(ជ៦)មេរៀនទី២៖ (សង្ខេបមេរៀន)​ ឥទ្ធិពលនៃគ្រឿងញៀន

មេរៀនសង្ខេប

សេចក្ដីផ្ដើម

          អ្នកប្រើប្រាស់គ្រឿងញៀនមិនអាចបញ្ឈប់ដោយងាយបានឡើយ។ ភាគច្រើនបំផុតនៃគ្រឿងញៀនផ្ដល់ផលប៉ះពាល់យ៉ាងធ្ងន់ធ្ងរដល់

អ្នកប្រើប្រាស់ ក្រុមគ្រួសារ សហគមន៍ និងសង្គមទាំងមូល។

          ហេរ៉ូអ៊ីន (Heroin) គឺជាសារធាតុអាភៀនដែលបានផលិតចេញពីផ្កាអាភៀន។ វាត្រូវបានប្រើប្រាស់ជាថ្នាំបំបាត់ការឈឺចាប់ ប៉ុន្តែ

មានកម្រិតជាតិញៀនខ្ពស់ ហើយអាចបង្កឲ្យមានការញៀនខ្លាំង។

១. ផលអាក្រក់ដល់សតិបញ្ញា

          ការញៀនថ្នាំ/គ្រឿងញៀនផ្តល់ផលអាក្រក់ដល់សតិបញ្ញា គឺធ្វើអោយមនុស្សមានជំងឺសរសៃប្រសាទ បាត់បង់ការចងចាំ សតិស្មារតីមិន

ល្អ សង្ស័យផ្ដេសផ្ដាស មិនទុកចិត្តគេ ស្លន់ស្លោមិនងងុយដេក ការថយចុះនៃបញ្ញា មួម៉ៅជាដើម។

២. ផលអាក្រក់ដល់រាងកាយ

ការញៀនគ្រឿងញៀនផ្តល់ផលអាក្រក់ដល់រាងកាយដូចជា ប្រព័ន្ធស៊ាំចុះខ្សោយ បង្កជំងឺរលាកថ្លើម បេះដូងរីក មហារីក

រលាកផ្លូវដង្ហើម តម្រងនោម ដាច់សរសៃឈាមខួរក្បាល សម្ពាធឈាមកើនឡើង ឈឺចាប់រាងកាយ រមួលសាច់ដុំ……។

ការញៀនថ្នាំ/គ្រឿងញៀនផ្តល់ផលអាក្រក់ដល់រាងកាយដោយធ្វើឲ្យប្រព័ន្ធស៊ាំនិងសារពាង្គកាយចុះ ខ្សោយ។

          ធ្មេញនិងជើងធ្មេញត្រូវឈឺចាប់ ហើយនាំឱ្យជ្រុះធ្មេញដង្កូវស៊ីធ្មេញ បែកធ្មេញ។ក្នុងពេលមានផ្ទៃពោះ ម្ដាយប្រើគ្រឿងញៀន

(កញ្ញា កូកាអ៊ីន ហេរ៉ូអ៊ីន...)។ ជាតិពុលមានឥទ្ធិពលផ្ទាល់លើទារកក្នុងផ្ទៃ ទាំងផ្នែករាងកាយនិងខួរក្បាល។ ពេលកើត

ក្មេងមានការលូតលាស់យឺតទាងសតិបញ្ញានិងរូបរាង បើប្រៀបធៀបក្នុងចំណោមកូនក្មេងដែលម្ដាយមិនប្រើគ្រឿងញៀន។

ការប្រើ ហេរ៉ូអ៊ីន កូកាអ៊ីនលើសកម្រិត បណ្ដាលឱ្យស្លាប់។

៣. ផលអាក្រក់ដល់សង្គម

v ការប្រើប្រាស់គ្រឿងញៀន ផ្តល់ផលអាក្រក់ដល់សង្គមជាតិនិងគ្រួសារ ៖

·         ផ្តល់ផលអាក្រក់ដល់សង្គម ធ្វើអោយរដ្ឋាភិបាលទទួលរ៉ាប់រងដោះស្រាយបញ្ហាជាច្រើន ដែលបណ្តាលមកពីឥទ្ធិពលរបស់គ្រឿងញៀន

ដូចជាអំពើអសីលធម៌ បទល្មើស ឆក់ប្លន់ ឧក្រិដ្ឋកម្ម ធ្វើបាបអ្នកដ៍ទៃ កើនឡើងនៃអ្នកជំងឺអេដស៍ ធ្វើឱ្យសង្គមបាត់បង់កម្លាំងពលកម្មនិង

ធនធានមនុស្ស។

·         ផ្តល់ផលអាក្រក់ដល់គ្រួសារ ធ្វើឱ្យខ្ចះខ្ចាយថវិកាផ្ទាល់ខ្លួននិងគ្រួសារដើម្បីទិញថ្នាំញៀន បណ្តាលឱ្យសេដ្ឋកិច្ចគ្រួសារជួបវិបត្តិ និងមាន

អំពើហឹង្សាក្នុងគ្រួសារ ។

៤. លក្ខណៈនៃអ្នកញៀន

v  មនុស្សញៀនមានលក្ខណៈដូចជា៖

·         មានអារម្មណ៍ឡប់ៗនិងល្វើយចូលចិត្តពួនសម្ងំនៅទីស្ងាត់កំបាំង

·         ចេញទឹកភ្នែក ហើយរន្ធប្រស្រីភ្នែករីកធំ

·         គេតែងតែគេចរៀន

·         ចូលចិត្តខ្ចីលុយមិត្តភក្តិ ឬលួចលុយអ្នកដទៃ

·         គេលែងគិតពីខ្លួនឯង គ្រួសារនិងមិត្តភក្តិ។

·         មានសតិបញ្ញាខុសប្លែកពីគេ មានអត្តចរិតខឹងឆេវឆាវ ប្រើអំពើហិង្សា

·         មិនសូវចូលរៀនដូចសិស្សផ្សេងៗទៀតហើយអាកកប្បកិរិយាមិនសមរម្យ។

៥. មូលហេតុនៃការប្រើគ្រឿងញៀន

មូលហេតុបានជាយុវវ័យប្រើប្រាស់គ្រឿងញៀន ដោយសារតែចង់បំបាត់ការអផ្សុក ដើម្បីចុះសម្រុងជាមួយមិត្តភក្តិ ដើម្បីគេចវេះពីបញ្ហាផ្សេងៗ

និងចាញ់បោកគេ។ 

v  ដើម្បីជៀសវាងការប្រើប្រាស់គ្រឿងញៀន

·         យុវវ័យគួរខិតខំរៀនសូត្រ។

·         ស្វែងយល់ឱ្យបានច្រើនពីជនខិលខូចចែកចាយថ្នាំញៀន។

·         កុំឆាប់ជឿគេពេក។

·         យកពេលលេងកីឡា ឬធ្វើការងារផ្សេងៗ

·         ស្តាប់ការទូន្មានរបស់ឪពុកម្តាយនិងលោកគ្រូអ្នកគ្រូ។

·         ប្រសិនបើអ្នកឃើញមិត្តភក្តិប្រើថ្នាំញៀន យើងម្នាក់ៗគួរតែប្រញាប់រាយការណ៍ប្រាប់គណៈគ្រប់គ្រងសាលា អជ្ញាធរមានសមត្ថកិច្ច មន្រ្តី

ជំនាញ ជាពិសេសឪពុកម្តាយរបស់គេឱ្យបានដឹងងាយស្រួលចាត់វិធានការហាមឃាត់ និងអប់រំពួកគេទាន់ពេលវេលា។

·         អាចឱ្យពួកគេមានបម្រុងប្រយ័ត្នជាមួយមនុស្សជុំវិញខ្លួនពិសេសអ្នកមិនធ្លាប់ស្គាល់រកដោះស្រាយសមស្របនៅពេលជួបបញ្ហា ចេះរំដោះ

ខ្លួនពីការលួងលោម ឬបញ្ឆោតពីអ្នកដទៃ។

·         ចូលរួមកិច្ចការសហគមន៍។

·         រាប់អានតែកល្យាណមិត្ត (មិត្តល្អ មិត្តទៅរកផ្លូវត្រូវ)។