មេរៀនទី៧ (សង្ខេបមេរៀន) អំណានទី១៖ អត្ថបទឃោសនា

       ការឃោសនា គឺជាការប្រកាសផ្សាយដំណឹងឱ្យសាធារណជនដឹងឮសព្វសាយ ពីវត្ថុណាមួយ ដើម្បីទាក់ទាញការចាប់អារម្មណ៍ពីសំណាក់ជននានា។ ការឃោសនាមានសារៈសំខាន់ណាស់ ក្នុងការធ្វើឱ្យយើងស្គាល់ទំនិញ យីហោទំនិញ ធ្វើឱ្យទំនិញលក់ដាច់ច្រើន។ បើខ្ញុំជាពាណិជ្ជករធំ ខ្ញុំប្រើការឃោសនាឱ្យល្អបំផុត ដើម្បីលក់ទំនិញឱ្យដាច់ច្រើន។

* គេតែងប្រើបច្ចេកទេសមួយចំនួនសម្រាប់ឃោសនា៖

- បង្ហាញកម្មវត្ថុជាក់លាក់មួយដែលគួរជាទីរីករាយ
- បង្ហាញពីភាពចាំបាច់នៃកម្មវត្ថុនោះ
- ប្រើពាក្យទាក់ទាញប្រកបដោយភាពរំជើបរំជួល
- ប្រើពាក្យបំផុសអារម្មណ៍ឱ្យរំភើប
- បញ្ជាក់ពីគុណភាព ប្រសិទ្ធភាពនៃកម្មវត្ថុនោះ ។
       ការឃោសនាដែលល្អ ត្រង់ការឃោសនានោះនិយាយតែការពិត មិនបំផ្លើស មិនអួតហួសហេតុទំនិញមានគុណភាពល្អសម្រាប់អតិថិជនពិតប្រាកដមែន។ ការឃោសនាមិនល្អ ត្រង់ការឃោសនានោះនិយាយបំផ្លើស អួតហួសហេតុខុសពីការពិត។

* អត្ថបទឃោសនាខាងលើនេះមានតម្លៃអប់រំ៖

- ឱ្យស្គាល់អត្ថប្រយោជន៍នៃការឃោសនា។
- ឱ្យស្គាល់ថា ការឃោសនាពិតខ្លះ មិនពិតខ្លះដូច្នេះយើងត្រូវចេះពិចារណាមុននឹងសម្រេចធ្វើ ឬមិនធ្វើតាមការឃោសនានោះ ។
អត្ថបទព័ត៌មាន ខុសពីអត្ថបទឃោសនាត្រង់ អត្ថបទព័ត៌មានមានលក្ខណៈពិត មានប្រភពច្បាស់លាស់ ឯការឃោសនាមានការបំផ្លើសភាគច្រើន ។