(ជ៥) ​មេរៀនទី១៖ (សង្ខេបមេរៀន) អាហារ

មេរៀនសង្ខេប

សេចក្ដីផ្ដើម

ដើម្បីទទួលបានសុខភាពល្អ យើងត្រូវការសារធាតុចិញ្ចឹមនៅក្នុងអាហារ។ ប្រភេទនិងបរិមាណអាហារដែលយើងបរិភោគ មានសារៈ

សំខាន់ខ្លាំងណាស់ព្រោះសារពាង្គកាយទទួលបាននូវរូបធាតុដើមពីអាហារ។

១.ការប្រើប្រាសថាមពល

សារពារង្គកាយប្រើប្រាស់ថាមពលដើម្បី លូតលាស់ ធំធាត់ រំលាយអាហារ  ធ្វើសកម្មភាពផ្សេងៗ…….។

២.ប្រភេទផ្សេងៗនៃអាហារ

អាហារសំខាន់ៗមានបីប្រភេទគឺ៖

·         អាហារថាមពល

·         អាហារសាងសង់

·         និងអាហារការពារ។

២.១ អាហារថាមពល

អាហារថាមពលសំខាន់ៗមាន គ្លុយស៊ីត និងលីពីត។ មាននាទីផ្ដល់នូវថាមពលសម្រាប់ធ្វើសកម្មភាព ផ្សេងៗនិងរក្សាកម្ដៅក្នុងខ្លួន ។

ក. គ្លុយស៊ីត

ប្រភេទអាហារគ្លុយស៊ីត៖

·         អាហារប្រភេទផ្អែមមានដូចជា ស្ករអំពៅ ស្ករត្នោត     ឬទឹកឃ្មុំ... (គ្លុយកូសឬស្ករងាយ)។

·         អាហារប្រភេទម្សៅមានដូចជានំប៉័ង នំបញ្ចុក ដំឡូង បាយ ចេក... (អាមីដុង)។

·         អាហារប្រភេទសែលុយឡូស ក្នុងបន្លែនិងផ្លែឈើ។

ខ. លីពីត

អាហារលីពីតមានពីរប្រភេទគឺ ៖

•      លីពីត(ខ្លាញ់ឆ្អែត) មានប្រភពមកពី ខ្លាញ់សត្វ ប័រ    ទឹកដោះគោ…។ ខ្លាញ់នេះកកនៅសីតុណ្ហភាពធម្មតា

•      លីពីត(ខ្លាញ់មិនឆ្អែត) មានប្រភពពីរុក្ខជាតិដូចជា     ប្រេងឆា ប្រេងសណ្តែក ប្រេងល្ង…..។ ខ្លាញ់នេះមិនកកនៅសីតុណ្ហភាព

ធម្មតាទេ។

២.២ អាហារស្ថាបនា (សាងសង់)

អាហារស្ថាបនា ផ្ដល់ភាពលូតលាស់រាងកាយនិងជួសជុលនូវកោសិកាដែលបាត់បង់៖ 

អាហារនេះផ្ទុកនូវប្រូតេអ៊ីនច្រើនមានដូចជា ត្រីគ្រប់ប្រភេទ (មិនថាជាត្រីតូច ត្រីធំ) ស៊ុតបក្សី សាច់សត្វ

គ្រប់ប្រភេទ និងសណ្ដែកគ្រប់មុខ ដូចជាសណ្ដែកដី សណ្ដែកសៀង ឬ សណ្ដែកបាយ...។

២.៣ អាហារការពារ

នាទីសំខាន់របស់អាហារការពារមាន ៖

•      វីតាមីន ជួយឱ្យលូតលាស់បានល្អ ជួយក្នុងដំណើរការបញ្ចេញថាមពលពីអាហារនិងរ៉ាប់រងនូវការលូតលាស់របស់កោសិកាថ្មីៗបានត្រឹមត្រូវ។

•      អំបិលខនិជ នាទីជារូបធាតុសាងសង់ឬជួសជុលក្នុងតម្រូវការនៃសកម្មភាពផ្សេងៗរបស់សារពាង្គកាយ។

ក. វីតាមីន

វីតាមីនដែលជួយឱ្យឆ្អឹងនិងធ្មេញរឹងមាំគឺ វីតាមីន D ។ វាមាននៅក្នុងត្រី ទឹកដោះគោ ប៊័រ ថ្លើមត្រី ប្រេងឆា...។

វីតាមីន C មាននៅក្នុងបន្លែនិងផ្លែឈើជាច្រើនដូចជា ប៉េងប៉ោះ បន្លែបៃតង ក្រូច ល្ហុង ស្វាយ…។ មាននាទីធ្វើឱ្យស្បែក និងអញ្ចាញធ្មេញ

មានសុខភាពល្អ។

ខ. អំបិលខនិជ

ក្នុងចំណោមអំបិលខនិជទាំងអស់ កាល់ស្យូមនិងផូស្វ័រត្រូវបានប្រើប្រាស់ច្រើនជាងគេ សម្រាប់បំពេញនាទី

ផ្សេងៗក្នុងសារពាង្គកាយ។ នាទីសំខាន់ជាងគេរបស់វាគឺចូលរួមក្នុងកំណនិងតំហែរក្សាឆ្អឹងនិងធ្មេញរឹងមាំល្អ។

៣. ទឹក

ទឹកមានសារៈសំខាន់ណាស់ ។ ព្រោះវាជួយរក្សាសីតុណ្ហភាពសារពាង្គកាយឱ្យនៅធម្មតា និងជាធាតុបង្កសំខាន់នៃឈាម ដែលដឹកនាំ

អាហារទៅគ្រប់កោសិកាទាំងអស់នៃសារពាង្គកាយ។ នៅពេលសារពាង្គកាយបាត់បង់ជាតិទឹក យើងអាចបន្ថែមជាតិទឹកដោយការផឹក

ទឹក ផឹកទឹកដោះគោ បរិភោគអាហារមានជាតិទឹក ទឹកផ្លែឈើ ឬភេសជ្ជៈផ្សេងៗ ។

សារធាតុចិញ្ចឹម