សង្គមមនុស្សមានការអភិវឌ្ឍទាំងផ្នែកវិទ្យាសាស្ត្រ ទាំងរចនាសម្ព័ន្ធសង្គមទៅតាមសម័យកាលនីមួយៗ ។ ការរស់នៅ មនុស្សត្រូវមានចំណេះដឹង បំណិន និងឥរិយាបថល្អ ។ មនុស្សត្រូវការរស់នៅដោយភាពថ្លៃថ្នូរ មានក្រមសីលធម៌ល្អ ចេះស្រឡាញ់រាប់អានគ្នា ចេះយល់អធ្យាស្រ័យគ្នា គោរពគ្នាទៅវិញទៅមក គោរពច្បាប់រដ្ឋ និងចេះរួមរស់នៅជាមួយគ្នា ប្រកបដោយសុខដុមរម្យនានៅក្នុងសង្គម
។
ការច្នៃប្រឌិត ជារបៀបមួយក្នុងការប្រើគំនិតបញ្ញាសម្រាប់ឆ្លើយតបទៅនឹងបញ្ហាធំៗ ដែលកំពុងវិវត្តយ៉ាងលឿននៅក្នុងពិភពលោក ដែលយើងទាំងអស់គ្នាកំពុងរស់នៅ ។ ការច្នៃប្រឌិត ត្រូវបានគេយកមកបណ្ដុះគំនិតលើបុគ្គលម្នាក់ៗឱ្យមានសមត្ថភាពក្នុងការគិតនិងការធ្វើអ្វីមួយ ដើម្បីជួយយើងរកឱ្យឃើញដំណោះស្រាយមួយដ៏ប្រសើរបំផុតសម្រាប់ទប់ទល់បញ្ហាដែលយើងកំពុងជួបប្រទះ។
គំនិតច្នៃប្រឌិតគឺជា ការផ្តួចផ្ដើមធ្វើអ្វីមួយ ឱ្យលេចចេញ
ជារូបរាងមានប្រយោជន៍ ចំពោះខ្លួនឯង ក្នុងសង្គម ដោយប្រើប្រាស់ធនធាន ដែលមានស្រាប់
ចំណាយថវិកាតិច ក្នុងការផលិតសម្ភារៈ តែទទួលបានផលល្អប្រសើរ ឬមានផលិតភាពប្រសើរជាងមុន
។
មនុស្សមានគំនិតច្នៃប្រឌិត មានការវិវឌ្ឍផ្នែកបញ្ញា ស្មារតី សមត្ថភាពជំនាញច្បាស់លាស់ និងចេះកែច្នៃអ្វីមួយដែលពុំមានប្រយោជន៍ឱ្យក្លាយជាមានប្រយោជន៍ មានតម្លៃ មានសារៈសំខាន់ចំពោះគ្រួសារ និងសង្គម។
បច្ចុប្បន្ន នៅប្រទេសកម្ពុជា ការកែច្នៃត្រូវបានលើកទឹកចិត្តពីអ្នកប្រើប្រាស់ដូចជា
-
រ៉ឺម៉កដែលកែច្នៃប្រកបដោយគុណភាពនៅស្រុកយើង ត្រូវបានគេនិយមប្រើពាសពេញ ទាំងទីក្រុង ទាំងទីប្រជុំជន
ព្រោះវាមានតម្លៃថោក ។
- ឯនៅជនបទវិញ
ប្រជាជនយើងនិយមប្រើម៉ាស៊ីនបោកស្រូវដែលជាផលិតផលកែច្នៃក្នុងស្រុក ។
- ម៉ាស៊ីនបោកស្រូវមានតម្លៃសមរម្យ និងកាត់បន្ថយការនាំចូលពីបរទេសផង
។
- មនុស្សដែលមានគំនិតច្នៃប្រឌិតខ្ពស់ប្រកបដោយវិទ្យាសាស្ត្ររមែងទទួលជោគជ័យក្នុងជីវិត ។ ផលិតផលដែលបានមកពីការកែច្នៃនេះ
អាចបង្កើតការជឿជាក់លើសមត្ថភាព
ដែលជាកត្តាជំរុញឱ្យសេដ្ឋកិច្ចគ្រួសារនិងសេដ្ឋកិច្ចជាតិមានការរីកចម្រើន ។ ឧទាហរណ៍៖
នៅសាលារៀនសិស្សានុសិស្សកែច្នៃដបទឹកសុទ្ធទៅជាថូផ្កា
រូបសត្វផ្សេងៗដាក់តាំង លម្អ ឬឧបករណ៍ពិសោធន៍ និងប្រើប្រាស់ផ្សេងៗ ។
+ នៅសម័យបុរាណ បានបង្ហាញពីការច្នៃប្រឌិតខ្ពស់ដូចជា
- ដូនតាយើងបានយកផ្លែដូង មកកែច្នៃធ្វើជាស៊ុមប៉ាន់តែ ដែលអាចរក្សាកម្ដៅឱ្យបានយូរ
- ឯត្រឡោកដូងវិញ អាចធ្វើជាសម្ភារៈផ្ទះបាយទៀត ។
+ ការច្នៃប្រឌិតមានផលប្រយោជន៍ដល់គ្រួសារនិងសង្គមជាតិដូចជា
ចំពោះគ្រួសារ
- ចំណាយថវិកាតិច
- ជួយបង្កើនមុខរបរ ប្រើប្រាស់ពលកម្មក្នុងស្រុក
- មានប្រាក់ចំណូលសមរម្យនិងមានជីវភាពធូរធារ
- អាចបង្កើនការជឿជាក់លើសមត្ថភាព
- ពង្រីកសមត្ថភាព ទេពកោសល្យ និងបទពិសោធន៍ ។
ចំពោះសង្គម
- បណ្តុះបណ្តាលវិជ្ជាជីវៈជំនាញដល់ប្រជាពលរដ្ឋ
- បរិមាណផលិតផលកើនឡើង
- ផលិផលមានតម្លៃថោក
- កាត់បន្ថយការនាំចូលសម្ភារៈពីបរទេស
- សម្បូរធនធានមនុស្ស
ប្រទេសជាតិមានការអភិវឌ្ឍ ។
+
គំនិតច្នៃប្រឌិតអាចជួយពង្រឹងសមត្ថភាពដល់អ្នកច្នៃប្រឌិតព្រោះ
- ធ្វើឱ្យមានការខិតខំប្រឹងប្រែងរកអ្វីដែលថ្មីហើយប្លែក
- ធ្វើឱ្យពួកគេខិតខំស្រាវជ្រាវ
- មានភាពអំណត់ព្យាយាមមានបទពិសោធន៍
- ធ្វើឱ្យមនុស្សកាន់តែមានទេពកោសល្យប្រសើរឡើង
។
គំនិតបង្កើតថ្មីជារបកគំហើញថ្មីហើយត្រូវជំនួសដោយរបកគំហើញចាស់ៗ
បានប្រើសេចក្ដីត្រូវការរបស់មនុស្ស បានផ្លាស់ប្តូរពីភាពអន់ថយ
មកភាពជឿនលឿន ទាន់សម័យសម្រួលដល់ជីវភាពរបស់មនុស្សឱ្យកាន់តែប្រសើរឡើង ។ នៅសម័យបុរាណ
និងសម័យទំនើប មានភាពខុសគ្នាដូចជា ៖
+ នៅសម័យបុរាណ ការធ្វើដំណើរពីកន្លែងមួយទៅកន្លែងមួយទៀត
ដោយថ្មើរជើង រទេះគោ ក្របី ទូក កាណូត និងប្រើរយៈពេលវែង ។
ចំណែកក្នុងសម័យទំនើប គេប្រើរថយន្ត រទេះភ្លើង ដែលមានល្បឿនលឿនអស្ចារ្យ
ដើម្បីធ្វើដំណើរទៅកន្លែងណាមួយទៀត តាមរយៈយន្តហោះ រទេះភ្លើងដោយងាយស្រួលបំផុត
ហើយប្រើរយៈពេលខ្លីផង ។
+ ក្នុងវិស័យពាណិជ្ជកម្ម
ពាណិជ្ជករ បញ្ជាទិញទំនិញផ្សេងៗ តាមប្រព័ន្ធសារអេឡិចត្រូនិច(E-mail)
ដោយពុំចាំបាច់ទៅដល់កន្លែងផលិតទេ ។
+ វិស័យអាកាសចរ គេប្រើសំបុត្រយន្តហោះអេឡិចត្រូនិច ធ្វើដំណើរពាសពេញពិភពលោក។
ចំពោះសេវាកម្មធនាគារ គេប្រើប្រាស់ប្រព័ន្ធអេឡិចត្រូនិចទំនើបដែលអតិថិជន ពាណិជ្ជករ ភ្ញៀវទេសចរ
អាចដកលុយតាមម៉ាស៊ីនអេធីអឹម(ATM) គ្រប់ទីកន្លែង ដែលមានសេវារបស់វា ។
+ វិស័យកសិកម្ម គេអាចបង្កាត់ពូជរុក្ខជាតិថ្មីៗ
ដែលផ្ដល់ទិន្នផលខ្ពស់ហើយប្រើរយៈពេលខ្លីក្នុងការដាំដុះផង។ បច្ចុប្បន្ននេះ នៅប្រទេសជឿនលឿន
ការផលិតស្រូវអាចទទួលទិន្នផលពី ៥ ទៅ ៧ តោនក្នុងមួយហិចតា
និងអាចធ្វើបានពីរដងក្នុងមួយឆ្នាំ ។ ចំណែកឯឧបករណ៍មួយចំនួនដែលបម្រើឱ្យវិស័យកសិកម្ម
ដើរដោយថាមពលព្រះអាទិត្យដែរ ។ ការទទួលបានទិន្នផលខ្ពស់
ព្រមទាំងឧបករណ៍ទំនើប
ក្នុងការប្រើប្រាស់ លើកសិកម្ម ។
+ វិស័យសុខាភិបាល ការវះកាត់ដោយផ្ទាល់ (ដោយដៃ) ត្រូវបានកាត់បន្ថយ ដោយងាកមកប្រើម៉ាស៊ីនឡាសែជំនួសវិញ ដូចជាបាញ់ក្រួសក្នុងតម្រងនោម ព្យាបាលជំងឺមហារីក...។ល។ នៅប្រទេសអភិវឌ្ឍខ្លះទៀត គ្រូពេទ្យអាចប្ដូរអវយវៈសិប្បនិម្មិតជំនួស អវយវៈរបស់មនុស្សយើងបាន ។ ការព្យាបាលក្នុងការប្រើប្រាស់ម៉ាស៊ីន ការផ្លាស់ប្ដូរអវយវៈ ។
គេលើកទឹកចិត្តដល់អ្នកមានគំនិតច្នៃប្រឌិតនិងរបកគំហើញថ្មី ៖
- ជំរុញឱ្យមានការច្នៃប្រឌិត និងរបកគំហើញថ្មី
- ពង្រីកចំនួនអ្នកស្រាវជ្រាវសម្បូរធនធានមនុស្ស
- ពង្រឹងគុណភាពស្នាដៃឱ្យកាន់តែប្រសើរឡើងនិងបម្រើប្រយោជន៍មនុស្សទូទៅ
- ប្រទេសជាតិមានការអភិវឌ្ឍ
- ពង្រឹងសមត្ថភាពឈានទៅដល់សម្រេចគោលដៅរបស់ខ្លួនក្នុងសង្គម
- បង្ហាញពិភពលោកអំពីការស្រាវជ្រាវថ្មីៗ ។
ការច្នៃប្រឌិតមានផលប្រយោជន៍ ៖
- ផ្តល់ការងារក្នុងស្រុកបានច្រើនដល់ប្រជាជន
- កាត់បន្ថយចំណាកស្រុករបស់ប្រជាជន
- កាត់បន្ថយការនាំចូលរបស់របរពីខាងក្រៅប្រទេស(បរទេស)
- អាចពង្រីកពង្រឹងសមត្ថភាពទេពកោលស្យរបស់មនុស្ស ការអភិវឌ្ឍភូមិឃុំ និងប្រទេស ។
របកគំហើញវិទ្យាសាស្រ្តផ្តល់គុណសម្បត្តិ និង
គុណវិបត្តិដូចជា ៖
+គុណសម្បត្តិ
- អាចបម្រីសេចក្ដីត្រូវការរបស់មនុស្ស
- ជួយសម្រួលដល់កិច្ចការ ជំនួយកម្លាំងមនុស្សបានទាន់ពេលវេលា
- ជួយបង្កើនបរិមាណនិងគុណភាពផលិតផល
- កសិកម្ម ឧស្សាហកម្ម ស្របតាមសេចក្ដីត្រូវការរបស់មនុស្ស
- ជួយសម្រួលដល់ជីវភាពរស់នៅ
- ប្រទេសជាតិមានការអភិវឌ្ឍជឿនលឿន
- សម្បូរធនធានមនុស្សនិងសម្ភារៈប្រើប្រាស់។
+ គុណវិបត្តិ
- ការប្រើប្រាស់វិទ្យាសាស្រ្តទំនើបដោយខ្វះសីលធម៌នាំឱ្យប៉ះពាល់
ជីវិតមនុស្ស សត្វ បរិស្ថាន
- ធ្វើឱ្យបរិយាកាសអាចបង្កឱ្យមានព្យុះ ទឹកជំនន់
- ការរាំងស្ងួតគ្រោះធម្មជាតិ និងអន្តរាយផ្សេងៗ
- ការប្រើប្រាស់វិទ្យាសាស្រ្ត ដើម្បីផលិតសពា្វវុធបង្កឱ្យមានសង្គ្រាមបំផ្លាញជីវិតមនុស្ស សត្វ បង្កអសន្តិសុខពាសពេញពិភពលោក
- ចំហេះចេញពីរោងចក្រ និងចំហេះប្រេងឥន្ធនៈ យានយន្ត
បណ្ដាលឱ្យមានភ្លៀងអាស៊ីតបង្កឱ្យស្តើងស្រទាប់អូសូន ឡើងកម្តៅផែនដី។
- ការផលិតសព្វាវុធបង្ក ឱ្យមានសង្គ្រាមបំផ្លាញជីវិតមនុស្ស
សត្វ...។
គោលការណ៍លើកទឹកចិត្តក្នុងការអភិវឌ្ឍគំនិតច្នៃប្រឌិតមានដូចជា
៖
- លើកទឹកចិត្តឱ្យមានការបង្កើតស្នាដៃក្នុងការឃោសនាតាមរយៈការគូររូប
ការកែច្នៃផលិតផលផ្សេងៗ
ការតែងកំណាព្យចម្រៀង
- ចុះផ្សាយអត្ថបទកាសែត អត្ថបទបោះពុម្ពផ្សាយ
- ឱ្យតម្លៃលើកទឹកចិត្តដល់អ្នកខិតខំប្រឹងប្រែងបង្កើតស្នាដៃ និងច្នៃប្រឌិត
- ជំរុញខ្លួនឯងឱ្យមានការច្នៃប្រឌិតខ្ពស់
- អនុវត្តន៍កម្មសិទ្ធិបញ្ញាឱ្យបានត្រឹមត្រូវ។
កត្តាដែលធ្វើឱ្យការច្នៃប្រឌិតទទួលបានជោគជ័យមានដូចជា ៖
- ភាពជឿជាក់ លើខ្លួនឯង
- ហ៊ានសាកល្បង ហ៊ានចាប់ផ្ដើម
- តស៊ូព្យាយាម អត់ធ្មត់ មិនងាយបោះបង់
- មានប្រាជ្ញាឆ្លាតវាងវៃ និងមានសមត្ថភាព
- មានទំនាក់ទំនងល្អក្នុងសង្គម
- ការងារហ្មត់ចត់
- ពិចារណាល្អិតល្អន់មុនធ្វើ ស្វែងរកបទពិសោធន៍
- មានស្មារតីរឹងមាំ
- ខិតខំស្រាវជ្រាវ ពង្រីកចំណេះដឹង មានបំណិនប្រសប់ ។