មេរៀនទី៥ (សង្ខេបមេរៀន) អំណានទី៣៖ ទិសដៅនៃជីវិត

❶. សិក្សាពាក្យគន្លឹះ

- កិត្តិយស       (ន) យសសក្តិដែលល្បី កេរ្តិ៍ឈ្មោះដ៏រុងរឿងល្បីល្បាញ។
- កិរិយា           (ន) អំពើ លំនាំ ឫកពា។
- អាកប្បកិរិយា (ន) អាការៈនៃរាងកាយ ឬឫពា។
- គោលបំណង (ន) បំណងប្រាថ្នាជាចម្បង ជាធំ។
- លទ្ធផល        (ន) ផលនៃការងារដែលបានសម្រេចផលដែលបានសម្រេចហើយ។
- ឥស្សរភាព      (ន) ភាពនៃអ្នកធំ ភាវៈជាឥស្សរៈ។
- វិប្បដិសារី       (ន) ការស្តាយក្រោយ ការនឹកស្តាយក្រោយ។
- ឧត្តមភាព       (ន) ភាពល្អវិសេស ខ្ពង់ខ្ពស់ ឧត្តុង្គឧត្តម ប្រពៃថ្លៃថ្លា។

❷.​​ អត្ថបទសង្ខេប   

       មនុស្សម្នាក់ៗសុទ្ធតែមានទិសដៅរស់នៅប្រកបដោយកិត្តិយស កេរ្តិ៍ឈ្មោះ និងទទួលបានការរាប់អានច្រើនពីសំណាក់អ្នកផងទាំងពួង។ ដើម្បីសម្រេចបំណងនេះ យើងត្រូវចេះរៀបចំ និងកំណត់គោលដៅទុកជាមុនសិន ព្រោះគោលដៅជាគ្រឿងដឹកនាំយើងឱ្យសម្រេចតាមបំណង ។ទិសដៅនៃជីវិតមនុស្សមិនដូចគ្នាទេ។ ដូចនេះ យើងត្រូវកសាងជីវិតរស់នៅដើម្បីឆ្ពោះទៅរកឧត្តមភាពដែលនាំមកនូវប្រយោជន៍ដល់ខ្លួន និងសង្គមជាតិ។