ខ្មែរមានល្ខោនច្រើនប្រភេទ មានល្ខោនបាសាក់ ល្ខោនយីកេ ល្ខោនមហោរី ល្ខោននិយាយ ល្ខោនខោល ល្ខោនអាប៉េ ល្ខោនស្រមោល(ស្បែកតូច ស្បែកធំ)ជាដើម។
* អត្ថបទល្ខោន គឺជាអត្ថបទអក្សរសិល្ប៍មួយប្រភេទ ដែលអ្នកនិពន្ធចងក្រងឡើងសម្រាប់យកទៅសម្តែងជាសិល្បៈល្ខោន។ អត្ថបទល្ខោន ស្រដៀងគ្នានឹងអត្ថបទរឿងដែរ គឺមានធាតុសំខាន់ៗ ដូចជា ចំណោទបញ្ហា តួអង្គ កាលអាកាស និងមូលន័យ។ ទម្រង់សំណេររបស់អត្ថបទល្ខោនខុសពីទម្រង់សំណេររបស់អត្ថបទរឿង។ អត្ថបទល្ខោន ចែកជា ឈុត និងឆាក។ នៅខាងដើមអត្ថបទល្ខោននីមួយៗមានបញ្ជីរាយនាមតួអង្គនិងឋានៈ ឬប្រភពកំណើតរបស់តួអង្គ។ ក្នុងអត្ថបទល្ខោនអ្នកនិពន្ធសរសេរសេចក្តីបញ្ជាក់ពីលក្ខណៈរូប ទឹកមុខ កាយវិការ សម្តី ឬសំឡេងរបស់តួអង្គក្នុងវង់ក្រចក។
