(ជ១)មេរៀនទី២៖ (សង្ខេបមេរៀន) ការរីកនៃអង្គធាតុ

ជំពូកទី​១    កម្តៅ

មេរៀនទី២   ការរីកនៃអង្គធាតុ

សេចក្តីផ្តើម

· អង្គធាតុឋិតនៅក្នុងភាពរូបបីយ៉ាងគឺ រឹង រាវ និងឧស្ម័ន។

· គ្រប់អង្គធាតុទាំងអស់រីកមាឌកាលណាវាត្រូវកម្តៅ ហើយរួមមាឌមកវិញកាលណាវាចុះត្រជាក់។

១. ការរីកនៃអង្គធាតុរាវ

-​​ អង្គធាតុរីកមាឌកាលណាត្រូវកម្តៅ ហើយរួមមាឌមកវិញកាលណាវាចុះត្រជាក់។ប៉ុន្តែការរីកនៃទឹកមិនដូចការរីកនៃអង្គធាតុរាវដទៃទេ។នៅសីតុណ្ហភាព 0\( ^\circ \text{C} \) ដល់​ ​4\( ^\circ \text{C} \)មាឌទឹកថយចុះ(រួមមាឌ) ហើយពី 4\( ^\circ \text{C} \) ដល់ 100\( ^\circ \text{C} \) មាឌទឹកកើនឡើង(រីកមាឌ)។ ចំពោះទឹក អាល់កុល និងប្រេង អង្គធាតុរាវរីកមាឌលឿនជាងគេគឺ អាល់កុល។ ដូច្នេះ ហើយទើបគេយកអាល់កុលឬបារ៉ត ប្រើក្នុងទង្វើទែម៉ូម៉ែត្រដោយសារវាងាយរីក និងរួមកាលណាមានសីតុណ្ហភាពប្រែប្រួល។

២. ការរីកនៃឧស្ម័ន

- ឧស្ម័នរីកមាឌ កាលណាវាត្រូវកម្តៅ ហើយរីកមាឌកាលណាវាចុះត្រជាក់។

ដោយសារឧស្ម័នរីកមាឌនៅពេលត្រូវកម្តៅដូចនេះ៖

· ពេលយើងបោះសំបកដបឬអំពូលថ្នាំពេទ្យចូលទៅក្នុងភ្នក់ភ្លើង វានឹងផ្ទុះបែកដោយសារខ្យល់ក្នុងសំបកដប និងអំពួលថ្នាំរីកមាឌ។

· អ្នកមិនត្រូវសប់កង់ទោចក្រយាន ឬទោចក្រយន្តឱ្យតឹងខ្លាំងពេកទេ ព្រោះវាបណ្តោលឱ្យផ្ទុះបែកដោយសារការរីកមាឌនៃខ្យល់នៅពេលអ្នកបើកបរដោយល្បឿនលឿនឬទុកចោលហាលថ្ងៃក្តៅខ្លាំង។

· ការរីកនៃឧស្ម័នត្រូវបានគេយកទៅអនុវត្ត ធ្វើជាគោមហោះ។

៣. ការរីកមាឌនៃអង្គធាតុរឹង

- អង្គធាតុរឹងរីកមាឌ កាលណាវាត្រូវកម្តៅ ហើយរួមមាឌមកវិញ កាលណាវាចុះត្រជាក់។ ការរីកនៃអង្គធាតុរឹងទាំងអស់មិនដូចគ្នា។ ដូច្នេះគេប្រើឧបករណ៍ ពីរ៉ូម៉ែត្រ សម្រប់វាស់ការរីកនៃអង្គធាតុរឹងទាំងនោះ។

- ទែម៉ូស្កា៖ កើតឡើពីការអនុវត្តនៃទ្វេបន្ទះលោហៈពីរជាប់គ្នា។ បន្ទះលោហៈ គឺជាបន្ទះលោហៈពីរប្រភេទផ្សេងគ្នាបិទជិតគ្នា។

ឧទាហរណ៍ គេយកអនុវត្តន៍ការរីកនៃអង្គធាតុរឹងដូចជា៖

· តំណផ្លូវដែក គេត្រូវទុកចន្លោះកំណាត់ផ្លូវដែកពីរ ដើម្បីការពារការរីកនៃលោហៈពេលត្រូវកម្តៅ ឬកើនសីតុណ្ហភាព។

· ស្ពានដែក គេត្រូវទុកចន្លោះបន្តិចនៅត្រង់មុខតំណ ដើម្បីការពារការរីកនៃស្ពានពេលកើនសីតុណ្ហភាពហើយគេក៏ត្រូវប្រើកង់ឃ្លីនៅក្រោមស្ពានឱ្យវារអិលផងដែរ។

· កង់រទេះគោ គេត្រូវធ្វើវ៍ណ្ឌដែកឱ្យតូចជាងកង់បន្តិចក្រោយមកដុតវាឱ្យរីកមាឌ រួចរីកមាឌ រួចយកវាទៅវ័ណ្ឌលើកង់ឈើ បន្ទាប់មកចាក់ទឹកលើវាឱ្យត្រជាក់វារួមមកវិញរឹតកង់យ៉ាងតឹងណែន។