មេរៀនទី៦ (សង្ខេបមេរៀន) សំណេរ៖ ការតែងរឿងល្ខោន

❶. ការរៀបចំមុនសម្តែង

- ជ្រើសរើសតួឱ្យសមនឹងឥរិយាបថ សកម្មភាព ដំណើររឿង
- រូបរាងកាយ និងសំឡេងរបស់តួអង្គ
- ការប្រមូលអារម្មណ៍លើសាច់រឿង
- ចលនានិងកាយវិការផ្សេងៗដែលត្រូវធ្វើក្នុងពេលសម្តែង។
❷. ការរៀបចំតុបតែងសម្តែង(សម្តែងលើឆាក)

- រៀបចំសម្លៀកបំពាក់ឱ្យត្រូវដំណើររឿង សម័យកាល
- ផាត់មុខ ជាក្មេង ចាស់ យក្ស អាក្រក់ ស្អាត ស្គមជ្រីវជ្រួញ ពាក់ពុកមាត់ ពុកចង្ការ...។
❸. ការសម្តែង

* សម្តែងសាកល្បងដោយយកឯកសារកត់ត្រាសម្តីតួនីមួយៗ មកអានសម្តែងតួដោយប្រើសម្តីផ្ទាល់ខ្លួនទៅតាមដំណើររឿងដោយមិនកត់ត្រាឡើយ ហើយនៅពេលសម្តែងតួទាំងអស់ត្រូវ៖
- ចងចាំបទសន្ទនា ឬសម្តីតួអង្គដែលអ្នកដើរតួ
- ដាក់អារម្មណ៍ទៅតាមស្ថានភាពតួអង្គនៅក្នុងរឿង
- ប្រើពាក្យពេចន៍ កាយវិការ ចរិតលក្ខណៈឱ្យសមស្របតាមតួអង្គនីមួយៗ ក្នុងដំណើររឿង
- ប្រមាណពេលវេលាសម្តែងឱ្យបានសមស្រប
- មិនគួរបញញចេញពាក្យពេចន៍ហួសពីសាច់រឿងខ្លាំង ឬប្រើពាក្យពេចន៍អសីលធម៌ឡើយ។

*របៀបតែងរឿងល្ខោន

- ប្រភេទរឿងល្ខោន(ល្ខោនបាសាក់ ល្ខោននិយាយ ល្ខោនយីកេ...)
- កំណត់ចំណងជើងរឿងល្ខោន(ខ្លីៗ...)
- កំណត់ខ្លឹមសាររឿង(បញ្ហាចោទ និងដោះស្រាយ)
- កំណត់តម្លៃអប់រំ។

❶. ផ្តើមរឿង

- រាយឈ្មោះតួអង្គ(តួឯក តួរង តួបន្ទាប់បន្សំ...)
- អាចមានអ្នកពោល ឬសរសេរដំណើររឿង សកម្មភាពតួអង្គ...ក្នុងវង់ក្រចក។
❷. តួរឿង

· សរសេរជាឈុត-ឆាក
· វិធីតែងដោយប្រើ
- ឯកវាទវិធី៖ តួអង្គនិយាយ ឬគិតម្នាក់ឯង ច្រៀងម្នាក់ឯង...
- សំវាទវិធី៖ តួអង្គសន្ទនា ជជែក ច្រៀងឆ្លើយឆ្លង ផ្តោះផ្តងគ្នា...
- សរសេរកម្មភាព អាកប្បកិរិយា កាយវិការ...ក្នុងវង់ក្រចក...។
❸. បញ្ចប់រឿង

· ឱ្យតួអង្គជួបជុំគ្នា រីករាយ សុភមង្គល
· ឱ្យតួអង្គដឹងកំហុស កែខ្លួន
· ឱ្យតួអង្គព្រាតប្រាស កម្សត់ សោកនាដ្យកម្ម...ទៅតាមប្រធានរឿងដែលកំណត់។
· រាយតួអង្គ