ស្ថិតនៅភាគពាយ័ព្យនៃតំបន់ឥណ្ឌូចិន មានព្រំប្រទល់ជាប់ឥណ្ឌា បង់ក្លាដែស ចិន ឡាវ ថៃ និងជាប់សមុទ្របេងកាល់ខាងត្បូង។
◾ ជនជាតិដើមភូមាឈ្មោះ ព្យូ កើតមកពីអំបូរទីបេ-ភូមា។
◾ នៅសតវត្សទី៣ ភូមាបានបង្កើតរដ្ឋមួយឈ្មោះព្យៅ ដែលមានរាជធានីឈ្មោះ ប្រូម។
◾ នៅពាក់កណ្តាលសតវត្សទី៨ ថៃនៅយូណាន បានដាក់រាជាណាចក្រព្យៅជាចំណុះ។
◾ នៅឆ្នាំ១០៤៤-១១៧៧ លោកអណារដ្ឋាបានបង្កើតរាជាណាចក្រប៉ាគន។
◾ នៅឆ្នាំ១២៨០ ភូមាបានបង្កើតអាណាចក្រថ្មីមួយឈ្មោះតោងអ៊ូ ដើម្បីតស៊ូប្រឆាំងនឹងការឈ្លានពានរបស់ពួយន់និងថៃ។
◾ ឆ្លងកាត់សង្រ្គាមជាច្រើនលើករវាងភូមានិងថៃ ភូមាក្លាយជារដ្ឋខ្លាំងក្លាមួយក្នុងតំបន់អាស៊ីអាគ្នេយ៍ចាប់ពីសតវត្សទី១៦ដល់ទី១៨។
◾ នៅឆ្នាំ១៧៦០ ដល់១៧៦៧ ភូមាបានចូលវាយលុក បំផ្លិចបំផ្លាញសៀមហើយត្រួតត្រាក្រុងអយុធ្យា។
◾ នៅឆ្នាំ១៨២០ ភូមាបានគ្រប់គ្រងទៅលើអារាកាន ជាប់ព្រំដែនបេងកាល់។
◾ នៅឆ្នាំ១៨២២ កងទ័ពភូមាបានចូលឈ្លានពានបេងកាល់។
◾ សង្គ្រាមទី១ រវាងអង់គ្លេស និងភូមាបានផ្ទុះឡើងឆ្នាំ១៨២៤ ដល់១៨២៦ អង់គ្លេសទទួលបានជ័យជនះ។
◾ នៅឆ្នាំ១៨៥០សង្រ្គាមរវាងអង់គ្លេសនិងភូមាបានផ្ទុះឡើងដោយសារទំនាស់រវាងឈ្មួញអង់គ្លេស និងអភិបាលក្រុងរ៉ុងហ្គូន។
◾ នៅឆ្នាំ១៨៨៥ ក្រុងម៉ង់ដាល័យត្រូវហ៊ុំព័ទ្ធ បណ្តាលឱ្យព្រះមហាក្សត្រ និងរាជវង្សភូមាបាននិរទេសខ្លួនទៅរស់នៅកាល់គូតា។
◾ នៅថ្ងៃទី១មករា១៨៨៦ ប្រទេសភូមាត្រូវបានបញ្ចូលជាឧបសម័្ពន្ធរបស់អង់គ្លេស ហើយរបបរាជានៅភូមាត្រូវបានលុបបំបាត់នៅពេលនោះ។
◾ ក្រោយពីអង់គ្លេសត្រួតត្រាភូមា ស្ថានភាពនយោបាយនៅភូមាមានលក្ខណៈដូចជា៖
- របបរាជានិយមត្រូវបានលុបបំបាត់
- ពួកអភិជនត្រូវដកហូតសិទ្ធិអំណាច
- ប្រទេសភូមាទទួលការគ្រប់គ្រងពីទីក្រុងកាល់គូតា
- អង់គ្លេសបានយកគំរូគ្រប់គ្រងនៅឥណ្ឌាមកអនុវត្តក្នុងប្រទេសភូមា។
នៅក្នុងរបបគ្រប់គ្រងរបស់អង់គ្លេសធ្វើឱ្យមានបម្រែបប្រួលប្រជាករនៅភូមាដូចជា៖
- ធ្វើឱ្យមានចម្រុះជាតិសាសន៍ក្នុងប្រទេសភូមា
- ជនជាតិឥណ្ឌាមានសេរីភាពក្នុងការគ្រប់គ្រង និងមានសិទ្ធិតាំងទីលំនៅក្នុងប្រទេសនេះ។