ជំពូកទី២ ការបញ្ជូនកម្តៅ
មេរៀនទី៣ ការបញ្ចេញរស្មី
សេចក្តីផ្តើម
- តើព្រះអាទិត្យបញ្ជូនកម្តៅមកផែនដីតាមវិធីណា? ហេតុអ្វីបានជាយើងមានអារម្មណ៍ថាក្តៅនៅពេលឈរហាលថ្ងៃ? សុញ្ញាកាស ជាកន្លែងដែលខ្សត់ខ្យល់ ឬគ្មានខ្យល់តែម្តង។
១.ការបញ្ចេញរស្មី
- ការបញ្ចេញរស្មី គឺជាការបញ្ជូនកម្តៅដោយមិនត្រូវការមជ្ឈដ្ឋានរូបធាតុ។
២.ការបញ្ចូជនរស្មីព្រះអាទិត្យមកផែនដី
- ព្រះអាទិត្យបញ្ជូនកម្តៅមកផែនដីតាមការបញ្ចេញរស្មី ព្រោះការបញ្ចេញរស្មីមិនត្រូវការមជ្ឈដ្ឋានរូបធាតុដើម្បីបញ្ជូនកម្តៅទេ។ ម្យ៉ាងវិញទៀត នៅចន្លោះព្រះអាទិត្យ និងផែនដីមានលំហធំធេងសុទ្ធសឹងតែជាសញ្ញាកាស ដូចនេះព្រះអាទិត្យមិនអាចចម្លងកម្តៅមកផែនដីតាមរយៈ ការចម្លងកម្តៅ ឬចរន្តវិលវល់បានទេ។
ឧទាហរណ៍៖ បើយើងឈរជិតអង្គធាតុមួយក្តៅដូចជា អំពូលចង្កៀងរង្គំ ឆ្នាំងអ៊ុតអគិ្គសនី ចិញ្ចឹមថ្នល់នាកណ្តាលថ្ងៃត្រង់នៅរដូវក្តៅ យើងនឹងមានអារម្មណ៍ថាក្តៅដោយសារការបញ្ចេញរស្មីកម្តៅពីវត្ថុនោះមកខ្លួនយើង។ មុនពេលកាំរស្មីព្រះអាទិត្យមកដល់ផែនដី កាំរស្មីមួយផ្នែកត្រូវបានស្រូបដោយស្រទាប់អូសូនហើយមួយផ្នែកទៀតត្រូវបានជះត្រឡប់ទៅព្រះអាទិត្យវិញ។ ម៉្យាងវិញទៀត ដុំពពកក៏កាត់បន្ថយបរិមាណកម្តៅព្រះអាទិត្យមកផែនដីផងដែរ។
៣.លក្ខណៈសម្រូបកម្តៅនៃអង្គធាតុ
- ព្រះអាទិត្យបានបញ្ចេញពន្លឺពណ៌ស ដែលជាបណ្តុំនៃពន្លឺប្រាំពីរពណ៌ មានពណ៌ក្រហម លឿងទុំ(ឬទឹកក្រូច) លឿង បៃតង ខៀវ ខៀវធ្លះ និងស្វាយ។
- អង្គធាតុទាំងអស់ស្រូប ឬបញ្ចេញបរិមាណកម្តៅមិនដូចគ្នាទេ៖
· អង្គធាតុពណ៌ខ្មៅគគ្រោត ងាយស្រូបកម្តៅឆាប់ឡើងក្តៅហើយបំភាយរស្មីទៅវិញក៏ខ្លាំងនិងឆាប់ចុះត្រជាក់ផងដែរ។
· អង្គធាពណ៌សផ្ទៃររលោង មិនសូវស្របកម្តៅទេ ប៉ុន្តែបំផ្លាតកាំរស្មីកម្តៅបានល្អ អង្គធាតុនេះឡើងកម្តៅយឺតៗ ហើយបំភាយរស្មីយឺតៗដែរ។
៤. អនុវត្តន៍ការបញ្ចេញរស្មី
- ផលនៃការបញ្ចេញរស្មីកម្តៅត្រូវគេយកទៅអនុវត្តក្នុងដបទែម៉ូស។
