មេរៀនទី៧ (សង្ខេបមេរៀន) អំណានទី៣៖ តម្លៃនៃការជឿទុកចិត្ត

- លទ្ធផល   (ន) ផល​នៃការងារដែលបានសម្រេចផលដែលបានសម្រេចហើយ។
- សាច់ញាតិ (ន) អ្នកដែលជាប់ជាញាតិនឹងគ្នាក្រសែញាតិ។
- ផលិតកម្ម  (ន) ការបង្កើតផល​ការធ្វើឱ្យបានផល។
- សុភនិច្ឆ័យ (ន) ការរិះគិតល្អ គំនិតត្រឹមត្រូវ។
- សាធារណៈ (គុ) ដែលទូទៅ ដែលមិនចំពោះណាមួយ។

❷. អត្ថបទសង្ខេប

       ក្រុមហ៊ុនផលិតគ្រឿងអគ្គិសនី MATSUSHITA បានផលិតសម្ភារៈប្រើប្រាស់ក្នុងផ្ទះដោយចរន្តអគ្គិសនីមានឈ្មោះថា ឆ្នាប់ចរន្ត(ឌុយភ្លើង)។ ផលិតផលនេះលក់ដាច់ខ្លាំងណាស់ ។ ដំបូងប្រធានក្រុមហ៊ុនមិនឱ្យអ្នកណាក្រៅពីសមាជិកគ្រួសារគាត់ដឹងពីរូបមន្តផលិតសម្ភារៈនេះឡើយ ព្រោះគាត់ខ្លាចអ្នកដទៃផលិតរបស់នេះដែរ។ ប៉ុន្តែ ការយល់បែបនេះមិនមានប្រសិទ្ធចំពោះក្រុមហ៊ុនគាត់ឡើយ គាត់ក៏ប្តូរគំនិតថ្មី ដោយគាត់បង្រៀនបុគ្គលិកគាត់ទាំងអស់ឱ្យចេះរូបមន្តនេះ។

       លទ្ធផលក្រុមហ៊ុនរបស់គាត់កាន់តែរីកចម្រើនទៅមុខប្រកបដោយភាពរស់រវើក។