មេរៀនទី៨ (សង្ខេបមេរៀន) អំណានទី២៖ អាលីយូស្សា

- ឈ្មោះ ម៉ាកស៊ីមគ័រគី (Maxim Gorki)
- អ្នកនិពន្ធ៖ ជនជាតិរុស្សី ១៨៦៨-១៩៣៦
- ឈ្មោះដើម៖ អាលីយូស្សា ប៉េស្កូវ

❷. សិក្សាពាក្យគន្លឹះ

- កន្លៀត    (ន) កៀនកំបាំង ទីចង្អៀត កៀនកោះ។
- រន្ថាន់      (គុ) ដែលមានអាការៈ ញាប់ខ្ជាបន់ៗ។

❸. អត្ថបទសង្ខេប

       អត្ថបទអំណានអាលីយូស្សា ជាប្រភេទអត្ថបទ ជីវប្រវត្តិកថា(ពិត)។

       អាលីយូស្សាបានទទួលសៀវភៅពីអ៊ំស្រីម្នាក់នៅផ្ទះជួលជិតផ្ទះរបស់វា ។ គេបានធ្វើអំពើល្អក្នុងការជួយកុមារីតូចម្នាក់ ដែលរវង្វេងផ្លូវ ហើយបាននាំកុមារីនោះទៅជួបម្តាយរបស់នាងវិញ។
      សមាជិកក្នុងគ្រួសារទាំងអស់ដែលរស់នៅជាមួយ(ម្ចាស់ផ្ទះ) រាក់ទាក់ទទួលគេ ដូចជាក្នុងពិធីខួបកំណើត។ ពួកគេទាំងអស់គ្នាលាន់មាត់គ្រប់គ្នាពីការអត់ធ្មត់ និងចិត្តល្អរបស់អាលីយូស្សាចំពោះគ្រួសារគេ។ អាលីយូស្សាត្រូវបានម្ចាស់ផ្ទះឱ្យអានសៀវភៅនៅពេលសម្រាក ពីការងារ ម្ចាស់ផ្ទះបានសរសើរចំពោះទឹកចិត្ត និងភាពអត់ធន់ ខន្តីរបស់អាលីយូស្សា ហើយថាអាលីយូស្សានឹងក្លាយជាមនុស្សល្អនៅពេលអនាគត។

      តម្លៃអប់រំនៅក្នុងអត្ថបទ ស្ថិតនៅលើការតស៊ូ អំណត់ព្យាយាមរបស់អាលីយូស្សា ពិសេសក៏មិនចងគំនុំជាមួយម្ចាស់ផ្ទះ ធ្វើឱ្យម្ចាស់ផ្ទះមានការភ្ងាក់រឭក អាណិតអាសូរដល់រូបគេ ធ្វើឱ្យម្ចាស់មានការផ្លាស់ប្តូរឥរិយាបថចំពោះខ្ញុំបម្រើ។