នៅក្នុងមេរៀននេះ អ្នកនឹងសិក្សាអំពី៖
◊ ប្រភេទ និងលក្ខណៈសម្បត្តិនៃទិដ្ឋភាពជំនួយដ៏ល្អសម្រាប់ការធ្វើបទបង្ហាញ
◊ របៀបប្រើអត្ថបទ និងរូបភាពនៅក្នុងស្លាយសម្រាប់ការទំនាក់ទំនងដ៏មានប្រសិទ្ធភាព
◊ គោលគំនិតនៃការរចនាផ្ទៃខាងក្រោយ និងចលនារបស់ស្លាយ
◊ របៀបរៀបចំស្លាយ និងផ្ដល់បទបង្ហាញ ដែលរួមបញ្ចូលរូបភាព ផ្ទៃខាងក្រោយនិងចលនា។
ទម្រង់សាមញ្ញបំផុតនៃទិដ្ឋភាព គឺជាការបង្ហាញវត្ថុអ្វីមួយដល់អ្នកស្ដាប់។ នេះអាចធ្វើទៅបានលុះត្រាតែ វត្ថុដែលត្រូវយកមកធ្វើបទបង្ហាញនេះមានលក្ខណៈតូច និងងាយសម្រាប់អ្នកធ្វើបទបង្ហាញយកមកបង្ហាញ។ ការរៀបចំព័ត៌មានជារចនាសម្ព័ន្ធក៏អាចត្រូវបានគេប្រើដើម្បីជួយឱ្យអ្នកស្ដាប់ក្នុងការរៀបចំព័ត៌មាននៅក្នុងគំនិតរបស់ឬជាមួយនឹងអត្ថបទ។
ទិដ្ឋភាព (រួមមានរូបភាព ក្រាហ្វិច ឬគំនូរផ្សេងៗ) គឺជាទិដ្ឋភាពជំនួយដ៏ល្អ ដែលអ្នកធ្វើបទបង្ហាញអាចប្រើដើម្បីជួយឱ្យអ្នកស្ដាប់យល់កាន់តែច្បាស់នូវអ្វីដែលគេកំពុងតែនិយាយ។ រូបភាពបង្ហាញពីប្រធានបទ ដែលអ្នកនិយាយចង់បង្ហាញហើយ ការបង្ហាញរូបភាពទៅដល់អ្នកស្ដាប់អាចជួយកាត់បន្ថយពេលវេលាក្នុងការពន្យល់លម្អិត ដើម្បីឱ្យប្រាកដថា អ្នកស្ដាប់ជក់ជាប់ក្នុងចិត្តនូវរូបភាពដូចគ្នាទាក់ទងនឹងប្រធានបទ ដែលអ្នកនិយាយព្យាយាមផ្ដល់ឱ្យ។
ស្លាយ ឬទិដ្ឋភាពជំនួយផ្សេងទៀតនៃបទបង្ហាញអាចនឹងជួយឱ្យអ្នកស្ដាប់ចងចាំពីគោលគំនិត ឬគំនិតផ្សេងៗដោយឡែកពីគ្នា។ យើងមិនត្រូវដាក់រូបភាពដែលមានគោលគំនិតខុសគ្នាជាមួយគ្នានោះទេ រូបភាពទាំងនេះត្រូវដាក់ក្នុងស្លាយនីមួយៗផ្សេងគ្នា។ វាមិនមានបញ្ហាអ្វីទេទោះបីជាមានចំនួនស្លាយច្រើនត្រូវប្រើនៅក្នុងបទបង្ហាញយ៉ាងណាក៏ដោយ។ បទបង្ហាញដែលមានគំនិតមួយក្នុងមួយស្លាយនឹងមានលក្ខណៈកាន់តែច្បាស់ហើយឆាប់យល់បើទោះបីជាវាមានច្រើនស្លាយក៏ដោយ។
ការធ្វើបទបង្ហាញទាំងអស់តែងតែមានគោលបំណង ក្នុងករណីខ្លះ គោលបំណងនេះក៏មានលក្ខណៈប្រកួតប្រជែងផងដែរ និងបទបង្ហាញខ្លះមានគោលបំណងសំខាន់ក្នុងការផ្ដល់ព័ត៌មាន។ បទបង្ហាញផ្សេងទៀត គឺមានលក្ខណៈព្យាយាមក្នុងការបញ្ចុះបញ្ចូល។ ក្នុងករណីនេះ គោលបំណងរបស់អ្នកធ្វើបទបង្ហាញ គឺដើម្បីធ្វើឱ្យអ្នកស្ដាប់ជឿជាក់ និងអនុវត្តតាម ដូចជា ទិញផលិតផលដែលបានដាក់លក់ ឬសម្រេចចិត្តធ្វើអ្វីមួយ។
ការរចនាស្លាយមានសមាភាគច្រើនប្រភេទ៖ ពណ៌ ឬលំនាំផ្ទៃខាងក្រោយ ធាតុក្រាហ្វិចមួយចំនួន ទំហំ និងព៌ណអត្ថបទ ឬរបៀបរៀបចំអត្ថបទនៅក្នុងទំព័រ (ប្លង់ស្លាយ)។ នៅពេលគូររូបភាព ការរចនាស្លាយគួរតែប្រើពណ៌ និងលំនាំពណ៌ដែលស៊ីគ្នា ព្រមទាំងប្រើពុម្ពអក្សរ និងពណ៌សម្រាប់អត្ថបទដែលងាយស្រួលក្នុងការអាន។
ធាតុដំបូងនៃការរចនាស្លាយ គឺផ្ទៃខាងក្រោយរបស់វា ពណ៌ ឬលំនាំគំនូរ ដែលប្រើនៅក្នុងស្លាយទាំងមូល ដែលស្ថិតនៅក្រោយគេនៃវត្ថុទាំងអស់ដែលបានដាក់ក្នុងស្លាយ។ ផ្ទៃខាងក្រោយត្រូវបានប្រើដើម្បីធ្វើឱ្យស្លាយមើលទៅមានលក្ខណៈជាបុគ្គលផ្ទាល់ខ្លួន ស្រស់ស្អាត ឬទាក់ទាញ ដែលបង្កើនការទទួលយករបស់អ្នកស្ដាប់ចំពោះប្រធានបទ និងវាយតម្លៃយ៉ាងប្រសើរពីភាពប៉ិនប្រសប់របស់អ្នកនិយាយ។
កម្មវិធីធ្វើបទបង្ហាញមានការរចនាស្លាយដែលបានកំណត់ទុកជាមុនស្រាប់មួយចំនួន ដែលគេហៅថា ទំព័រមេ ដែលអាចនឹងត្រូវបានគេយកទៅអនុវត្តជាមួយនឹងស្លាយថ្មី ដែលបានបង្កើតឡើងដោយអ្នកប្រើ។ ទំព័រមេដែលល្អ សម្រាប់បទបង្ហាញអាជីពមិនគួរមានពណ៌ផ្សេងៗគ្នាច្រើនពេកទេ គួរតែមានធាតុក្រាហ្វិកមួយចំនួន និងមានលក្ខណៈស្អាត ប៉ុន្តែមិនត្រូវប្រើប្រភេទពុម្ពអក្សរបុរាណពេកទេ។
ការដាក់រូបភាពទៅក្នុងស្លាយមានសារៈសំខាន់បំផុតសម្រាប់ការធ្វើបទបង្ហាញ។ ការបញ្ចូលរូបភាពទៅក្នុងស្លាយគឺជាដំណើរការមួយដែលមានលក្ខណៈសាមញ្ញបំផុត ហើយទ្រង់ទ្រាយដែលគេនិយមប្រើជាទូទៅមានដូចជា TIFF ,JPEG , PNG ,GIF ហើយពួកវាមានភាពខុសគ្នាអាស្រ័យទៅតាមគុណភាពរបស់រូបភាព។
ដើម្បីបញ្ចូលរូបភាព យើងត្រូវចុច ម៉ឺនុយ Insertà Pictureà From File àធ្វើការជ្រើសរើសរូបភាពតាមទីតាំងដែលបានដាក់ àចុចយល់ព្រម។
អត្ថបទ និងរូបភាពអាចត្រូវបានបញ្ចូលនៅក្នុងប្រអប់ ដែលបានកំណត់រួចជាស្រេច(នៅប្លង់ស្លាយ) ឬក៏អាចបញ្ចូលនៅត្រង់កន្លែងណាមួយនៅក្នុងស្លាយហើយកម្មវិធីនឹងបង្កើតប្រអប់អត្ថបទដោយស្វ័យប្រវត្តិសម្រួលទៅតាមទំហំនៃអត្ថបទឬរូបភាព។
ចលនាផ្ទាល់ខ្លួន គឺជាមុខងារនៅក្នុងកម្មវិធីធ្វើបទបង្ហាញ ដែលអាចធ្វើចលនាផ្សេងៗនៃវត្ថុ ឬអត្ថបទនៅក្នុងស្លាយ។ ចលនាផ្ទាល់ខ្លួនអាចធ្វើបានចំពោះរូបភាពអត្ថបទទាំងអស់ក្នុងប្រអប់ ឬផ្នែកណាមួយនៃអត្ថបទក្នុងប្រអប់អត្ថបទ។ (ដូចជាអត្ថបទ និងចំណុច)។
អ្នកធ្វើបទបង្ហាញអាចបញ្ចូលចំណាំក្នុងករណីត្រូវការនូវអ្វីដែលត្រូវនិយាយនៅក្នុងស្លាយនីមួយៗដែលលេចឡើង។ អ្នកធ្វើបទបង្ហាញក៏អាចផ្ដល់ឱ្យអ្នកស្ដាប់នូវឯកសារប្លង់បោះពុម្ព ដែលជាសន្លឹកចម្លងនៃស្លាយសម្រាប់អ្នកស្ដាប់ ក្នុងការចងចាំព័ត៌មានដែលបានផ្ដល់ឱ្យអំឡុងពេលធ្វើបទបង្ហាញនៅពេលក្រោយបាន។
ដើម្បីកំណត់វិធីដែលអ្នកប្រើចង់បោះពុម្ពឯកសារសម្រាប់បទបង្ហាញ ការរៀបចំស្លាយតាមមធ្យោបាយពិសេសនៅក្នុងទំព័រ ឬការរៀបចំអត្ថបទផ្សេងៗនៅក្នុងទំព័រក្រៅពីស្លាយ ដែលយើងអាចប្រើទិដ្ឋភាពប្លង់បោះពុម្ព។ ទិដ្ឋភាពតម្រៀបស្លាយ ត្រូវបានប្រើដើម្បីមើលស្លាយទាំងអស់ជាប្លង់តូចៗជាមួយគ្នានៅក្នុងអេក្រង់។វាមានសារប្រយោជន៍ណាស់សម្រាប់បទបង្ហាញដែលមានច្រើនស្លាយដូចខណៈដែលកំពុងរៀបចំបទបង្ហាញពេលខ្លះអ្នកធ្វើបទបង្ហាញអាចបង្ហាញមាតិកា សរុបនិងរៀបចំវាតាមមធ្យោបាយណាមួយ តម្រៀបស្លាយតាមលំដាប់លំដោយ។
