◾ ចក្រភពម៉ុងហ្គោល កើតឡើងនៅចុងសតវត្សទី១២ ហើយដួលរលំនៅសតវត្សទី១៤ ចក្រភពនេះបង្កើតឡើងដោយព្រះចៅអធិរាជសង់ស៊ីខាន់។
- កាលនៅកុមាព្រះអង្គមាននាមថា តេមុតស៊ីន (បុត្រច្បងក្នុងចំណោមបុត្រ ៤នាក់) បិតានាម យេស៊ុន គៃ មាតានាម អ៊ូ លុន ។
- នៅក្នុងព្រះជន្ន១១ ព្រះវស្សា តេមុតស៊ីន
ត្រូវពួកតៃស្វីតចាប់យកទៅធ្វើទារុណកម្ម ក្នុងបំណងកំចាត់ចោល ដោយខ្លាចតេមុតស៊ីនដណ្តើមអំណាច
លុះក្រោយមកតេមុតស៊ីនបានរួចខ្លួន។
- នៅក្នុងព្រះជន្ន២០វស្សាតេមុតស៊ីន ចាប់ផ្តើមបង្រ្កាបកុលសម្ព័ន្ធនានានៃភូមិភាគ ម៉ុងហ្គោល។
- នៅឆ្នាំ១២០៦ ក្រុមប្រឹក្សាកុលសម្ព័ន្ធបានធ្វើមហាសន្និបាតដើម្បីប្រកាសតេមុតស៊ិនជាអធិរាជក្នុងគោរម្យងារនាមថា
សង់ស៊ីខាន់។
◾ ការធ្វើសង្រ្គាមពង្រីកទឹកដីបង្កើតចក្រភពមាន២ដំណាក់គឺ៖
- ដំណាក់ទី១៖ ការត្រួតត្រាភូមិភាគម៉ុងហ្គោលទាំងមូល។
- ដំណាក់ទី២៖
ការវាយលុកយករដ្ឋនានា។
◾ ស្នាព្រះហស្តរបស់ព្រះបាទសង់ស៊ីខាន់មានដូចជា៖
- វាយបង្រ្កាបពួកតៃស្វីត
- វាយកុលសម្ព័ន្ធមែគីត
- វាយយកភូមិភាគអាល់តៃ
- នៅចុងសតវត្សទី១២ វាយដណ្តើមយកទឹកដីតាតា
- នៅដើមសតវត្សទី១៣ វាយយកអតីតសម្ព័ន្ធមិត្ត
- នៅឆ្នាំ១២០៣ ភូមិភាគម៉ុងហ្គោលទាំងមូលត្រូវនៅក្រោមអំណាចព្រះអង្គ។
- ការវាយលុកស្រុកចិនខាងជើង៖
បណ្តាលឱ្យព្រះចៅគីនព្រមចុះចាញ់ហើយព្រមធ្វើជាស្តេចសួយ។
- ការវាយលុកតំបន់ខាងលិច៖ មានមេទ័ពពីររូបដែលខ្លាំងគឺ
ចីបេ និងសូបុតៃ បានពង្រីកទឹកដីដល់អឺរ៉ុបខាងកើត និងចូលលុកលុយទីផ្សារជំនួញរបស់អ៊ីតាលីដែលនៅតាមឆ្នេរសមុទ្រ។
- ការវាយលុកទៅទិសខាងជើង៖
ដឹកនាំដោយព្រះចៅសង់ស៊ីខាន់វាយយកអាប់កានីស្ថាននិងកូរ៉ាសាន។
◾ ព្រះបាទសង់ស៊ីខាន់ ចូលទិវង្គតនៅឆ្នាំ ១២២៧ ។
- កងទ័ពសុទ្ធតែស្ទាត់ជំនាញខាងជិះសេះនិងបាញ់ព្រួញពីលើសេះ។
- កងទ័ពមានភារកិច្ចការពារទឹកដី និងការពារសន្តិសុខខាងពាណិជ្ជកម្ម។
+ កងទ័ពមានពីរប្រភេទគឺ៖
- ទ័ពរាស្រ្ត សុទ្ធតែជាទ័ពប្រុសដែលជាជនជាតិម៉ុងហ្គោល។
- ទ័ពស្រួច ជាទ័ពមានថ្វីដៃចំនួន ១០០០០នាក់ សម្រាប់ការពារព្រះចៅអធិរាជ។
+ រដ្ឋបាលគ្រប់គ្រង៖
- រៀបចំច្បាប់រដ្ឋបាលដោយមានលាយលក្ខណ៍អក្សរ។
- សមាជិកក្រុមប្រឹក្សាជាអ្នកចងក្រងច្បាប់សម្រាប់រដ្ឋ (ច្បាប់រដ្ឋបាល តុលាការ ពន្ធអាករ ច្បាប់ស៊ីវិល)។
- កម្រិតទឹកដីយ៉ាងជាក់លាក់ដល់កុលសម្ព័ន្ធនីមួយៗ ។