(ជ៦) ​មេរៀនទី១៖ (សង្ខេបមេរៀន) គ្រឿងញៀន

មេរៀនសង្ខេប

សេចក្ដីផ្ដើម

គ្រឿងញៀនមានច្រើនប្រភេទណាស់ដូចជាអាភៀន កញ្ឆាជាដើម។ នៅពេលយើងនិយាយពីគ្រឿងញៀន យើងតែងគិតគ្រឿងញៀនខុសច្បាប់ ប៉ុន្ដែមិនមែនគ្រឿងញៀនទាំងអស់សុទ្ធតែខុសច្បាប់ទេដូចជាគ្រឿងស្រវឹង នីកូទីន(ក្នុងថ្នាំជក់) ស្លា ជាតិកាផេអ៊ីនក្នុងកាផែ តែ និងភេសជ្ជៈផ្សេងៗ។

១. ប្រភេទផ្សេងៗនៃគ្រឿងញៀន

គ្រឿងញៀនមានច្រើនប្រភេទ។ គេចែកគ្រឿងញៀនជាក្រុមអាស្រ័យទៅលើឥទ្ធិពលរបស់វាមានដូចជា៖

·         ថ្នាំលើកកម្លាំង

·         ថ្នាំបន្ថយការធុញថប់និងបំបាត់ការឈឺចាប់

១.១ ថ្នាំលើកកម្លាំង

v 
ថ្នាំលើកកម្លាំង មានដូចជា

•      យ៉ាម៉ា(ធ្វើឱ្យមានកម្លាំងដូចសេះ)ជាថ្នាំសេះ ឬថ្នាំឆ្គួត

•      កូកាអ៊ីន ស្លា

•      នីកូទីន(ក្នុងបារី)

•      កាផេអ៊ីន(កាផែ តែ កូកាកូឡា ភេសជ្ជៈផ្តល់ថាមពលនានា)។

•      អិចស្តាស៊ី (ថ្នាំធ្វើឱ្យមានការស្រើបស្រាល)។

១.២ ថ្នាំបន្ថយការធុញថប់និងបំបាត់ការឈឺចាប់

v  ថ្នាំបន្ថយការធុញថប់និងបំបាត់ការឈឺចាប់មាន

•      គ្រឿងស្រវឹង។

•      ថ្នាំរំងាប់ចិត្ត ថ្នាំងងុយដេក ថ្នាំបំបាត់ការឈឺចាប់។

•      ហេរ៉ូអ៊ីននិងថ្នាំមានជាតិអាភៀនផ្សេងៗ។

•      កញ្ឆា ថ្នាំស្រវឹង(ធ្វើឱ្យមានអារម្មណ៍រវើរវាយ)។

•      កាវហិត(ធ្វើឱ្យមានអារម្មណ៍រវើរវាយ)។

២. កញ្ឆា

v  កញ្ឆា គឺជារុក្ខជាតិមួយប្រភេទដែលមានពណ៌ខៀវស្រងាត់ដូចថ្នាំជក់។ ជ័រវាត្រូវបានគេផលិតឱ្យទៅជាម្សៅ ឬគាបឱ្យកក 

គេប្រើប្រាស់កញ្ឆាលាយជាមួយថ្នាំញៀនផ្សេងទៀតដូចជា កូកាអ៊ីន ជួនកាលឆុងជាមួយតែ ឬលាយជាមួយអាហារ នំ ឬភេសជ្ជៈ។

៣ ហេរ៉ូអ៊ីន (ក្រុមអាភៀន)

·         ហេរ៉ូអ៊ីន ជាម្សៅពណ៌សជាថ្នាំបំបាត់ការឈឺចាប់គេច្នៃវាចេញពីម័រហ្វីន។

·         ម័រហ្វីន ជាសារធាតុក្នុងធម្មជាតិដែលគេចម្រាញ់ចេញពីរុក្ខជាតិអាភៀន។

នៅលើទីផ្សារគេលាយហេរ៉ូអ៊ីននឹង ស្ករ ម្សៅ ម្សៅទឹកដោះគោឬថ្នាំគីនីន។

៤. កាវ

•      ជ័រកាវជាវត្ថុស្របច្បាប់ ។ ព្រោះរដ្ឋបានផលិតដើម្បីប្រើប្រាស់បម្រើផលប្រយោជន៍ផ្សេងៗកាលណាយើងប្រើប្រាស់បានត្រឹមត្រូវ។

តែបើប្រើប្រាស់ខុសឆ្គងវានឹងក្លាយជាគ្រឿងញៀនមិនស្របច្បាប់។

•      មនុស្សហិតកាវ ជាមនុស្សមានអារម្មណ៍អណ្តែតអណ្តូង មមើមមាយ។

៥. ការញៀនគ្រឿងញៀន

ការញៀនគ្រឿងញៀនបណ្តាលឱ្យ មនុស្សមិនអាចបំពេញការងារបានត្រឹមត្រូវ បាត់បង់បម្រុងប្រយ័ត្ន  មានអារម្មណ៍ច្របូកច្របល់

បញ្ចេញភាពសាហាវ រស់នៅដោយពឹងផ្អែកតែលើថ្នាំញៀន។

v  ប្រភេទមនុស្សដែលប្រឈមនឹងការប្រើប្រាស់គ្រឿងញៀនមានដូចជា៖

·         យុវវ័យនិងកុមារ ។

·         មនុស្សងាយជឿទុកចិត្តគេ ។

·         កម្មករធ្វើការប្រើកម្លាំងខ្លាំង ។

·         អ្នករកស៊ីផ្លូវភេទ ។

·         អ្នកបាក់ទឹកចិត្ត ឬមានវិបត្តផ្សេងៗ ។

v  សញ្ញានៃការសេពគ្រឿងញៀនមានដូចជា៖ 

·         ផ្លាស់ប្ដូរអារម្មណ៍ភ្លាមៗ។

·         កុហក លួច។

·         ការភ្លេចភ្លាំង នៅឯកា ឆេវឆាវ។

·         គ្មានការសម្របសម្រួល។

·         សំដីនិយាយឡុលៗ។

v  ដើម្បីជួយអ្នកដែលកំពុងសេពគ្រឿងញៀនត្រូវ៖

·         ស្វែងរកជំនួយពីអ្នកដែលមានជំនាញវិជ្ជាជីវៈ។

·         បញ្ឈប់ការគាបសង្កត់ និងធ្វើការអធ្យាស្រ័យដល់គេ។

·         និយាយទៅរកគេ ហើយបង្ហាញពីការយកចិត្តទុកដាក់ចំពោះគេ។

រកមិត្តភក្តិផ្សេងៗដើម្បីជួយ។