កាព្យផ្តោះផ្តង គឺជារបៀបតាក់តែងពាក្យ ពាក្យចួនដែលមានពាក្យចួន ឃ្លោងឃ្លាបញ្ឆិតបញ្ឆៀងឌឺដង ដាក់គ្នាទៅវិញទៅមក ដោយសារស័ព្ទពីបំណង ឬហេតុដើមណាមួយ ដោយសេចក្តីមិនឱ្យគេចាប់ដំណើរបាន។
- រាជការ (ន) ការរបស់ព្រះរាជា ការផែនដីការរក្សាប្រទេស។
- នាម៉ឺន (ន)
អ្នកធ្វើការក្នុងរាជការ ដែលមានបណ្តាស័ក្តិខ្ពស់។
- ក្រវើន (កិ) ឧស្សាហ៍ ដាស់តឿន។
- គូលី (ន)
អ្នកស៊ីឈ្នួលធ្វើការឱ្យគេ។
- ទំនួល (ន) ការទទួល។
- នគរ (ន) ប្រទេស។
- គៀច (កិ.គុ.) ទម្រន់ ក្រាញ
មិនព្រមទៅ។
- ក្រាញ (កិ) គៀច តម្អឹង
ក្រាញមិនចង់ទៅ។
- ប្រាជ្ញា (ន) ការយល់ជាក់ច្បាស់។
ឯងចេះប្រសើរ ម្តេចក៏មិនធ្វើរាជការ
បើធ្វើរាល់គ្នា អ្នកណាធ្វើស្រែរកស៊ី។
ឯងធ្វើនាម៉ឺន ឯអញក្រវើនវាតទី
ឯងស្តីនេះត្រូវ ប៉ុន្តែមិនសូវទំនួល
ឃើញតែខ្លួនស្រួល មិនឃើញប្រយោជន៍នគរ។
រាជការរៀបចំ តាត់តែងថែទាំឱ្យល្អ
កំពុងតែក មិនទាន់បង្កើតគ្រប់។
ទើបអញនេះណា ខំធ្វើរាជការថ្ងៃយប់
មិនមានធុញថប់ គៀចក្រាញនឹងកិច្ចរាជការ។
ដូច្នេះស្រុកយើង នឹងបានថ្កុំថ្កើងដោយសារ
កម្លាំងហត្ថា ហើយនឹងប្រាជ្ញាវៃរាង។
ឯងមានសក្តិយស ថាអ្វីខុសមិនល្អៀង
ធ្វើការព្រមព្រៀង នេះក៏ប្រពៃណាស់ហោង។
