- ទិសាបាមោក្ខ (ន)
អាចារ្យជាប្រធានក្នុងទិសអាចារ្យធំដែលចេះវិជ្ជាគ្រប់ប្រភេទអាចារ្យជាប្រធាននៃសិស្សគ្រប់ទិស។
- ស័ក្តិសិទ្ធិ (ន) សេចក្តីសម្រេចដែលវិសេសវិសាលដែលពូកែឆុតឆាប់
ដែលខ្លាំងពូកែ។
- មហាលាភ (ន) លាភធំ ។
- ខ្ព (ន)
សំណុំផ្កាដូង ផ្កាដូងស្លាជាដើម។
កាលពីព្រេងនាយ មានកុមារកំសត់៤នាក់បានទៅរៀនសិល្ប៍សសាស្ត្រអំពី អាចារ្យទិសាបាមោក្ខ ម្នាក់រៀនទាយ ម្នាក់ទៀតរៀនបាញ់ ម្នាក់ទៀតរៀនមុជទឹក ម្នាក់ទៀតរៀនប្រស់។ រៀនចេះហើយក៏ត្រលប់មកស្រុកវិញ លុះមកដល់មាត់សមុទ្រ កុមារចេះទាយបានទាយថា ព្រឹកនេះ និងមានសត្វតន្ទ្រី ពាំព្រះរាជបុត្រីមួយអង្គមកដល់ទីនេះ។ កាលបានឃើញមកមែន កុមារចេះបាញ់បានបាញ់ធ្លាក់ចូលក្នុងទឹកស្លាប់ កុមារចេះមុជទឹកបានមុជទៅស្រង់នាងមក កុមារចេះប្រស់បានប្រស់ឱ្យនាងរស់សើឡើងវិញ។
លុះរស់ឡើងវិញហើយ នាក់ទាំងបួននាក់ក៏ដណ្ដើមគ្នាចង់បានធ្វើប្រពន្ធរៀងៗខ្លួន។ ពេលនោះបានរកពោធិសត្វឱ្យកាត់ក្ដី ពោធិសត្វកាត់សេចក្ដីថា កុមារចេះទាយត្រូវបានជាឪពុក កុមាចេះប្រស់ត្រូវបានជាម្ដាយ កុមាចេះបាញ់ត្រូវបានជាបង កុមាចេះមុជត្រូវបានជាប្ដីនាង។ ព្រោះគេបានបីត្រកងនាងពីក្នុងទឹកមក(បានត្រកងរាងកាយមុនគេ)។ នាក់ទាំង៤ក៏ព្រមទទួល ហើយសុំឲ្យពោធិសត្វចាត់ចែងវត្ថុអ្វីមួយទុកសម្រាប់ឱ្យកូនប្រសារ គោរពមាតាបិតា និង បងព្រមទាំងញាតិក្នុងពេលធ្វើមង្គលការ។ ពោធិសត្វសម្រចថាត្រូវយកផ្កាស្លាមួយខ្ពរ មកដោតជាបីដុំ។ ទី១ ជាផ្កាស្លាច្បងសម្រាប់ឪពុក ទី២សម្រាប់ម្ដាយ ទី៣សម្រាប់បងទទួល។
