◼️ តើកត្តាអ្វីខ្លះដែលនាំឱ្យសង្គមមានបម្រែបម្រួល?
- ដោយសារសេដ្ឋកិច្ចមានសំទុះទៅមុខ
- វណ្ណៈគហបតីឈានក្នុងលំដាប់ទី១
- តំបន់ស្រុកស្រែចំការមានការប្រែប្រួលដោយចំនួនកសិករថយចុះ
- ជីវភាពភាពកម្មករជួបការលំបាកខ្លាំងនៅក្នុងសតវត្សទី១៩។
◼️ ដូចម្តេចដែលហៅថាគហបតី
ឬ ថៅកែនៅស.វ.ទី១៩?
- គឺជាមនុស្សម្នាក់ដែលមិនមែនជាអភិជន
មិនមែនជាកម្មករ និងកសិករ។
◼️ គហបតីចែកចេញជា៣ប្រភេទគឺ៖
១. គហបតីតូចតាច (សិប្បករ ម្ចាស់ហាង និងនិយោជិត)
២. គហបតីមធ្យម (មន្ត្រីថ្នាក់កណ្តាល និងអាជីវករថ្នាក់កណ្តាល)
៣. គហបតីធំៗ (មន្ត្រីជាន់ខ្ពស់)
◼️ ចូរបង្ហាញពីផ្នត់គំនិតនិងស្ថានភាពរស់នៅរបស់ពួកគហបតីធំៗ។
- ពួកគហបតីធំៗរស់នៅប្រកបដោយផាសុខភាពក្នុងសណ្ឋាគារប្រណិតៗផ្ទាល់ខ្លួន ហើយបានចងសម្ព័ន្ធមេត្រី នឹងត្រកូលអភិជនដើម្បីពង្រឹងលទ្ធភាពរកស៊ីឬក៍ពង្រឹងអំណាចខ្លួនដើម្បីគ្រប់គ្រងសង្គម។
◼️ នៅដើមសតវត្សទី១៩ អ្នកស្រែចម្ការនៅអឺរ៉ុបគេដាំដុះអ្វី? ប្រើឧបករណ៍បែបណា? ពួកគេមាន ជីវភាពរស់នៅដូចម្តេច?
- ពួកគេដាំដុះគ្រាប់ធញ្ញជាតិ គេប្រើឧបករណ៍កសិកម្មបែបបុរាណគេបោកស្រូវដោយតម្បៀតដែលផ្តល់ទិន្នផលទាបពួកគេមានកម្រិតជីវភាពទាបពួកគេធ្វើកសិកម្មសម្រាប់ផ្គត់ផ្គង់តែគ្រួសារកន្លែងស្នាក់នៅគ្មានផាសុខភាព។
- ការធ្វើបដិវត្តន៍ខាងកសិកម្មមុនគេគឺ ប្រទេសអង់គ្លេស បន្ទាប់មកមានបារាំង
បែលស៊ីក និងអាឡឺម៉ង់។
- ប្រទេសដែលមានកសិកម្មទើបលូតលាស់ថ្មីមានប្រទេសកាណាដា អូស្ត្រាលី
និងសហរដ្ឋអាមេរិច។
- នៅឆ្នាំ១៨៣១លោកម៉ាក គកម៉ិច ជាអ្នកបង្កើតម៉ាស៊ីនកិនស្រូវ
និងម៉ាស៊ីនបោកស្រូវ (ប្រើចំហាយទឹក)។
◼️ តើការរីកចម្រើនផ្នែកកសិកម្ម
និងគ្រឿងយន្តបានផ្តល់ផលលំបាកអ្វីខ្លះដល់ប្រជាជន?
- គ្មានប្រាក់សម្រាប់ទិញម៉ាស៊ីន
- គ្មានប្រាក់សម្រាប់ទិញជី
- ត្រូវជួលដីពួកម្ចាស់ដី បណ្តាលឱ្យជីវភាពពួកគេជួបការលំបាក ដូចនេះកសិករត្រូវចំណាកស្រុកទៅកាន់ទ្វីបអាមេរិច។
◼️ តើអ្វីជាសញ្ញានៃសង្គមឧស្សាហកម្ម? បណ្តាលមកពីកត្តាអ្វីខ្លះ?
+ គឺកំណើនទីក្រុង បណ្តាលមកពី៖
- មធ្យោបាយកសិកម្ម
- ប្រើបច្ចេកវិទ្យាទំនើប
- ទីក្រុងតូចៗត្រូវបាត់បង់
- ការរីកចម្រើននៃប្រព័ន្ធផ្លូវដែក នឹងការដឹកជញ្ជូន។
◼️ ហេតុដូចម្តេចបានជាលេចឡើងនៅកំណើនជនអន្តោប្រវេសន៍?
- មកពីមានចំណាកស្រុកពីតំបន់ជនបទទៅកាន់ប្រទេស ឬទីក្រុងផ្សេងៗ ដែលមានកំណើនសេដ្ឋកិច្ចខ្ពស់...។
◼️ តើលក្ខខ័ណ្ឌការងារឃោរឃៅចំពោះកម្មករមានអ្វីខ្លះ?
- ពួកថៅកែបង្កើនម៉ោងធ្វើការ កាត់បន្ថយប្រាក់ខែ
ធ្វើការពី ១២ទៅ១៥ម៉ោងក្នុង១ថ្ងៃក្នុងរោងចក្រគ្មានអនាម័យ គ្មានសន្តិសុខ
វិន័យតឹងរ៉ឹង បង្ខំឱ្យគោរពបទបញ្ជា ទណ្ឌកម្មការផាកពិន័យ និងបណ្តេញចោល
គ្មានការឧបត្ថម្ភ និងគ្មានការធានារ៉ាប់រងពីសង្គមពេលគ្រោះថ្នាក់ ជម្ងឺ ពេលចាស់ជរា។
◼️ តើស្ត្រី
និងក្មេងៗនៅក្នុងរោងចក្រមានស្ថានភាពដូចម្តេចខ្លះ?
- ស្ត្រី និងក្មេងៗស្ថិតក្នុងលក្ខខណ្ឌដូចគ្នា និងមនុស្សពេញវ័យដែរ តែទទួលបានប្រាក់ខែតិចតួចណាស់
ពួកគេងាយស្រួលស្តាប់បង្គាប់ ងាយស្រួលទូន្មាន ងាយស្រួលរំកិលចូលក្នុងរូងយករ៉ែ។
◼️ តើការរស់នៅរបស់ពួកកម្មករមានលក្ខណៈដូចម្តេច?
- ពួកគេប្រមូលផ្តុំគ្នាទាំងគ្រួសាររស់នៅក្នុងរូងក្រោមដី
ក្នុងជង្រុក មានលំនៅស្ថានជាប់ៗគ្នាឬប្រមូលផ្តុំនៅជុំវិញអណ្តូងរ៉ែ
និងរោងចក្រនានា អនាម័យ និងសម្លៀកបំពាក់មិនគ្រប់គ្រាន់បង្កឱ្យកើតជំងឺរបេង
រោគក្រិន និងការស្លាប់នៃកុមារ។