(ជ៦) មេរៀនទី២៖ (សង្ខេបមេរៀន) សហរដ្ឋអាមេរិកគ្រប់គ្រងលំហ

+ សិក្សាពាក្យគន្លឹះ

   -   សក្តានុពល៖ កម្លាំងខ្លាំងក្លា។
   -   ហួរីកាន៖ ឈ្មោះព្យុះសមុទ្រដែលកើតនៅក្នុងសមុទ្រការ៉ាអ៊ីប (អាមេរិកកណ្តាល) មានភាពសាហាវដូចគ្នានឹងព្យុះទីហ្វុងនៅក្នុងសមុទ្រចិនភាគខាងត្បូង។
   -   ណែណូស្យូម៖ ឈ្មោះដីមួយប្រភេទពណ៌ខ្មៅ ដែលកើតចេញពីការពុកផុយ​នៃស្មៅ (តំបន់វាលស្តិប ត្រជាក់ស្ងួត) ដូចជានៅប្រទេសអ៊ុយក្រែនជាដើម។

១. វិសាលភាពជាគ្រឹះមួយនៃអនុភាពរបស់សហរដ្ឋអាមេរិក

         សហរដ្ឋអាមេរិកមានផ្ទៃដីសរុបចំនួន ៩ ៣៦៣ ១២៣ គ.ម២ គឺជាប់ចំណាត់ថ្នាក់លេខ ៤ បន្ទាប់ពីប្រទេសរុស្សី ប្រទេសកាណាដា និងប្រទេសចិន។ សហរដ្ឋអាមេរិកមាន ៥០ រដ្ឋ ដោយមានរដ្ឋ ២ នៅឆ្ងាយពីរដ្ឋផ្សេងៗទៀត គឺរដ្ឋអាឡាស្កា និងរដ្ឋហាវៃ។ ពីលិចទៅកើត គឺពីទីក្រុងញូវយ៉កទៅសាន់ហ្វ្រាន់ស៊ីស្កូមានប្រវែង ៤៥០០ គ.ម និងពីជើងទៅត្បូង ពោលគឺពីព្រំប្រទល់ប្រទេសកាណាដា​ទៅប្រទេសម៉ិចស៊ិចមានប្រវែង ២៥០០ គ.ម ។

   +   រដ្ឋមួយចំនួន ដែលសហរដ្ឋអាមេរិកបានទិញពីប្រទេសផ្សេងៗទៀតរួមមានដូចខាងក្រោម៖
         -   រដ្ឋអាឡាស្កា ទិញពីប្រទេសរុស្សីនៅឆ្នាំ ១៨៦៧
         -   រដ្ឋល្វីសាណា ទិញពីប្រទេសបារាំងនៅឆ្នាំ ១៨០៣
         -   រដ្ឋផ្លរីដា ទិញពីប្រទេសអេស្ប៉ាញនៅឆ្នាំ ១៨១៩
         -   រដ្ឋតិចសាស រដ្ឋម៉ិចស៊ិចកូថ្មី និងរដ្ឋកាលីហ្វូនញ៉ា ទិញពីប្រទេសម៉ិចស៊ិចនៅឆ្នាំ ១៨៤៥ ដល់ ១៨៤៨
         -   រដ្ឋអរីហ្កន ទិញពីចក្រភពអង់គ្លេសនៅឆ្នាំ ១៨៤៦ ។

   +   វិសាលភាពសហរដ្ឋអាមេរិកផ្តល់នូវសក្តានុពលភាព ចំពោះវិស័យកសិកម្មសហរដ្ឋអាមេរិកដូចជា៖
        -   ដីសម្បូរជីជាតិអនុគ្រោះដល់ការអភិវឌ្ឍដំណាំ និងព្រៃឈើ៖
                -   ដំណាំស្មៅ និងដំណាំពោត នៅតំបន់ភាគខាងជើង
                -   ដំណាំកប្បាស ដំណាំក្រូច ដំណាំស្រូវ នៅតំបន់ភាគខាងត្បូង
                -   ដំណាំម្នាស់ នៅរដ្ឋហាវ៉ៃ
                -   ដំណាំទំពាំងបាយជូរ នៅរដ្ឋកាលីហ្វូនញ៉ា
        -   សម្បូរផ្លូវទឹកវែងៗ និងបឹងធំៗ សំរាប់អភិវឌ្ឍន៍ដំណាំ និងការចិញ្ចឹមសត្វ
        -   មានមហាសមុទ្រ ២ នៅព័ទ្ធជុំវិញ និងជាទីកន្លែងជំនួបគ្នារវាងចរន្តទឹកក្តៅ និងទឹកត្រជាក់ ដែលអនុវគ្រោះដល់ការនេសាទសមុទ្រទ្រង់ទ្រាយធំ ។

   +   កំពង់ផែសមុទ្រសំខាន់ៗរបស់សហរដ្ឋអាមេរិក រួមមាននៅក្នុងទីក្រុងមួយចំនួនដូចជា៖
         -   ញូវយ៉ក
         -   ហ្វីឡាដែលហ្វី
         -   បាលើទីម័រ
         -   ស៊ីតថល
         -   ញូវអូលាន
         -   ឡូសអេងជឺឡេស
         -   និងសាន់ហ្វ្រាន់ស៊ីស្កូ។

២. មជ្ឈដ្ឋានធម្មជាតិ

        ជួរភ្នំអាប៉ាឡាស៖ មានព្រំប្រទល់ជាប់នឹងប្រទេសកាណាដា ដោយលាតសន្ធឹងចាប់ពីប្រទេសកាណាដា ដល់រដ្ឋអាឡាបាម៉ា។ ជួរភ្នំនេះជាជួរភ្នំចាស់ មានកំពស់មិនលើសពី ២០០០ មែត្រនោះទេ ដោយមានបណ្តោយប្រវែង ១៥០០ គ.ម និងទទឹងប្រវែង ២០០ គ.ម ទៅ ៣០០ គ.ម ។ ជួរភ្នំនេះ សម្បូររ៉ែដែក កំណប់ប្រេងកាត កំណប់ធ្យូងថ្ម និងសម្បូរផ្លូវទឹ និងទឹកជ្រោះ សម្រាប់សំណង់ទំនប់អគ្គិសនី។
         ជួរភ្នំថ្ម ៖ ស្ថិតនៅភាគខាងលិច នៃសហរដ្ឋអាមេរិក ដោយសណ្តូកតាមបណ្តោយឆ្នេរសមុទ្រប៉ាស៊ីភិច គឺសណ្តូកពីលិចទៅកើត។ ជួរភ្នំនេះ សម្បុររ៉ែមានតម្លៃជាច្រើនដូចជា រ៉ែអ៊ុយរ៉ាញ៉ូម រ៉ែមាស រ៉ែប្រាក់ រ៉ែទង់ដែង កំណប់អ៊ីដ្រូកាបួរ កំណប់ធ្យូងថ្ម ប្រភពអគ្គិសនី និងពន្លឺព្រះអាទិត្យ សម្រាប់អ្នកទេសចរណ៍។

   +   ជួរភ្នំអាប៉ាឡាសមានសារៈសំខាន់សេដ្ឋកិច្ចខ្លាំងណាស់ សម្រាប់សេដ្ឋកិច្ចសហរដ្ឋអាមេរិកដូចជា៖
         -   សម្បូរកំណប់រ៉ែ និងធនធានថាមពលជាច្រើនដូចជា រ៉ែដែក កំណប់ប្រេងកាត កំណប់ធ្យូងថ្ម ដែលអនុគ្រោះ ដល់ការអភិវឌ្ឈសេដ្ឋកិច្ចសហរដ្ឋអាមេរិក ពិសេសវិស័យឧស្សាហកម្ម។
          -   មានសក្តានុពលខាងប្រព័ន្ធធារាសាស្រ្ត ក្នុងការទាញយកទឹកទៅប្រើប្រាស់ក្នុងវិស័យជាច្រើនដូចជា វិស័យកសិកម្ម វិស័យឧស្សាហកម្ម វិស័យថាមពល និងវិស័យទេសចរណ៍ជាដើម។
          -   ជារបាំងធម្មជាតិ សម្រាប់ការពារតំបន់ភាគកណ្តាល នៃសហរដ្ឋអាមេរិកឲ្យគេចផុតពីព្យុះសមុទ្រផ្សេងៗ
          -   ជាតំបន់ទេសចរណ៍ដ៏សំខាន់របស់សហរដ្ឋអាមេរិក ពីព្រោះនៅទីនេះសម្បូរផ្លូវទឹក ទឹកធ្លាក់ ព្រៃឈើ និងសត្វព្រៃជាច្រើនប្រភេទ សម្រាប់ការកែកំសាន្តរបស់ភ្ញៀវទេសចរ។

   +   ជួរភ្នំថ្មមានទីតាំងស្ថិតនៅប៉ែកខាងលិចនៃសហរដ្ឋអាមេរិក ដែលរួមមានទាំងជួរភ្នំ និងខ្ពង់រាបផងដែរ។ ជួរភ្នំនេះ ត្រូវបានគេចែកចេញជា ៣ ផ្នែក ដែលរួមមាន ជួរភ្នំថ្មនៅភាគខាងកើត ខ្ពង់រាបភាគកណ្តាល និងជួរភ្នំក្មេងនៅប៉ែកខាងលិច។ សារៈសំខាន់ នៃជួរភ្នំថ្មមានដូចខាងក្រោម៖
         -   ជារបាំងធម្មវជាតិ សម្រាប់ការពារគ្រោះធម្មជាតិដូចជា ខ្យល់ព្យុះ និងទឹកជំនន់ជាដើម
         -   ជាតំបន់ ដែលសម្បូរទៅដោយរ៉ែដ៏មានតម្លៃដូចជា អ៊ុយរ៉ាញូម ប្រាក់ មាស ទង់ដែង (អារីហ្សូណា) អីដ្រូកាបួរ (កាលីហ្វូនញ៉ា​ អាឡាស្កា និងវ៉ាយូមីង) វារីអគ្គិសនី (កូឡូរ៉ាដូ និងកូឡំបៀរ) ធ្យូងថ្ម (វ៉ាយ៉ូមីង) និងប្រភពថាមពល....
          -   ជាតំបន់សម្បូរពន្លឺព្រះអាទិត្យ ដែលអនុគ្រោះដល់ការសាងសង់លំនៅដ្ឋាននិវត្តន៍ជន និងជាតំបន់ទេសចរណ៍
          -   ជាតំបន់ ដែលអនុគ្រោះដល់ការធ្វើការសិកម្មគ្រប់ប្រភេទ ពីព្រោះសម្បូរអ្វាស៊ីស និងពន្លឺព្រះអាទិត្យ
          -   ជាតំបន់ ដែលអនុគ្រោះដល់វិស័យទេសចរណ៍ ពីព្រោះសម្បូរទេសភាពស្រស់ស្អាត សំបូរភ្នំ និងវាលលំហ ជាពិសេសសម្បូរឧទ្យានជាតិ ដែលអាចទាក់ទាញភ្ញៀវទេសចរឲ្យចូលមកទស្សនាតំបន់នេះ។

   +   តំបន់ប៉ែកនិរតី ភាគខាងលិចសហរដ្ឋអាមេរិកក្លាយជាតំបន់ទេសចរណ៍ និងលំនៅដ្ឋាន សម្រាប់និវត្តន៍ជន ពីព្រោះ ៖
        -   តំបន់នេះសម្បូរពន្លឺព្រះអាទិត្យ
        -   តំបន់នេះមានអាកាសធាតុល្អ និងសម្បូរខ្យល់អាកាសបរិសុទ្ធ
        -   តំបន់នេះសម្បូរទេសភាពស្រស់ស្អាត សម្បូរភ្នំធំៗ មានវាលលំហ និងមានឆ្នេរខ្សាច់ដ៏ស្រស់ស្អាត
        -   តំបន់នេះសម្បូរឧទ្យានជាតិ
        -   តំបន់នេះមានសកម្មភាពកសិកម្មគ្រប់ប្រភេទ។

   +   កត្តាសំខាន់ សម្រាប់តំបន់ទំនាបកណ្តាល ក្នុងវិស័យសេដ្ឋកិច្ចសហរដ្ឋអាមេរិករួមមានដូចខាងក្រោម៖
        -   សម្បូរទំនាប ដែលប្រកបទៅដីសម្បូរជីជាតិ សម្រាប់ដំណាំគ្រប់ប្រភេទ
        -   សម្បូរបឹងធម្មជាតិជាច្រើនដូចជា បឹងស៊ុបពែរីយេ បឹងមីឈីគែន បឹងអេរីយេ បឹងអុងតារីយ៉ូ និងបឹងហ៊ូរុន សម្រាប់យកទឹកទៅប្រើក្នុងវិស័យកសិកម្ម វិស័យឧស្សាហកម្ម វិស័យទេសចរណ៍ និងវិស័យគមនាគមន៍
        -   មានទន្លឹមីស៊ីស៊ីពី ដែលជាប្រភពក្នុងការផ្គត់ផ្គង់ទឹក សម្រាប់កសិកម្ម ឧស្សាហកម្ម ទេសចរណ៍ គមនាគន៍ និងដំណឹកជញ្ជូន និងថាមពលជាដើម
        -   សម្បូរទៅដោយកំណប់រ៉ែ ពិសេសរ៉ែដែក សម្រាប់អភិវឌ្ឈន៍វិស័យឧស្សាហកម្ម
        -   សម្បូរកំណប់អ៊ីដ្រូកាបួរ សម្រាប់អភិវឌ្ឈន៍វិស័យឧស្សាហកម្ម និងវិស័យថាមពល
        -   មានជួរភ្នំ ២ នៅព័ទ្ធជុំវិញវា ដែលចូលរួមចំណែកក្នុងការការពារតំបន់ទំនាបកណ្តាល ការពារដំណាំកសិកម្ម និងការពាររោងចក្រឧស្សាកម្មឲ្យគេចផុតពីគ្រោះធម្មជាតិផ្សេងៗដូចជា ខ្យល់ព្យុះជាដើម។

៣. អាកាសធាតុ

គេចែកអាកាសធាតុនៅសហរដ្ឋអាមេរិកជា ៣ ផ្នែកធំៗ ដែលរួមមាន៖
   +   តំបន់ខាងលិច៖
         -   អាកាសធាតុសមុទ្រ
         -   អាកាសធាតុត្រជាក់បង្គួរ
         -   អាកាសធាតុមេឌីទែរ៉ានេ
         -   មានសីតុណ្ហភាពទៀងទាត់ និងមានភ្លៀងធ្លាក់ច្រើន
   +   លើភ្នំខាងលិចរហូតដល់ខ្សែបណ្តោយទី១០០ ៖
         -   អាកាសធាតុកណ្តាលទ្វីប (អាកាសធាតុត្រជាក់ស្ងួត)
         -   អាកាសធាតុវាលលំហ (អាកាសធាតុក្តៅស្ងួត)
         -   មានអាកាសធាតុពិបាករស់នៅ
   +   តំបន់អាត្លង់ទិច៖
         -   អាកាសធាតុមូសុង
         -   អាកាសធាតុសមុទ្រ
         -   អាកាសធាតុកណ្តាលទ្វីប (អាកាសធាតុត្រជាក់ស្ងួត)
         -   មានភ្លៀងធ្លាក់ច្រើន
         -   សម្បូរគ្រោះធម្មជាតិដូចជា ខ្យល់ព្យុះ និងទឹកជំនន់ជាដើម

៤. បណ្តាញដឹកជញ្ជូន និងគមនាគមន៍ដ៏អាស្ចារ្យ

         ការអភិវឌ្ឍសេដ្ឋកិច្ចសហរដ្ឋអាមេរិកមិនអាចកាត់ផ្តាច់ចេញបានពីមធ្យោបាយដំណឹកជញ្ជូន និងគមនាគមន៍បានទេ ពីព្រោះវិសាលភាពដ៏ធំធេងនៃផ្ទៃដីសហរដ្ឋអាមេរិក របាយប្រជាជន របាយធនធាន និងសកម្មភាពនានារបស់សហរដ្ឋអាមេរិកត្រូវការជាចាំបាច់នូវការធ្វើដំណើរ ការដឹកជញ្ជូន និងការផ្តោះប្តូររូបធាតុដើម និងផលិតផលសម្រេចទៅកាន់រោងចក្រឧស្សាហកម្ម ឬទៅកាន់ទីផ្សារ។ ទាំងនេះ គឺជាមូលហេតុ ដែលជម្រុញឲ្យសហរដ្ឋអាមេរិកសាងសង់ និងរៀបចំនូវបណ្តាញគមនាគមន៍ និងដំណឹកជញ្ជូន។

   +   នៅសហរដ្ឋអាមេរិក មធ្យោបាយដឹកជញ្ជូនទំនិញច្រើនជាងគេ គឺផ្លូវដែក ពីព្រោះ ៖
         -   អាចផ្ទុកទំនិញបានច្រើន
         -   មានតម្លៃថោក
         -   មានល្បឿនលឿន
         -   ដឹកទំនិញទាន់ពេលវេលា
         -   មានសុវត្ថិភាព។

   +   ជាទូទៅ ប្រជាជនសហរដ្ឋអាមេរិកចូលចិត្តធ្វើដំណើរតាមផ្លូវថ្នល់ ពីព្រោះ ៖
         -   ការធ្វើដំណើរតាមផ្លូវថ្នល់អាចបត់បែនបាន
         -   ការធ្វើដំណើរតាមផ្លូវថ្នល់អាចកាត់បន្ថយលើការចំណាយផ្សេងៗ ពិសេសអាចដឹកមនុស្សបានច្រើន
         -   ការធ្វើដំណើរតាមផ្លូវថ្នល់ងាយស្រួលជាងការធ្វើដំណើរតាមផ្លូវផ្សេងៗទៀត
         -   ប្រជាជនសហរដ្ឋមានកម្រិតជីវភាពរស់នៅខ្ពស់ អាចមានលទ្ធភាពទិញរថយន្តផ្ទាល់ខ្លួនបាន
         -   សហរដ្ឋអាមេរិកមានបណ្តាញផ្លូវល្អ និងធំទូលាយងាយស្រួលធ្វើដំណើរពីតំបន់មួយទៅតំបន់មួយទៀត
         -   សហរដ្ឋអាមេរិកសម្បូរបណ្តាញផ្លូវថ្នល់ ងាយស្រួលធ្វើដំណើរ។

   +   ការដឹកជញ្ជូនរអ្នកដំណើរតាមផ្លូវអាកាសរបស់សហរដ្ឋអាមេរិក ចាប់ពីឆ្នាំ ១៩៦០ មកមានការកើនឡើង ពីព្រោះ ៖
         -   ការដឹកជញ្ជូនតាមផ្លូវអាកាសមានល្បឿនលឿន ទាន់ពេលវេលា
         -   ការធ្វើដំណើរតាមផ្លូវអាកាសអាចឆ្លងកាត់ពីទ្វីបមួយទៅទ្វីបមួយទៀតបានយ៉ាងងាយស្រួល
         -   គ្រប់ទីក្រុងទាំងអស់នៅសហរដ្ឋអាមេរិកសុទ្ធតែមានព្រលានយន្តហោះផ្ទាល់ខ្លួន
         -   ប្រជាជនសហរដ្ឋអាមេរិកមានកម្រិតជីវភាពរស់នៅខ្ពស់ មានលទ្ធភាពធ្វើដំណើតាមផ្លូវអាកាសបាន
         -   សហរដ្ឋអាមេរិកមានការរីកចម្រើនខ្លាំងខាងមធ្យោបាយដឹកជញ្ជូនតាមផ្លូវអាកាស
         -   ចាប់ពីឆ្នាំ ១៩៦០ មក មានអ្នកចំណូលស្រុកជាច្រើនទៅរស់នៅសហរដ្ឋអាមេរិក។

   +   ផ្លូវទឹកសំខាន់ៗនៅសហរដ្ឋអាមេរិក​រួមមានដូចខាងក្រោម៖
         -   ប្រព័ន្ធបឹងធំៗទាំង៥៖
                 -   បឹងស៊ុពែរីយ័រ
                 -   បឹងមីឈីហ្គែន
                 -   បឹងអេរីយេ
                 -   បឹងអុងតារីយ៉ូ
                 -   និងបឹងហ៊ូរ៉ុន។

         -   ប្រព័ន្ធទន្លេ និងដៃនានារបស់វា៖
                 -   ទន្លេមីសូរី
                 -   ទន្លេអូហាយ៉ូ
                 -   ទន្លេទិនណេស៊ី។

         -   ប្រព័ន្ធមហាសមុទ្រ៖
                 -   មហាសមុទ្រប៉ាស៊ីភិច និងដៃរបស់វា សមុទ្រ ឈូង ឆក
              -      មហាសមុទ្រអាត្លង់ទិច និងដៃរបស់វា សមុទ្រ ឈូង ឆក

   +   ប្រព័ន្ធផ្លូវទឹករបស់សហរដ្ឋអាមេរិកផ្តល់នូវអត្ថប្រយោជន៍ជាច្រើន សម្រាប់សេដ្ឋកិច្ចសហរដ្ឋអាមេរិក ដែលរួមមានដូចជា៖
         -   ជាផ្លូវដ៏សំខាន់ សម្រាប់ការដឹកជញ្ជូនអ្នកដំណើរពីកន្លែងមួយទៅកន្លែងមួយទៀត
         -   ជាផ្លូវដ៏សំខាន់ សម្រាប់ដឹកជញ្ជូនទំនិញទៅកាន់ទីផ្សារទាំងក្នុងស្រុក និងក្រៅស្រុក
         -   ជាជម្រកដ៏សំខាន់ សម្រាប់សំណង់កំពង់ផែសមុទ្រ និងកំពង់ផែទឹកសាប
         -   ជាទីកន្លែងដ៏សមស្រប សម្រាប់ការធ្វើពាណិជ្ជកម្មទាំងក្នុងស្រុក និងក្រៅស្រុក
         -   ផ្តល់នូវទឹក សម្រាប់ប្រើប្រាស់ក្នុងឧស្សាហកម្ម និងកសិកម្ម
         -   ផ្តល់នូវទីកន្លែងដ៏ទាក់ទាញ សម្រាប់វិស័យទេសចរណ៍
         -   ផ្តល់នូវទីកន្លែងសម្រាប់ការនេសាទសមុទ្រ និងនេសាទទឹកសាបដ៏សំខាន់
         -   ផ្តល់នូវដីដ៏មានជីជាតិ សម្រាប់ការដាំដំណាំគ្រប់ប្រភេទ
         -   ផ្តល់នូវកំណប់រ៉ែ និងកំណប់ឥន្ធនៈផូស៊ីលសម្រាប់ប្រើប្រាស់ក្នុងឧស្សាហកម្ម និងប្រើប្រាស់ផ្សេងៗ
         -   ផ្តល់ទីកន្លែង សម្រាប់សំណង់ទំនប់វារីអគ្គិសនី។

            សហរដ្ឋអាមេរិកមានកំពង់ផែធំៗជាច្រើន ដោយសារទឹកដីសហរដ្ឋអាមេរិកបានអនុវគ្រោះច្រើនដល់សំណង់កំពង់ផែ ទាំងនេះ ពីព្រោះទឹកដីសហរដ្ឋអាមេរិកសម្បូរផ្លូវទឹក ជាពិសេសសហរដ្ឋអាមេរិកនៅជាប់មហាសមុទ្រពីរគឺ មហាសមុទ្រ ប៉ាស៊ីភិច និងមហាសមុទ្រអាត្លង់ទិច។ ម្យ៉ាងទៀត សកម្មភាពសេដ្ឋកិច្ចសហរដ្ឋអាមេរិកភាគច្រើនបំផុតប្រមូលផ្តុំនៅតាមតំបន់ឆ្នេរសមុទ្រ ដូចជា​ សកម្មភាពឧស្សាហកម្ម សកម្មភាពធនាគារ សកម្មភាពពាណិជ្ជកម្ម សកម្មភាពទេសចរណ៍ និងសកម្មភាពដំណឹក ជញ្ជូន ជាពិសេសពាណិជ្ជកម្មក្រៅប្រទេស។ ទាំងនេះ បង្កឲ្យសហរដ្ឋអាមេរិកសាងសង់នូវកំពង់ផែធំៗជាច្រើន សម្រាប់ងាយ ស្រួលដល់ការធ្វើទំនាក់ទំនងពាណិជ្ជកម្មក្រៅប្រទេសជាមួយបរទេស ហើយក៏ផ្តល់នូវអត្ថប្រយោជន៍ជាច្រើនផងដែរ ពីសកម្ម ភាពកំពង់ផែ​ ជាពិសេសសម្រាប់ការដឹកជញ្ជូនផលិតផលឧស្សាហកម្មតាមផ្លូវទឹកទៅកាន់បណ្តាប្រទេសផ្សេងៗទៀតនៅក្នុង  ពិភពលោក។

   +   កំពង់ផែសំខាន់របស់សហរដ្ឋអាមេរិករួមមានដូចខាងក្រោម ៖
         -   នៅតាមបណ្តោយឆ្នេមហាសមុទ្រអាត្លង់ទិច៖
                 -   កំពង់ផែបូស្តុន
                 -   កំពង់ផែញូវយ៉ក
                 -   កំពង់ផែភីឡាដែលភី
                 -   កំពង់ផែបាល់ទីម័រ។
         -   នៅតាមបណ្តោយឆ្នេមហាសមុទ្រប៉ាស៊ីភិច៖
​​​​​​​​​​​​​​​                 -   កំពង់ផែសាន់ហ្រ្វាន់ស៊ីស្កូ
                 -   កំពង់ផែឡូសអែងឈឺឡេស
         -   នៅតាមបណ្តោយប្រព័ន្ធទន្លេធំៗ៖
                 -   កំពង់ផែឈីហ្កាហ្គោ
                 -   កំពង់ផែឌូឡាស
                 -   កំពង់ផែឌីត្រយ។
         សហរដ្ឋអាមេរិកមានមធ្យោបាយ សម្រាប់ផ្សព្វផ្សាយពត៌មានដ៏ទំនើបបំផុត។ ប្រជាជនសហរដ្ឋអាមេរិក ៧៧% បានប្រើប្រាស់ទូរសព័្ទចល័ត។ ការរីកចម្រើននៃការធ្វើសន្និសីទតាមទូរទស្សន៍បានបង្ហាញពីភាពសំខាន់ និងការអភិវឌ្ឍនៃប្រព័ន្ធទូរ គម​នាគមន៍សហរដ្ឋអាមេរិក។