ការរំលោភសិទ្ធិមនុស្ស ជាទង្វើទាំងឡាយណាដែលនាំអោយមានការប៉ះពាល់ដល់ការរំលោភសិទ្ធមនុស្សសេចក្តីថ្លៃថ្នូរបាត់បង់ផលប្រយោជន៍ រំលោភច្បាប់ ។ មនុស្សគ្រប់រូបមានសិទ្ធដូចគ្នា សិទ្ធបញ្ចេញមតិយោបល់ សិទ្ធិរស់នៅ មានបុណ្យសក្តិដូចគ្នា ។ មនុស្សគ្រប់រូប អាចរស់នៅដោយសេរីភាពក្នុងពិភពលោកមួយដែលមានសន្តិភាព និងយុត្តិធម៌បាន លុះត្រាតែយើងចេះគោរពសិទ្ធិគ្នា និងគោរពសេចក្ដីថ្លៃថ្នូររបស់មនុស្ស ។ រដ្ឋាភិបាលគ្រប់ប្រទេស ត្រូវរួមសហការគ្នាជាសកល ដើម្បីការពារសិទ្ធិមនុស្សនិងសុខសន្តិភាពរបស់មនុស្សទាំងស្ត្រី ទាំងបុរសឱ្យរស់នៅក្នុងជីវភាពធូរធារកាន់តែប្រសើរឡើង ។
ក្នុងរបបប៉ុលពត(១៩៧៥-១៩៧៩) មានការរំលោភសិទ្ធិមនុស្សក្នុងសភាពធ្ងន់ធ្ងរបំផុត ព្រោះពួកវាបានចាត់ទុកប្រជាជនជាទាសករ ។ ប្រជាជនភាគច្រើន ត្រូវពួក ប៉ុល ពត សម្លាប់រង្គាលដោយយកលេសថា ក្បត់បដិវត្តន៍ ។ខ្លះទៀត ត្រូវពួកវាបង្ខំឱ្យធ្វើការជាទម្ងន់ វាយដំ បង្អត់អាហារ រហូតដល់ស្លាប់ ។ ឯកុមារត្រូវពួក ប៉ុល ពត បង្ខាំងនៅក្នុងជំរុំ បំបែកពីឪពុកម្ដាយ និងពុំបានទទួលការរៀនសូត្រឡើយ។ បច្ចុប្បន្ន ព្រះរាជាណាចក្រកម្ពុជា ទទួលស្គាល់និងគោរពសិទ្ធិមនុស្ស ដូចមានចែងក្នុងធម្មនុញ្ញអង្គការសហប្រជាជាតិ សេចក្ដីប្រកាសជាសកលស្ដីពីសិទ្ធិមនុស្ស និងកតិកាសញ្ញាព្រមទាំងអនុសញ្ញាទាំងឡាយទាក់ទងទៅនឹងសិទ្ធិមនុស្ស សិទ្ធិនារី និងសិទ្ធិកុមារ ។
+ សកម្មភាពដែលចាត់ទុកថាជាការរំលោភសិទ្ធមនុស្សមានដូចជា
៖
- ការជួញដូរនិងរំលោភសេពសន្ថវៈ
- ការចាប់ជំរិតនិងការឆក់ប្លន់
- ការឆបោកការកេងប្រវ័ញ្ច ការបន្លំ
- ការសម្លាប់យ៉ាងព្រៃផ្សៃ
- ការប្រកាន់ពូជសាសន៍ពណ៌សម្បុរ។
- បង្កឱ្យមានស្នាមរបួសដល់អ្នកដទៃ
- ការចាប់បង្ខំឱ្យធ្វើអ្វីមួយ ដោយប្រើការគំរាមកំហែង
- បង្ខំឱ្យជនណាមួយធ្វើសកម្មភាពខុសច្បាប់
ឬធ្វើអត្តឃាត។
- ការបង្ខំឱ្យជនណាមួយបោះបង់ចោលប្រពៃណី
សាសនា របស់ខ្លួន។
+ បើមាននរណាម្នាក់រំលោភសិទ្ធិយើងត្រូវធ្វើដូចជា
៖
- ប្តឹងទៅអាជ្ញាធរដែនដីឬនគរបាលយុត្តិធម៌
- ប្ដឹងអង្គការនានាឱ្យជួយធ្វើអន្ដរាគមន៍
- ប្ដឹងទៅតុលាការខេត្ត ក្រុង។
មនុស្សគ្រប់រូបមានភាពស្មើគ្នាចំពោះមុខច្បាប់ ។ ច្បាប់ រ៉ាប់រងមិនឱ្យមានការរំលោភបំពានលើរូបរាងកាយមនុស្សណាម្នាក់ឡើយ ។ច្បាប់ការពារអាយុជីវិត កិត្តិយស និងសេចក្ដីថ្លៃថ្នូររបស់មនុស្សម្នាក់ៗ ។
+ ការចោទប្រកាន់
ការចាប់ ឬឃាត់ខ្លួន ឬឃុំខ្លួនមនុស្សណាម្នាក់នឹងអាចធ្វើទៅបានលុះត្រាតែមានលក្ខណៈ ត្រឹមត្រូវតាមច្បាប់បញ្ញត្តិ។
+ មន្ត្រីនគរបាល
មានសិទ្ធិឃាត់ខ្លួនជនជាប់ចោទបានក្នុងរយៈពេល ៤៨ ម៉ោងប៉ុណ្ណោះ។
+ បើអ្នកមិនយល់ព្រមនឹងការកាត់ក្ដីរបស់តុលាការខេត្ត
ក្រុង អ្នកអាចប្ដឹងទៅសាលាឧទ្ធរណ៍ ឬតុលាការកំពូល។
+ បើមានអ្នកណាម្នាក់ប្រព្រឹត្តបំពានច្បាប់រដ្ឋ
ហើយរំលោភលើសិទ្ធិអ្នកដោយធ្វើឱ្យប៉ះពាល់ទ្រព្យសម្បត្តិ ឬកិត្តិយសអ្នក
អ្នកអាចទៅប្ដឹងសុំឱ្យតុលាការរកយុត្តិធម៌ឱ្យអ្នក ដោយរួមទាំងប្ដឹងទាឱ្យសងជំងឺចិត្តចំពោះការរំលោភនោះផង ។
+ ដើម្បីការពារខ្លួន
អ្នកត្រូវរៀនឱ្យចេះដឹងអំពីច្បាប់ និងត្រូវរួមកម្លាំងគ្នាការពារយុត្តិធម៌សង្គមកុំបណ្ដោយឱ្យគេរំលោភលើសិទ្ធិរបស់ខ្លួន ។
+ មេធាវី
មានសិទ្ធិនិងករណីយកិច្ចដូចខាងក្រោម ៖
- ត្រូវរៀបចំធ្វើពាក្យបណ្ដឹងទៅតុលាការនៅពេលមានគេមកពឹងពាក់រកជំនួយ
។
- ជួយការពារកូនក្ដីនៅគ្រប់សាលាជម្រះក្ដី
។
- ត្រូវចុះទៅជាមួយចៅក្រម
នៅពេលមានការឆែកឆេរផ្ទះជនជាប់ចោទ ។
- អាចទាក់ទងកូនក្ដីរបស់ខ្លួនដោយសេរីគ្រប់ពេលតែមិនអាចប្រគល់ឯកសារ
ឬវត្ថុអ្វីមួយដល់កូនក្ដី របស់ខ្លួន ដោយគ្មានការអនុញ្ញាតពីចៅក្រមស៊ើបអង្កេតឡើយ ។
- មានសិទ្ធិអានសំណុំរឿងក្នុងរយៈពេលដ៏ខ្លី
បន្ទាប់ពីចៅក្រមបញ្ចប់ការស៊ើបអង្កេត។
- មានសិទ្ធិមើលសំណុំរឿង
ឬថតចម្លងឯកសារនោះបានបើយល់ថាវាជាការចាំបាច់។