មេរៀនទី២ (សង្ខេបមេរៀន) ការស្ដាប់៖ ចម្រៀងប្រជាប្រិយ

       ចម្រៀងប្រជាប្រិយ គឺជាចម្រៀងដែលជាទីពេញនិយមរបស់ប្រជាជនទូទៅមួយប្រភេទដែលមានកំណើតតាំងពីសម័យដើមមកម្ល៉េះ។ ចម្រៀងប្រជាប្រិយ គឺជាព្រលឹងរបស់ប្រជាជាតិមួយ ហើយក៏ជាកញ្ចក់មួយឆ្លុះបញ្ចាំងនូវផ្នត់គំនិតរបស់ប្រជាជន ដែលអាចឱ្យគេយល់បាននូវចំណង់ចំណូលចិត្ត សេចក្តីព្យាយាម ការតស៊ូ សេចក្តីសប្បាយរីករាយ និងការប៉ងប្រាថ្នារបស់ប្រជាជន។ ចម្រៀងប្រជាប្រិយមានច្រើនប្រភេទ ច្រើនបទដូចជា បទបេះស្លឹកមន បទនាងបុកស្រូវបទនាងស្លកុក បទអុំទូក បទបំពេចៅ។ល។ 

ឧទាហរណ៍៖  “បទអុំទូក”

បងអុំទូកទៅ                       ឱណានាងណា          ឮសូរគ្រូកៗ (២×ដង)
ទៅបេះៗ ផ្កាឈូក                អ៊ឺ អ៊ឺ អ៊ឺ អ៊ើយ             ដុះក្នុងបឹងភក់
ឱណាកែវណា នាងណា       អ៊ឺ អ៊ឺ អ៊ឺ អ៊ើយ             ដុះក្នុងបឹងភក់ ។
ឱផ្កាឈូកអើយ                    ឱណានាង                ដុះចេញពីភក់ (២×ដង)
គួរធុំៗអាក្រក់                       អ៊ឺ អ៊ឺ អ៊ឺ អ៊ើយ             ម្តេចឡើយឈ្ងុយឈ្ងប់ ។
ឱណាកែវណា នាងណា        អ៊ឺ អ៊ឺ អ៊ឺ អ៊ើយ             ម្តេចឡើយឈ្ងុយឈ្ងប់ ។
ទាំងមើមក្រអៅ                    ឱណានាងណា          ផ្លែម្សៅឈ្ងុយសព្វ(២×ដង)
ដុះចេញៗពីល្បាប់                អ៊ឺ អ៊ឺ អ៊ឺ អ៊ើយ              ត្រឡប់ជាល្អ ។
ឱណាកែវណា នាងណា        អ៊ឺ អ៊ឺ អ៊ឺ អ៊ើយ             ត្រឡប់ជាល្អ ។