(ជ២) មេរៀនទី១៖ (សង្ខេបមេរៀន) មនុស្សតិចតួចរស់នៅមជ្ឈដ្ឋានគាបសង្កត់ពីធម្មជាតិ

ជំពូកទី២           មនុស្សតិចតូចរស់នៅមជ្ឍដ្ឋានគាបសង្កត់ពីធម្មជាតិ

មេរៀនទី១        ​ ប្រជាជនក្នុងតំបន់វាលលំហក្តៅ

ពន្យល់ពាក្យ

· ផ្សាំ               ៖ ធ្វើឱ្យស៊ាំ ធ្វើឱ្យសម្របទៅនឹងអ្វីមួយ។    

· រ៉ិច                ៖ សិលាប្រេះស្រាំបាក់បែកជាដុំថ្ម កម្ទេចកម្ទីថ្ម (គ្រួស ខ្សាច់)។

· ចរកជន         ៖ ជនដែលរស់នៅ ដោយផ្លាស់ប្តូរទីកន្លែង។

· វាលលំហ        ៖ វាលខ្សាច់ធំល្វឹងល្វើយ ពេលថ្ងៃក្តៅខ្លាំង ពេលយប់ត្រជាក់ខ្លាំងគ្មានរុក្ខជាតិ ខ្សត់ទឹក។

១. លក្ខខណ្ឌធម្មជាតិ និងជីវភាពប្រជាជន

តំបន់វាលលំហក្ដៅ ជាមណ្ឌលអាកាសធាតុពិសេសមួយដែលនៃភពផែនដីដែលស្ថិតនៅតាមបណ្ដោយខ្សែត្រូពិច។ តំបន់វាលលំហទាំងនោះ មានភ្លៀងធ្លាក់តិចតួចណាស់ក្នុងមួយឆ្នាំ ហើយកន្លែងខ្លះពុំមានភ្លៀងធ្លាក់សោះជាច្រើនឆ្នាំជាប់ៗគ្នា។ ពេលថ្ងៃខ្លាំងស្តើឆេះ(៥០ ^oC នៅក្នុងជម្រក ៧០ ^oC ទៅ ៨០ ^oC នៅកណ្ដាលវាល។ ពេលយប់ត្រជាក់ដូចទឹកកក(0 ^oC)។ បម្រែបម្រួលស៊ីតណ្ហភាពឆាប់រហ័សបែបនេះ ធ្វើឱ្យសិលាងាយប្រេះស្រាំបាក់បែកជាដុំថ្ម កម្ទេចកម្ទីថ្ម គ្រួស ខ្សាច់ហៅថាវ៉ិច។ភ្លៀងព្យុះកើតមានម្ដងម្កាលរយៈពេលខ្លី។ ទឹកភ្លៀងហូរត៉ាងរហ័សជ្រាបចូលដីមិនអាចប្រើប្រាស់បាន។ខ្យល់ព្យុះកាចសាហាវណាស់ បានគួចខ្សាច់ទៅលើអាកាសបាំងពន្លឺព្រហអាទិត្យ អាចប្រល័យជីវិតមនុស្ស និងសត្វបើគ្មានជម្រកត្រឹមត្រូវ។

២. មនុស្សផ្ស៉ាំខ្លួនទៅទៅនឹងភាពស្ងួតហែង

ដើម្បីការពារកម្ដៅថ្ងៃ និងរក្សាធាតុទឹកក្នុងខ្លួន ពួកចរកជនស្លៀកពាក់ទូលាយៗជាច្រើនជាន់ និងរុំក្បាលបិទមុខ ធ្វើបែបនេះអាចការពារធូលីដី និងខ្សាច់ដែលបោកបក់ដោយខ្យល់ស៊ីរ៉ូកូ ម្យ៉ាងទៀតអាចការពារអាកាសធាតុត្រជាក់ពេលរាត្រីផងដែរ ។

៣. បំលាស់ប្តូរជីវភាពចរកជន

នៅតំបន់វាលលំហចរកជនអ្នកចិញ្ចឹមសត្វផ្លាស់ប្ដូរទីកន្លែងញឹកញាប់ ដើម្បីស្វែងរកទឹក និងវាលស្មៅសម្រាប់ចិញ្ចឹមសត្វ។ ចរកជនខ្លះរស់នៅដោយបរបាញ់សត្វដូចមនុស្សសម័យបុរេប្រវត្តិ ។ ចរកជនខ្លះទៀតរស់នៅក្រោមសំពត់តង់ប្រកបរបរជាអ្នកដឹកជញ្ជូនអីវ៉ាន់តាមខ្នងសត្វអូដ្ឋកាត់វាលលំហ។ សព្វថ្ងៃការដឹកអីវ៉ាន់តាមខ្នងអូដ្ឋកាត់វាលលំហ មានការប្រកួតប្រជែងដឹកដោយរថយន្ត រថភ្លើង និងយន្តហោះកាត់វាលលំហសាហារ៉ា។