+ ក្នុងរាជវង្សមុនព្រះបាទត្រសក់ផ្អែមមានព្រះរាជាជាច្រើនអង្គដូចជា៖
- ព្រះបាទជ័យវរ្ម័នទី៨ (១២៤៣-១២៩៦) ពួកសៀម និងពួកម៉ុងកូលចូលឈ្លានពាន។
- ព្រះបាទស្រីន្ទ្រវរ្ម័ន ឬ ឥន្ទ្រវរ្ម័នទី៣ (១២៩៥-១៣០៧) ដាក់រាជ្យទៅសមាធិក្នុងព្រៃ។
- ព្រះបាទស្រីន្ទ្រជ័យវរ្ម័ន ឬ ឥន្ទ្រវរ្ម័នទី៤ (១៣០៧-១៣២៧) ទំនាក់ទំនងការទូតជាមួយចិន។
- ព្រះបាទជ័យវរ្ម័នទី៩ ឬ ជយម៌ាទិបរមេស្វរៈ (១៣២៧-១៣៣៦) ទំនាក់ទំនងការទូតជាមួយចិន និងដាយវៀត។
+ ក្នុងរាជវង្សត្រសក់ផ្អែមមានព្រះរាជាជាច្រើនអង្គជូចជា៖
- ព្រះបាទត្រសក់ផ្អែម ឬ នាយជ័យ (១៣៣៦-១៣៤០) កសាងរាជវង្សត្រសក់ផ្អែម។
- ព្រះបាទនិព្វានបទ (១៣៤០-១៣៤៦) រៀបចំប្រទេសឱ្យមានសុខសន្តិភាព។
- ព្រះបាទសិទ្ធានរាជា (១៣៤៦-១៣៤៧) សោយរាជ្យបាន៦ខែក៍សុគត។
- ព្រះបាទលំពង្សរាជា (១៣៤៧-១៣៥១) ធ្វើសង្គ្រាមទប់ទល់នឹងសៀមឈ្លានពានអង្គរលើកទី១។
- ព្រះបាទស្រីសុរិយោវង្សទី១ (១៣៥៧-១៣៦៦) រំដោះរាជធានីអង្គរពីសៀម។
- ព្រះបាទបរមរាមា (១៣៦៦-១៣៧៣) ពុំមានព្រឹត្តិការណ៍ធំដុំទេ។
- ព្រះបាទធម្មាសោករាជា (១៣៧៣-១៣៩៤) ធ្វើសង្គ្រាមទប់ទល់នឹងសៀមឈ្លានពានអង្គរលើកទី២។
- ព្រះបាទស្រីសុរិយោវង្សទី២ (១៤០១-១៤១៧) កំចាត់សៀមឱ្យចេញពីអង្គរហើយរៀបចំក្រុងអង្គរឡើងវិញ។
- ព្រះបាទបរមសុខា (១៤១៧-១៤២០) ត្រូវស្តេចសៀមពញ្ញាក្រែកធ្វើឃាត ហើយសៀមត្រួតត្រាអង្គរលើកទី៣។
- ព្រះបាទពញាយ៉ាត (១៤២១-១៤៦៣) សម្លាប់ស្តេចសៀមពញាព្រែក ហើយបានរំដោះរាជធានីអង្គរពីសៀម។
- នៅឆ្នាំ១៣៥១ ស្តេចសៀមនាមរាមាធិបតីនៃក្រុងអាយុធ្យាបានលើកទ័ពមកវាយក្រុងអង្គរតែត្រូវទ័ពព្រះ ស្រីសុរិយោទ័យវាយឱ្យដកថយទៅវិញ។ ព្រះបាទលំពង្សរាជាស្មានថាសៀមលែងហ៊ានវាយក៏បញ្ជាឱ្យស្រីសុរិយោទ័យរំលាយទ័ពខ្មែរដើម្បីជួយធ្វើស្រែចម្ការ សៀមដឹងខ្មែររំលាយទ័ពក៏លើកទ័ពវាយចូលក្រុងអង្គរនៅឆ្នាំ១៣៥២ ពេលនោះស្តេចលំពង្សរាជាគាំងបេះដូងសុគត រីឯព្រះបាទស្រីសុរិយោទ័យត្រូវសៀមធ្វើឃាត។
- ស្តេចសៀម នាមរាមាធិបតីបានតែងតាំងបុត្រា៣ អង្គឱ្យគ្រងរាជនៅអង្គរ (បាសាត បាអាត កំបង់ពិសី)។
- នៅឆ្នាំ១៣៥៧ ស្តេចខ្មែរនាម ស្រីសុរិយោវង្សទី១ ជាអនុជលំពង្សរាជា បានភៀសខ្លួនមកពីឡាវ បាន ប្រមូលទ័ពមករំដោះក្រុងអង្គរដោយសំលាប់កំបង់ពិសីចោល រួចព្រះអង្គបានរៀចំក្រុងអង្គរឡើងវិញ។
+ សៀមប្រើល្បិចដើម្បីត្រួតត្រាក្រុងអង្គរលើកទី២ ដូចជា៖
- នៅឆ្នាំ១៣៩៣ ទាហានសៀម ១៥នាក់ចុះចូលជាមួយទ័ពខ្មែរទ័ពខ្មែរមិនយល់ល្បិចសៀមដូចនាំសត្រូវចូលផ្ទះ ជាឱកាសធ្វើឱ្យសៀមបើកទ្វារក្រុងអង្គរពីខាងលិចឱ្យទ័ពសម្រុកចូលយកបានក្រុងអង្គរ។
- សៀមបានត្រួត្រាអង្គរលើកទី២ពីឆ្នាំ១៣៩៤ ដល់ ១៤០១ ស្តេចសៀមនាមរាមាសូរ បានចាត់ឲ្យបុត្រ ឈ្មោះពញាព្រែកត្រួតត្រានៅអង្គរ។
- នៅឆ្នាំ១៤០២ ព្រះបាទស្រីសុរិយោវង្សទី២ បានរំដោះក្រុងអង្គរពីសៀមមកវិញ។
- នៅឆ្នាំ១៤២០ សៀមបានលើកទ័ពមកវាយយកក្រុងអង្គរដោយសម្លាប់ស្តេចខ្មែរ ព្រះនាម បរមសុខា ដែល គ្រប់គ្រងដោយស្តេចសៀមនាមពញាព្រែក។
**ហេតុអ្វីបានជាព្រះបាទពញាយ៉ាតរំដោះក្រុងអង្គរបាន?
- ព្រះបាទពញាយ៉ាត ទ្រង់ប្រើល្បិចឱ្យទាហានស្ម័គ្រចិត្ត១២នាក់ ទៅចុះចូលជាមួយទ័ពសៀម ហើយដកអាវុធសម្លាប់ស្តេចពញាព្រែកចោល នៅឆ្នាំ១៤២១ ទើបរំដោះបានរាជធានីអង្គរ ។
+ មូលហេតុដែលធ្វើឱ្យរាជាខ្មែរ(ព្រះបាទពញាយ៉ាត)ចាកចោលក្រុងអង្គរព្រោះ៖
- កត្តាប្រជាជន៖ ក្នុងចំបាំងសៀមបានសម្លាប់ និងកៀរប្រជាជនខ្មែរនៅតំបន់អង្គរជាហេតុនាំឱ្យប្រជារាស្ត្រខ្លះភៀសខ្លួនចេញពីតំបន់អង្គរ។
- កត្តាសេដ្ឋកិច្ច៖ សង្គ្រាមផ្ទៃក្នុង និងជាមួយសៀមធ្វើឱ្យខូចខាតហេដ្ឋារចនាសម្ពន្ធ័គ្រប់បែបយ៉ាង។
- កត្កាភូមិសាស្ត្រ៖ ក្រុងអង្គរនៅជិតសៀម (៤០០km)។
- កត្តាឥទ្ធិពល (កម្លាំង)៖ ខ្មែរបាក់កម្លាំង និងបាត់បង់ជំនឿលើខ្លួនឯង។