(ជ២)មេរៀនទី២៖ (សង្ខេបអត្ថបទ) ទំនាក់ទំនងអាហារក្នុងបរិស្ថាន

ជំពូកទី២ បរិស្ថានធម្មជាតិ

មេរៀនទី២  ទំនាក់ទំនងអាហារក្នុងបរិស្ថាន

មេរៀនសង្ខេប

សេចក្ដីផ្ដើម

សារពាង្គកាយនីមួយៗមិនអាចរស់នៅដាច់តែឯងបានទេ។ សារពាង្គកាយទាំងនេះមានទំនាក់ទំនងជាមួយគ្នាទៅវិញទៅមកតាមវិធីច្រើនបែបដូចជា សហប្រាណ ការប្រកួតប្រជែង ការចាប់រំពា។

១.ការចាប់រំពា

Ø  សត្វរំពា: សត្វដែលស៊ីសត្វមួយទៀតជាអាហារ។

Ø  រំពា: សត្វដែលត្រូវគេសម្លាប់។ 

Ø ទំនាក់ទំនងរវាងសត្វទាំងពីរហៅថា ការចាប់រំពា។

២.ការប្រកួតប្រជែង

ការប្រកួតប្រជែង ជាទំនាក់ទំនងដែលក្នុងនោះសារពាង្គកាយពីរប្រយុទ្ធគ្នា ដើម្បីតម្រូវការធនធានដូចជា ពន្លឺ អាហារ ទឹក ដី ចាំបាច់ក្នុងការរស់នៅ។

,

៣.បន្ទេរថាមពលក្នុងបរិស្ថាន

នៅក្នុងបរិស្ថានថាមពលត្រូវាបានផ្ទេរពីសារពាង្គកាយមួយទៅសារពាង្គកាយមួយទៀតតាមរយៈអាហារ។ សារពាង្គកាយនីមួយៗមានទំនាក់ទំនងផ្នែកអាហារនឹងគ្នាជាខ្សែអាហារនិងបណ្ដាញអាហារ។

៣.១ ខ្សែអាហារ

v  ខ្សែអាហារមួយ ជាទំនាក់ទំនងផ្នែកអាហាររវាងសារពាង្គកាយនៅក្នុងស្ថានប្រព័ន្ធ ហើយខ្សែអាហារក៏ជាស៊េរីមួយនៃសារពាង្គកាយតាមរយៈនោះថាមពលត្រូវបានផ្ទេរក្រោមរូបភាពជាអាហារ។

៣.២ បន្ទេរថាមពលក្នុងខ្សែអាហារ

v  ខ្សែអាហារ បង្ហាញពីទំនាក់ទំនងផ្នែកអាហាររវាងសារពាង្គកាយនិងថាមពលនៃអាហារដែលត្រូវផ្ទេរពីសារពាង្គកាយមួយទៅសារពាង្គកាយមួយទៀត។

៣.៣ ការបាត់បង់ថាមពល

នៅពេលដែលកណ្ដូបមួយស៊ីស្លឹករុក្ខជាតិថាមពលត្រូវបានផ្ទេរទាំងអស់ពីស្លឹករុក្ខជាតិទៅកណ្ដូប ប៉ន្ដែថាមពលត្រូវបាត់បង់ជាច្រើនតាមកាកសំណល់។

ការបាត់បង់ថាមពលបណ្ដាលមកពី៖

·         កណ្ដូបមិនអាចរំលាយអាហារទាំងអស់ដែលវាស៊ីនោះទេ

·         ថាមពលខ្លះទៀតកណ្ដូបប្រើប្រាស់ក្នុងបំលាស់ទី

·         ប្រើប្រាស់រំលាយអាហារនិងដកដង្ហើម

·         ថាមពលសល់តិចតួចនៅក្នុងខ្លួនកណ្ដូបសម្រាប់  ការលូតលាស់ធំធាត់របស់វា។

ថាមពលនៅសល់តិចតួចប៉ុណ្ណោះទេដែលត្រូវផ្ទេរទៅសត្វបក្សីជាអ្នកស៊ីបន្ទាប់ក្នុងខ្សែអាហារ។ នៅទីបញ្ចប់នៅសល់តែបរិមាណតិចតួចប៉ុណ្ណោះ ដែលត្រូវផ្ទេរទៅអ្នកស៊ីបន្ទាប់ក្នុងខ្សែអាហារ ដូចនេះតាមខ្សែអាហារ ថាមពលស្ដុកទុកកាន់តែថយចុះ។

៣.៤ បណ្ដាញអាហារ

បណ្ដាញអាហារ គឺជាខ្សែអាហារច្រើនដែលមានទំនាក់ទំនងយ៉ាងសាំញ៉ាំ។

តាមរយៈឧទាហរណ៍ខាងលើ៖ រីឯអ្នកបំបែកមានផ្សិតនិងបាក់តេរីជាអ្នកស៊ីចុងក្រោយបង្អស់នៅក្នុងខ្សែអាហារនិងបណ្ដាញអាហារ ដោយវាធ្វើឱ្យសាកសពនៃសារពាង្គកាយរលួយ។