ជំពូកទី១ ៖ ការបញ្ជូនកម្តៅ
មេរៀនទី២ ៖ ចរន្តវិលវល់
សេចក្តីផ្តើម
- ចរន្តវិលវល់ ជាប្រភេទនៃការបញ្ចូនកម្តៅពិសេសរបស់អង្គធាតុរាវ និងឧស្ម័ន ដោយបម្លាស់ទីនៃស្រទាប់អង្គធាតុរាវ ឬឧស្ម័ន។
១. ចរន្តវិលវល់
១.១. ចរន្តវិលវល់នៃអង្គធាតុរាវ
- ចរន្តវិលវល់ ចរន្តវិលវល់នេះបណ្តាលមកពីស្រទាប់ទឹកផ្នែកខាងក្រោមត្រូវកម្តៅមុន ហើយរីកមាឌទៅជាស្រាលហើយវាក៏ផ្លាស់ទីឡើងលើ ចំណែកទឹកនៅផ្នែកខាងលើត្រជាក់ជាង វាក៏ធ្លាក់ចុះមកក្រោមជំនួសវិញ រួចត្រូវកម្តៅវាក៏ផ្លាស់ទីឡើងទៅលើសាជាថ្មី។
១.២. ចរន្តវិលវល់នៃឧស្ម័ន
- ចរន្តវិលវល់កើតឡើងដោយការប្រែប្រួលមាឌនៃអង្គធាតុរាវទៅតាមសីតុណ្ហភាព។
២. អនុវត្តន៍និងផលនៃចរន្តវិលវល់
២.១. រ៉ាដ្យាទ័រ
- ដំណើរការចរន្តវិលវល់នៅក្នុង រ៉ាដ្យាទ័រ របស់រថយន្ត គឺនៅពេលដែលស៊ីឡាំងផ្លាស់ទីឡើងលើចុះក្រោមនៅក្នុងរ៉ាដ្យារទ័រវាក៏កើនកម្តៅ ហើយបានប៉ះជាមួយទឹកត្រជាក់នៅក្នុងរ៉ាដ្យាទ័រធ្វើឱ្យទឹកនោះក្តៅ ហើយផ្លាស់ទីឡើងលើសំដៅទៅលើស៊ីឡាំង។ នៅពេលទឹកក្តៅទៅដល់ស៊ីឡាំងដែលនៅពីមុខកង្ហាបក់ខ្យល់កំពុងវិល ធ្វើឱ្យទឹកក្តៅនោះប្រែមកជាត្រជាក់ ហើយផ្លាស់ទីទៅប៉ះនឹងបំពង់ស៊ីឡាំងដដែលៗសារថ្មី។
២.២. ប្រព័ន្ធផ្គត់ផ្គង់ទឹកក្តៅ
- ប្រព័ន្ធផ្គត់ផ្គង់ទឹកក្តៅ ក្នុងគេហដ្ឋានផ្អែកលើគោរការណ៍ចរន្តវិលវល់។ ទឹកក្តៅផ្លាស់ទីឡើងទៅលើ ហើយទឹកត្រជាក់ផ្លាស់ទីចុះមកក្រោម។
២.៣. ចរន្តខ្យល់ក្នុងអណ្តូងរ៉ែ
- ចរន្តខ្យល់ក្នុងអណ្តូងរ៉ែ កាលណាគេដុតភ្នក់ភ្លើងនៅក្នុងអណ្តូងរ៉ែ ធ្វើឱ្យខ្យល់នៅក្នុងអណ្តូងរ៉ែក្តៅ និងរីកមាឌផ្លាស់ទីមកផ្ទៃដីខាងលើ ពេលនោះខ្យល់នៅលើផ្ទៃដីត្រជាក់ក៏ផ្លាស់ទីចុះក្រោមចូលក្នុងអណ្តូងរ៉ែវិញ។
២.៤. កំណខ្យល់បក់
- ខ្យល់បក់ពីតំបន់ត្រជាក់ទៅតំបន់ក្តៅ ព្រោះនៅតំបន់ក្តៅ ខ្យល់ប៉ះដីទៅជាខ្យល់ក្តៅហើយស្រាលរួចផ្លាស់ទីឡើងទៅលើ។ ចំណែកខ្យល់នៅតំបន់ត្រជាក់មកជំនួសវិញ បង្កជាចរន្តវិលវល់ហើយបង្កើតបានជា ខ្យល់បក់។
