- រដ្ធធម្មនុញ្ញ៖ ច្បាប់សម្រាប់ប្រទេស។
- កម្លាំងចលករ៖ កម្លាំងជម្រុញ។
- សហគ្រាស៖ គ្រឹះស្ថាន ឬអង្គភាពរបស់រដ្ធ ឬឯកជន។
- ពហុជាតិ៖ ជាតិច្រើនរួមគ្នា។
- ទេសាភិបាល៖ មន្ត្រីអ្នករក្សាប្រទេស-រដ្ធឌ
អ្នកគ្រប់គ្រងខេត្តប្រទេស-រដ្ធ។
- សហជីព៖ សមាគមកម្មករ អង្គការរបស់កម្មករ
ឬសមាគមរបស់វិជ្ជាជីវៈណាមួយ។
- មូលធននិយម៖ ប្រព័ន្ធសេដ្ធកិច្ចដែលផ្អែកលើកម្មសិទ្ធិឯកជន (ទ្រព្យសម្បតិ្ត
និងមធ្យោបាយផលិតកម្ម) សហគ្រាសសេរី កម្រៃផ្ទាល់ខ្លួននិងសេដ្ធកិច្ចទីផ្សារ។
- អ្នកប្រើនិយម៖ ចលនាដែលតម្រង់ឆ្ពោះទៅរកការផ្តល់អ្នកប្រើប្រាស់ទាំងឡាយនូវតួនាទីសេដ្ធកិច្ច
និងសង្គម។
- ក្រុមផលប្រយោជន៍៖ ក្រុមបង្កើតសម្ពាធតាមគាបសង្កត់។
- សហព័ន្ធនិយម៖ ប្រព័ន្ធនយោបាយ
ដែលប្រមូលផ្តុំសហគមន៍ក្នុងរដ្ធមួយ ដែលការពារស្វ័យភាព ឬលក្ខណៈដោយឡែករបស់គេ។
- អ្នកឥតរបស់ធានាក្នុងសង្គម៖ អ្នកដែលពុំទទួលបានពីរដ្ធនូវប្រាក់ឧបត្ថម្ភគ្រួសារ
ថ្លៃព្យាបាលជំងឺ ប្រាក់ចូលនិវត្តន៍...។
សហរដ្ឋអាមេរិកអនុវត្តន៍នូវប្រព័ន្ធសេដ្ឋកិច្ចបែបសហគ្រាសទីផ្សារសេរី
ឬប្រព័ន្ធសេដ្ឋកិច្ចមូលធននិយម។ ប្រព័ន្ធសេដ្ឋកិច្ចបែបនេះមានគុណសម្បត្តិ
និងគុណវិបត្តមួយចំនួនដូចជា៖
+ គុណសម្បត្តិ
- មានការប្រគួតប្រជែងគ្នាដោយសេរី
- ទំនិញមានគុណភាព
និងមានតម្លៃសមរម្យ
- ប្រជាជនសម្បូរការងារ
- ប្រទេសមានកំណើនសេដ្ឋកិច្ចខ្ពស់
- សម្បូរក្រុមហ៊ុនវិនិយោគទុន
- សម្បូរផលិតផលប្រើប្រាស់
- ជញ្ជីងពាណិជ្ជកម្មមានលំនឹង
ឬមានតុល្យភាព
- សម្បូរទីផ្សារ
- មានទំនាក់ទំនងការទូលល្អជាមួយបណ្តាប្រទេសនានា
- ផ្តល់ឱកាសឲ្យមានការផ្លាស់ប្តូវប្បធម៌ជាមួយប្រទេសនានា
- ផ្សព្វផ្សាយពីវប្បធម៌របស់ខ្លួនទៅកាន់ពិភពលោក
- ប្រជាជនមានកម្រិតជីវភាពរស់នៅខ្ពស់។
+ គុណវិបត្តិ
- ក្រុមហ៊ុនតូចៗអាចដួលរលំ ឬក្ស័យធន ដោយសារមិនអាចប្រកួតប្រជែងជាមួយនឹងក្រុមហ៊ុនធំៗបាន
- ប្រជាជនបាត់បង់ការងារ
- មានបញ្ហាអសន្តិសុខក្នុងសង្គម
- អាចបាត់បង់នូវអត្តសញ្ញាណជាតិ
- ក្រុមហ៊ុនធំៗលេបត្របាក់ក្រុមហ៊ុនតូចៗ។
+ សេដ្ឋកិច្ចសហរដ្ឋអាមេរិកពឹងផ្អែកលើគ្រឹះមួយចំនួនដូចជា៖
- ធនធានធម្មជាតិដ៏សម្បូរបែប
- វិស័ឧស្សាហកម្ម
- វិស័យសេវាកម្ម
- វិស័យពាណិជ្ជកម្ម
- វិស័យទេចរណ៍
- វិស័យគមនាគមន៍
- ធនធានមនុស្សដ៏សម្បូរបែប
- ទីផ្សារក្នុងស្រុក
និងក្រៅប្រទេស
- កម្លាំងពលកម្មប្រកបដោយជំនាញ
- ការប្រកួតប្រជែងគ្នាលើទីផ្សារសរី។
+ ដើម្បីពង្រីទីផ្សារ
សេដ្ឋកិច្ចសហរដ្ឋអាមេរិកពឹងផ្អែកលើច្បាប់ទីផ្សារដូចជា៖
- ការប្រកួតប្រជែងគ្នា
ដោយសេរីរវាងសហគ្រាសឯកជន
- សេរីភាពរបស់បុគ្គលក្នុងការបង្កើតសហគ្រាស
- ការពង្រីកទីផ្សារ
- តម្រូវការ
នៃគំនិតច្នៃប្រឌិត
- ផលិតភាពការងារខ្ពស់
ដើម្បីឈ្នះលើគូរប្រជែង
- រក្សាគុណភាពផលិតផល
- ធ្វើទំនើបកម្មផលិតផល
- បញ្ចូលនូវបច្ចេកទេសថ្មីៗក្នុងផលិតផល
- គាំទ្រមជ្ឈមណ្ឌលស្រាវជ្រាវ និងសាកលវិទ្យាល័យ
- ពង្រីកសាខាផលិតកម្មរបស់ខ្លួនទៅកាន់បណ្តាប្រទេសនានាក្នុងពិភពលោក
- បង្កើតទំនាក់ទំនងល្អជាមួយពិភពលោក។
សហគ្រាសតូចៗ និងកសិដ្ឋាននៅសហរដ្ឋអាមេរិកត្រូវរលាយបាត់រូបរាង ពីព្រោះដោយសារតែមិនអាចប្រកួតប្រជែងជាមួយនឹងសហគ្រាសធំៗបាន ពោលគឺសហគ្រាសតូចៗ និងកសិដ្ឋានទាំងនោះត្រូវបានសហគ្រាសធំៗទិញយក ឬត្រូវក្ស័យធន ពិសេសគឺសហគ្រាស និងកសិដ្ឋានទាំងនោះត្រូវបានលេបត្របាក់ ដោយសហគ្រាសធំៗ។ ដើម្បីជម្រុញឲ្យការស្រាវជ្រាវរបៀបថ្មីៗ សហគ្រាសធំៗត្រូវធ្វើការផ្តល់ជាជំនួយឧបត្ថម្ភដ៏ច្រើនសន្ធឹកសន្ធាប់ ដល់មន្ទីរពិសោធន៍ និងមន្ទីរស្រាវជ្រាវនៃសាកលវិទ្យាល័យនានា។
+ សហគ្រាសសហរដ្ឋអាមេរិកឈានមុខគេ
លើផ្នែកសកម្មភាពនៃឧស្សាហកម្មប្រណីតមួយចំនួនដូចជា៖
- ឧស្សាហកម្មកុំព្យូទ័រ
និងពត៌មានវទ្យា
- ឧស្សាហកម្មបង្កើតពាក្យតូចៗផ្នែកអវកាស
- ឧស្សាហកម្មផលិតឱសថ
- ឧស្សាហកម្មជីវៈតិចណូឡូជី
- ឧស្សាហកម្មផលិតសម្ភារៈថ្មីៗ
- ឧស្សាហកម្មផលិតរថយន្ត
និងថាមពល
- ឧស្សាហកម្មផលិតសម្ភារៈអេឡិចត្រូនិច
និងបរិក្ខារអគ្គិសនី
- និងសកម្មភាពបរិស្ថាន។
ឧស្សាហកម្មចំណីអាហារ និងសេវា របស់សហរដ្ឋអាមេរិក ដែលល្បីល្បាញពាសពេញពិភពលោក គឺឧស្សាហកម្មចំណីអាហារម៉ាកឌូណល ភីស្សាហ៊ុត និងខេនធឺឃីឈីខេន ពីព្រោះគ្មានឧស្សាហកម្មចំណីអាហារអឺរ៉ុបណា និងជប៉ុនណា ដែលអាចប្រកួតប្រជែងជាមួយសហរដ្ឋអាមេរិកបានឡើយ។
គេបង្កើងសហជីព
ដើម្បីប្រឆាំងនឹងឥទ្ធិពលរបស់សហគ្រាសធំៗ ឬដើម្បីចចារជាមួយនឹងម្ចាស់សហគ្រាសធំៗដែលតែងតែកៀបសង្កត់មក លើសហគ្រាសតូចៗ។ សហជីពទាំងនោះរួមមាន ៖
- សមាគមន៍ការពារបរិស្ថាន
ឬសមាគមន៍អ្នកប្រើប្រាស់ផលិតផល មានភារកិច្ចសំខាន់ គឺជួយការពារអ្នកប្រើប្រាស់ផលិតផល
- សហភាព
ឬសហជីពអាជីព ឬសហជីពឧស្សាហកម្មមានតួនាទី និងភារកិច្ចចចារជាមួយម្ចាស់សហគ្រាស
ដែលតែងតែកៀបសង្កត់មកលើសហគ្រាសតូចៗ ឬកម្មករ។
+ ដើម្បីពង្រីកទីផ្សារ
សហគ្រាសឯកជននីមួយៗនៅសហរដ្ឋអាមេរិកបានប្រើប្រាស់យុទ្ធសាស្រ្តជាច្រើន
ដែលរួមមានដូចខាងក្រោម ៖
- បង្កើតគំនិតច្នៃប្រឌិតទៅលើផលិតផល
- ធ្វើការសិក្សាស្រាវជ្រាវ
ដើម្បីស្វែងរកបច្ចេកវិទ្យាថ្មីៗ សម្រាប់បញ្ចូលក្នុងផលិតផលរបស់ខ្លួន
- ពង្រឹងគុណភាពផលិតផលរបស់ខ្លួន
- ពង្រឹងផលិតភាពការងារខ្ពស់
ដើម្បីយកឈ្នះលើគូរប្រគួត
- ថែរក្សាគុណភាពផលិតផល
- ធ្វើទំនើបកម្មផលិតផលរបស់ខ្លួន
- បញ្ចូលបច្ចេកវិទ្យាថ្មីៗទៅក្នុងផលិតកម្មរបស់ខ្លួន
- គាំទ្រមជ្ឈមណ្ឌលស្រាវជ្រាវ និងសាកលវិទ្យាល័យនានា ជាពិសេសមន្ទីរពិសោធន៍ ដើម្បីទទួលបានគំហើញថ្មីៗ
- ពង្រីកសាខាផលិតកម្មរបស់ខ្លួនទៅកាន់បណ្តាប្រទេសនានា
នៅក្នុងពិភពលោក
- បង្កើតទំនាក់ទំនងល្អជាមួយបណ្តាប្រទេសផ្សេងៗទៀតនៅលើពិភពលោក
- ការពារបរិស្ថាន
និងសុខភាពអ្នកប្រើប្រាស់ផលិតផលរបស់ខ្លួន។
+ រដ្ឋនីមួយៗ
នៃរដ្ឋសហព័ន្ធសហរដ្ឋអាមេរិកមាន ៣ អំណាចសំខាន់ៗ ដើម្បីគ្រប់គ្រងរដ្ឋនីមួយៗរបស់ខ្លួនដូចជា៖
- អំណាចនិតិបញ្ញត្តិ
- អំណាចនិតិប្រតិបត្តិ
- និងអំណាចតុលាការ។
ប្រធានាធិបតីសហរដ្ឋអាមេរិកមានអាណត្តិ
៤ ឆ្នាំ ហើយអាចឈរឈ្មោះឲ្យគេបោះឆ្នោតបានចំនួនត្រឹមតែ ២ ដង ឬ ២ អាណត្តិប៉ុណ្ណោះ។
រដ្ឋសហព័ន្ធសហរដ្ឋអាមេរិកធ្វើអន្តរាគមន៍
នៅពេលដែលប្រទេសប្រឈមមុខនឹងបញ្ហាសេដ្ឋកិច្ច និងបញ្ហាសង្គម
ដោយធ្វើអន្តរាគមន៍ទៅលើផ្នែក ឬវិស័យមួយចំនួនដូចជា៖
- វិស័យថាមពល
- វិស័យកសិកម្ម
- វិស័យហិរញ្ញវត្ថុ
- វិស័យឧស្សាហកម្ម
- វិស័យទេសចរណ៍
- វិស័យបរិស្ថាន
- កិច្ចការស្រាវជ្រាវ
- វិស័យការពារជាតិ
- វិស័យសុខភាព
- និងវិស័យអប់រំ។
អំណាចប្រធានាធិបតី និងព្រឹទ្ធសភាសហរដ្ឋអាមេរិក គឺប្រធានាធិបតី និងព្រឹទ្ធសភាសហរដ្ឋអាមេរិកមានអំណាចលើគ្នាទៅវិញទៅមក។ មានន័យថា ប្រធានាធិបតី និងព្រឹទ្ធសភាសហរដ្ឋអាមេរិកអាចគ្រប់គ្រង និងត្រូតត្រាគ្នាទៅវិញទៅមកនៅលើផ្នែកខ្លះនៃអំណាចរបស់ពួកគេ។ ព្រឹទ្ធសភាមិនអាចរំលាយប្រធានាធិបតីបានទេ ប៉ុន្តែអាចដាក់សំពាធទៅលើប្រធានា ធិបតីបាន ពីព្រោះព្រឹទ្ធសភាបោះឆ្នោត ដើម្បីសម្រេចលើហិរញ្ញវត្ថុ។ ប្រធានាធិបតីក៏មិនអាចរំលាយព្រឹទ្ធសភាបានដែរ ប៉ុន្តែគាត់មានសិទ្ធិបដិសេធប្រឆាំងនឹងព្រឹទ្ធសភា ដែលមិនព្រមអនុម័តច្បាប់ ទៅតាមសំណើរសុំរបស់ប្រធានាធិបតី។
+ វិសាលភាពនៃទឹកដីសហរដ្ឋអាមេរិកផ្តល់នូវសក្តនុពលភាព
សម្រាប់សេដ្ឋកិច្ចសហរដ្ឋអាមេរិកដូចជា ៖
- ដីសម្បូរជីជាតិ
សម្រាប់ដំណាំ និងព្រៃឈើ ក្នុងវិស័យកសិកម្ម
- សម្បូរធនធានរ៉ែ
និងធនធានថាមពល សម្រាប់អភិវឌ្ឈន៍វិស័យឧស្សាហកម្ម
- សម្បូរផ្លូវទឹកវែងៗ
និងបឹងធំៗ សម្រាប់ពង្រីកវិស័យកសិកម្ម និងវិស័យដំណឹកជញ្ជូន
- មានអាកាសធាតុល្អ និងទេសភាពស្រស់ស្អាត
សម្រាប់អភិវឌ្ឍន៍វិស័យទេសចរណ៍ និងប្រជាជនចូលនិវត្តន៍
- មានឆ្នេរសមុទ្រ
និងផ្លូវវែងៗ ដែលអនុគ្រោះដល់សំណង់កំពង់ផែ និងការធ្វើពាណិជ្ជកម្មតាមផ្លូវសមុទ្រ
- មានមហាសមុទ្រព័ទ្ធជុំវិញ
និងជាទីកន្លែងជំនួបគ្នារវាងចរន្តទឹកក្តៅ និងចរន្តទឹកត្រជាក់
ដែលអនុគ្រោះដល់សកម្មភាពនេសាទសមុទ្រ។