តំបន់មជ្ឈិមបូព៌ា លាតសន្ធឹងចាប់ពីសមុទ្រមេឌីទែរ៉ានេខាងកើតរហូតដល់ឈូងសមុទ្រពែក មានអាកាសធាតុក្តៅ លើកលែងតែតំបន់ក្បែរមាត់សមុទ្រ។
ទឹកជាបញ្ហានិងអាយុជីវិតនៃប្រជាជនមជ្ឈិមបូព៌ា ដូចនេះគេត្រូវមានវិន័យតឹងរ៉ឹងបំផុតដើម្បីចែកចាយ និងប្រើប្រាស់ទឹក។
- ក្នុងឆ្នាំ១៩៣៧ តំបន់មជ្ឈិមបូព៌ាមានប្រជាជន៦៣.២០០.០០០នាក់។
- ក្នុងឆ្នាំ១៩៦០តំបន់មជ្ឈិមបូព៌ាមានប្រជាជន៧៥.៥០០.០០០នាក់ មានផ្ទៃដី៦.៧០០.០០០គីឡូម៉ែត្រការេហើយចែកជា ៩ ប្រទេសគឺ អេស៊ីប អារ៉ាប៊ីសេអូឌីត អ៊ីរ៉ាក់ អ៊ីរ៉ង់ តួគី អ៊ីស្រាអែល ស៊កដានី ស៊ីរី និងលីបង់។
- តំបន់មជ្ឈិមបូព៌ាជាតំបន់ដែលចាស់ជាងគេដែលមានអរិយធម៌ចាប់តាំងពី៥០០០ឆ្នាំមុនគ.សមកម្លេះ។
- ចក្រភពអូតូម៉ង់ បានត្រួតត្រាលើភូមិភាគនេះអស់រយៈពេល៤ ស.វ. រហូតដល់បញ្ចប់សង្គ្រាមលោកលើកទី១។
◼️ នៅក្រោយសង្គ្រាមលោកលើកទី១ គេចែកតំបន់មជ្ឈិមបូព៌ាជាមណ្ឌលនៃឥទ្ធិពលមហាអំណាចដូចតទៅ៖
- ប៉ែកខាងពាយ័ព្យ៖
ស្ថិតក្រោមអាណត្តិបារាំង មានលីបង់ ស៊ីរី រដ្ឋាភិបាលអាឡាអូអ៊ីត និងសឺបែលឌុស។
- ប៉ែកខាងត្បូង និងខាងលិច៖
ស្ថិតក្រោមអាណត្តិអង់គ្លេស មានប៉ាលេស្ទីន ស៊កដានី និងអ៊ីរ៉ាក់។
- ឧបទ្វីបអារ៉ាប់៖
មានរដ្ឋពីរចាប់កំណើត គឺរដ្ឋអារ៉ាប៊ីសាអូឌីត និងព្រះរាជាណាចក្រយេម៉ែន។
- ក្នុងសង្រ្គាមលោកលើកទី២ ប្រទេសដែលទទួលរងការខូចខាតដោយសារសង្រ្គាមច្រើនជាងគេគឺ
លីប៊ី និងទុយនីស៊ី។
- ក្រោយសង្រ្គាមលោកលើកទី២
ប្រទេសជាច្រើននៅមជ្ឈិមបូព៌ាទទួលរងនូវមនោគមន៍វិជ្ជាថ្មីពី អាមេរិច និងសូវៀត។
- កត្តាដែលធ្វើឱ្យប្រទេសនៅតំបន់មជ្ឈិមបូព៌ាមានបម្រែបម្រួលសង្គមខ្លាំងគឺមកពី
ធនធានក្រោមដី ពិសេសគឺប្រេងកាត។
- ដោយសារធនធានប្រេងកាតធ្វើឱ្យមជ្ឈិមបូព៌ាក្លាយទៅជាមណ្ឌលដ៏សំខាន់នៃអន្តរាគមន៍របស់ពួកមហា អំណាចជំនាន់ថ្មី។
- ក្រោយសង្រ្គាមលោកលើកទី១ ចក្រភពអង់គ្លេសទទួលស្គាល់ជនជាតិជ្វីបតែមិនទទួលស្គាល់ជនជាតិប៉ាលេស្ទីនទេ។
- ហើយនៅឆ្នាំ១៩៤៤អង់គ្លេសបានបង្កើតជាក្រុមជ្វីប ដែលមានពាក់ស្លាកសញ្ញានិងទង់ជាតិជ្វីបទៀតផង។
- នៅក្នុងប្រទេសប៉ាលេស្ទីន ក្រុមស្ទែន បានធ្វើការវាយឆ្មក់ទៅលើកងទ័ពអង់គ្លេស
និងធ្វើវិច្ឆេទកម្មទៅលើផ្លូវរថភ្លើង។
- នៅឆ្នាំ១៩៤៧ អង្គការសហប្រជាជាតិបានចែកប្រទេសប៉ាលេស្ទីនជារដ្ឋពីរគឺ
រដ្ឋជ្វីប (អ៊ីស្រអែល) និងរដ្ឋអារ៉ាប់ (ប៉ាលេស្ទីន)។