ជំពូកទី១ មនុស្សជាច្រើនរស់នៅមជ្ឃដ្ឋានក្ដៅ
មេរៀនទី២ មជ្ឃដ្ឋានក្ដៅពិភពកសិករ
ពន្យល់ពាក្យ
· សិសិររដូវ ៖ រដូវរងាខ្លាំង។
· ចំណាកស្រុក ៖ ចលនាផ្លាស់ប្ដូរទីលំនៅពីកន្លែងមួយទៅកន្លែងថ្មីមួយទៀត។
· មជ្ឃដ្ឋាន ៖ ទីកន្លែង។
· កសិករ ៖ អ្នកធ្វើកសិកម្ម។
១. កសិកររស់នៅកុះករក្នុងតំបន់ចន្លោះត្រូពិច
- មនុស្សជាង៣០០០ លាននាក់រស់នៅតំបន់ចន្លោះត្រូពិច។ អាស៊ីអាគ្នេយ៍
ចិន ឥណ្ឌា ជាតំបន់ដែលមានប្រជាជនរស់នៅច្រើនជាងគេក្នុងពិភពលោក។
- មនុស្សក្នុងមជ្ឃដ្ឋានក្ដៅមិនដែលស្គាល់សិសិរដូវទេព្រោះសីតណ្ហភាពត្រជាក់បំផុតមានត្រឹម១៨អង្សា ។ ប្រជាជនជាងពាក់កណ្ដាលនៅតំបន់ក្ដៅជាកសិករធ្វើកសិកម្ម ។ តំបន់នេះកាលពីមុនផ្ទះពួកគាត់សង់ពី ដីឥដ្ឋ ឫស្សី ឈើ ស្លឹកត្នោត ស្បូវជាដើម ។ ប៉ុន្តែបច្ចុប្បន្នលំនៅស្ថានកសិករមានការវិវត្តមួយកម្រិត ផ្ទះភាគច្រើន ប្រក់សង្ក័សី ប្រក់ក្បឿង ។
២. បច្ចេកទេសបុរាណក្នុងការបង្កបង្កើនផល
- កសិករភាគច្រើនធ្វើស្រែចម្ការតាមរបៀបដូនតាពីបុរាណ ហៅថាកសិកម្មប្រពៃណី។
បច្ចេកទេសដាំដុះបែបនេះទទួលបានផលតិច ។
- នៅទ្វីបអាហ្រ្វិក គេធ្វើកសិកម្មប្រើកម្លាំងមនុស្ស និងឧបករណ៍យ៉ាងសាមញ្ញដូចជា ចប ឈើស្រួច សម្រាប់បុកដីដាំដំណាំ ។ ទ្វីបអាស៊ី គេប្រើកម្លាំងគោ ក្របី សម្រាប់អូសរទេះ នង្គ័ល រនាស់ គេប្រើលាមកសត្វសម្រាប់ធ្វើជី ។
៣. បម្រែបម្រួលជីវភាពក្នុងភូមិ
- កសិកម្មប្រពៃណីបានផលតិច មិនអាចចិញ្ចឹមគ្រួសារ ដែលមានកូនច្រើន
ទាំងអស់បាន ហើយមិនមានលទ្ធភាពឱ្យកូនរៀនបានជ្រៅជ្រះ។
- ពួកយុវជនចាកចេញពីស្រុក ភូមិ ទៅកាន់ទីក្រុងដើម្បីស្វែងរកការងារធ្វើ។ កសិកម្មទីផ្សារបានផលច្រើន ធ្វើឱ្យជីវភាព ប្រជាជនក្នុងភូមិមានការរីកច្រើនជាងមុនដោយកសិករប្ដូរមកដាំ កាកាវ ឬកាផែ។ នៅកម្ពុជាគេដាំ កៅស៊ូ ដំឡូងមី ក្រចៅ ថ្នាំជក់....។
