មេរៀនទី៤ (សង្ខេបមេរៀន) អំណានទី២៖ សាមគ្គីធម៌

❶ សិក្សាពាក្យគន្លឹះ

- ឈ្នានីស    (ន) ច្រណែនឫស្យាកាត់លាភកាត់​ប្រយោជន៍គេ។
- ទុច្ចរិត       (ន) ដំណើរប្រព្រឹត្តអាក្រក់ដោយ កាយ វាចា ចិត្ត(អកុសល)។
- ឧត្តុង្គឧត្តម (គុ) ខ្ពង់ខ្ពស់លើសលែងប្រសើរកន្លង ។
- បច្ចាមិត្ត     (ន) អមិត្ត សត្រូវ ។  
- ប្រមាថ      (ន) ការបៀតបៀនគេ ការញាំញី​គេការធ្វើទុក្ខបុកម្នេញឱ្យគេលំបាកការមើលងាយគេ។
- បច្ចាមិត្ត     (ន) អមិត្ត សត្រូវ។  
- ច្រណែន    (កិ) មិនសុខចិត្តដោយគេបានលើសខ្លួន ឬដោយគេបានខ្លួនមិនបាន។

❷ អត្ថបទសង្ខេប

       សាមគ្គីធម៌ ជាឧបករណ៍ឧត្តុង្គឧត្តមបំផុត និងជាអាវុធដ៏ពូកែស័ក្តិសិទ្ធិសម្រាប់មនុស្សទូទៅ។ ការព្រមព្រៀងគ្នាដោយកាយវាចាចិត្ត ពិតជាកម្លាំងដ៏ខ្លាំងក្លាឥតមានបច្ចាមិត្តមកញាំញីបានឡើយ។ ដើម្បីរក្សាទឹកដី កេរដំណែលវប្បធម៌ សម្បត្តិធម្មជាតិ និងជាតិសាសន៍របស់ខ្លួនខេមរបុត្រទាំងឡាយគប្បីបន្ត និងពង្រីកបន្ថែននូវសាមគ្គីធម៌ក្នុងគោលបំណងរួម គឺថែរក្សាកម្ពុជទេសឱ្យរុងរឿងគង់វង្សស្ថិតស្ថេរទៅអនាគត។