាមួយនៅពេលអនាគត។
របៀបធ្វើផែនការថវិការគឺ ជំហានដំបូងនៅក្នុងដំណើរការរៀបចំផែនការថវិកាសម្រាប់ជំនួញគឺត្រូវការកំណត់រយៈពេលដែលថវិកាត្រូវមាន ឧទាហរណ៍ រយៈពេល១ឆ្នាំ បើសិនជាជាយើងព្យាយាម តើជំនួញយើងនឹងចំណេញបានប៉ុន្មានក្នុងរយៈពេល១ឆ្នាំ? រួចបែងចែកជាខែ ជាសប្ដាហ៍។ ជំហានទី២ ត្រូវប៉ាន់ស្មានលើការចំណាយប្រចាំទូទៅដែលក្រុមហ៊ុនជំនួញនឹងមានក្នុងខែនីមួយៗ។ ជំហានទី៣គិតទៅលើចំណាយដែលប្រែប្រួល។ បន្ទាប់មកត្រូវធ្វើការគណនាចុងខែនីមួយៗត្រូវយកចំណូលក្នុងខែនេះ បូកនឹងសាច់ប្រាក់ដែលមានដើមគ្រាឬនៅពេលចាប់ផ្ដើមក្នុងខែ រួចដកចេញចំណាយក្នុងខែនេះ។ បើសិនជា នៅក្នុងខែណាមួយសាច់ប្រាក់ក្នុងដៃនៅចុងខែនីមួយៗមានតម្លៃអវិជ្ជមាន នោះមានន័យថាប្រាក់ចាប់ផ្ដើមសម្រាប់ជំនួញមិនគ្រប់គ្រាន់សម្រាប់ជំនួញទេ។ ដូច្នេះត្រូវតែបង្កើនដើមទុន បើមិនដូច្នេះទេជំនួញនឹងទទួលបានបរាជ័យ។
ការប្រើអាសយដ្ឋានក្រឡាទាក់ទង គឺមានសារៈសំខាន់ណាស់ក្នុងកម្មវិធីនព្វន្ត ប៉ុន្តែពេលខ្លះក៏មានការចាប់អារម្មណ៍ដែរ។ ក្នុងការយោងទៅអាសយដ្ឋានក្រឡាជាក់លាក់ដែលយើងមិនចង់ឱ្យវាផ្លាស់ប្ដូរ ទោះបីយើងចម្លងក្រឡាដែលមានរូបមន្ដទៅទីតាំងក្រឡាផ្សេងក៏ដោយ។
ដើម្បីដឹងពីចំនួនទឹកប្រាក់ប៉ុន្មានដែលមាននៅចុងខែមួយ យើងត្រូវពិនិត្យមើលចំនួនទឹកប្រាក់ប៉ុន្មានដែលយើងបានទទួលនៅក្នុងខែនេះ។ ចំនួនទឹកប្រាក់ប៉ុន្មានដែលយើងបានចំណាយក្នុងខែនេះ និងចំនួនទឹកប្រាក់ប៉ុន្មានដែលមាននៅចុងខែមុន។ ចំនួនទឹកប្រាក់សរុបដែលមាននៅចុងខែនេះ គឺជាលទ្ធផលបានមកពីការបូកទឹកប្រាក់សរុបដែលមាននៅខែមុន ជាមួយចំណូលក្នុងខែនេះ និងបន្ទាប់មកដកចំណាយក្នុងខែនេះ។