**គេចែកមនុស្សនៅក្នុងសម័យអង្គរជា ៤វណ្ណៈគឺ៖
- វណ្ណៈព្រាហ្មណ៍ និងបព្វជិត៖ ជាអ្នករៀបចំខាងសាសនាព្រាហ្មណ៍។
- វណ្ណៈក្សត្រឬរាជវង្ស៖ មានសិទ្ធិមិនបង់ពន្ធ មិនជាប់កំណែន
មិនធ្វើការធ្ងន់។
- វណ្ណៈពួកអ្នកជាឬកសិករ៖
មានមន្ត្រីរាជការតូចតាច ឈ្មួញ សិប្បករ កសិករ ប្រជារាស្ត្រសាមញ្ញ។
- វណ្ណៈទាសករនិងអ្នកងារ៖
ពួកនេះនៅបម្រើគេអស់មួយជីវិត ហើយគ្មានសិទ្ធិសេរីភាពអ្វីទាំងអស់។
ក. នយោបាយក្រៅប្រទេស៖
- ព្រះរាជាបង្រួបបង្រួមជាតិឱ្យមានឯកភាព អនុវត្តនយោបាយចក្រពត្តិនិយម ធ្វើសង្គ្រាមពង្រីកទឹកដីលើរដ្ឋតូចៗ ហើយអនុវត្តនយោបាយចងមិត្តជាមួយប្រទេសធំៗ ដូចជាចិនជាដើម។
ខ. នយោបាយក្នុងប្រទេស៖
- បង្រួបបង្រួមជាតិឱ្យមានឯកភាពជុំវិញរាជបល្ល័ង្ក រួមកំលាំងកសាងប្រទេស និងពង្រីកទឹកដី។
**ដើម្បីគ្រប់គ្រងប្រទេសទាំងមូល
ព្រះរាជាទ្រង់ពឹងផ្អែកលើពួកឧកញ៉ាទាំង៤គឺ៖
- ឧកញ៉ាក្រឡាហោម
- ឧកញ៉ាយមរាជ
- ឧកញ៉ាចក្រី
- ឧកញ៉ាវាំង
**ចូរនិយាយពីវិស័យរដ្ឋបាលនៅសម័យអង្គរ។
- ប្រទេសទាំងមូលត្រូវបែងចែកជាខេត្តចំនួន៩០ទៅ១០១ខេត្ត
ដោយមានស្តេចត្រាញ់ ឬចៅហ្វាយខេត្តម្នាក់ មើលការខុសត្រូវ ព្រះរាជាជាស្តេចផែនដី
ចំពោះមន្រ្តីមុននឹងឡើងកាន់តំណែងត្រូវធ្វើសច្ចាប្រណិធានថាស្មោះត្រង់ចំពោះព្រះរាជា និងប្រទេសជាតិ។
**អំណាចព្រះរាជាមានប្រភពចេញពីព្រះអាទិទេព
ទ្រង់មានសិទ្ធិសំខាន់ៗ ដូចជា៖
- ជាអ្នកចែងច្បាប់
- ជាអ្នកអនុវត្តច្បាប់
- ជាអ្នកជ្រើសរើសមន្ត្រី និងដកមន្ត្រីតាមព្រះទ័យព្រះអង្គ
- ជាមេបញ្ជាការទ័ព
- ជាអ្នកដឹកនាំនយោបាយ
- ជាមេសាសនា។
**ចូរនិយាយពីប្រព័ន្ធតុលាការនៅសម័យអង្គរ។
+ នៅសម័យអង្គរការផ្តន្ទាទោសជនជាប់ចោទមានបីយ៉ាងគឺ៖
- បើទោសស្រាល ត្រូវពិន័យជាប្រាក់
ឬវត្ថុមានតម្លៃ។
- បើទោសមធ្យម ឬល្មម
ត្រូវចៀរស្លឹកត្រចៀក កាត់ច្រមុះ ឬកៀបក្បាលក្នុងដង្កៀប។
- បើទោសធ្ងន់ ត្រូវយកទៅកប់ចោលទាំងរស់។
ការគោរពសាសនាប្រែប្រួលទៅតាមចំណង់ចំណូលចិត្តរបស់បុគ្គលម្នាក់ៗ ព្រះរាជាខ្លះគោរពព្រះឥសូ ខ្លះគោរពព្រះវិស្ណុ ខ្លះគោរពព្រះពុទ្ធ។
**ខ្មែរនៅសម័យអង្គរកសាងប្រាសាទមានលក្ខណៈពីរបែបគឺ៖
+ ប្រាសាទភ្នំ៖ ជាប្រាសាទដែលសង់លើភ្នំ ឬសង់លើខឿនច្រើនជាន់សម្រាប់លទ្ធិទេវរាជដូចជា ប្រាសាទបាគង បាខែង អង្គរវត្ត បាពួន...។
+ ប្រាសាទទាបនឹងដី៖ ជាប្រាសាទដែលសង់ផ្ទាល់ដី ឬមានខឿនទាបដើម្បីលទ្ធិបុគ្គលនិយមដូចជា ប្រាសាទលលៃ ព្រះគោ តាព្រហ្ម បន្ទាយឆ្មារ...។
+ លទ្ធិទេវរាជត្រូវបានគេគោរពតាំងពីរជ្ជកាលព្រះបាទជ័យវរ័្មនទី២ មកម្ល៉េះ។
**តើលទ្ធិទេវរាជផ្តល់ផលប្រយោជន៍អ្វីខ្លះដល់ប្រទេស?
- ផ្តល់ឥទ្ធិពលយ៉ាងខ្លាំងក្លាក្នុងការបង្រួបបង្រួមជាតិ
- ធ្វើឱ្យប្រជារាស្ត្រជឿស៊ប់លើព្រះរាជា
- ធ្វើឱ្យប្រទេសជាតិរីកចម្រើន
- មានវិសាលភាពធំទូលាយ។
+ លទ្ធិបុគ្គលនិយមបង្កើតឡើងដោយព្រះបាទឥន្រ្ទវរ័្មនទី១មកម្លេះ។
**លទ្ធិបុគ្គលនិយមបង្កើតឡើងដើម្បី៖
- ឧទ្ទិសដល់ព្រះរាជា ឬជន ដែលមានគុណបំណាច់ចំពោះព្រះអង្គ និងប្រទេសជាតិមាន រាជវង្សានុវង្ស រាជគ្រូ និងមេទ័ពដែលមានរូបបដិមាជាតំណាង។
តាមធម្មតាប្រជារាស្ត្រខ្មែរចូលចិត្តស្តាប់ភ្លេង ចំរៀង របាំ និងល្បែងកម្សាន្ត ក្នុងថ្ងៃបុណ្យ ឬក្រោយ ពេលសម្រាកពីការងារ ឬក្នុង ពីធីរៀបចំសែនព្រេន ក្នុងរដូវនីមួយៗដូចជា រដូវច្រូតកាត់គេតែងតែប្រគំភ្លេង នាំគ្នាច្រៀង និងលេងល្បែងកំសាន្តយ៉ាងរីករាយ។
+ វប្បធម៌ អរិយធម៌ខ្មែរបានរីកចម្រើនដល់កំពូលចាប់ពីសតវត្សទី៩ ដល់សតវត្សទី១៣ នៃគ.ស.។
ក. វិស័យអប់រំ
+ នៅសម័យអង្គរគេប្រើភាសាសំស្ក្រឹត
ភាសាខ្មែរបុរាណ និងភាសាបាលី។
+ ព្រះនាងឥន្ទ្រទេវី បានជួយដល់វិស័យអប់រំ ព្រះនាងត្រូវបានព្រះរាជាតែងតាំងជាសាកលវិទ្យាធិការវិនី នៅក្នុងសាកលវិទ្យាល័យមួយឈ្មោះថា ទិលកកុត្តរ ព្រះនាងមានប្រាជ្ញាឈ្លាសវៃ
ចេះវិជ្ជាអក្សរសិល្ប៍ ចេះភាសាសំស្ក្រឹត ចេះខាងវិទ្យាសាស្ត្រ
បង្រៀនស្ត្រីខ្មែរខាងសាសនា និងបញ្ចុះបញ្ចូលស្វាមីឱ្យមកកាន់ពុទ្ធសាសនា។
+ ព្រះនាងជ័យទេវីបានជួយដល់វិស័យអប់រំដូចជា
ព្រះនាងមានទឹកព្រះទ័យសន្តោសប្រណីដល់ពួកស្រីកំព្រា ហើយបានណែនាំពួកស្រីកំព្រាឱ្យសាងផ្នួសជាដូនជី។
**នៅសម័យអង្គរមានអ្នកប្រាជ្ញល្បីៗ ជាច្រើនផ្នែកដូចជា៖
- ស្ថាបត្យករ
- វិស្វករ
- សិល្បៈករ
- អ្នកចម្លាក់
- អ្នកសូន្យរូប
- គណិតវិទូ
- តារាវិទូ។
ខ. វិស័យសង្គមកិច្ច
**ព្រះបាទជ័យវរ្ម័នទី៧ មានស្នាព្រះហស្តសំខាន់ដូចជា៖
- បានសង់មន្ទីរពេទ្យចំនួន១០២
នៅពាសពេញផ្ទៃប្រទេស
- កសាងសាលាដំណាក់ចំនួន១២១
- កសាងស្ពាន
និងថ្នល់ខ្វាត់ខ្វែង
- ព្រះអង្គបានចារទុកនៅតាមមន្ទីរពេទ្យ
“សេចក្តីឈឺចាប់របស់ប្រជារាស្ត្រ គឺជាទុក្ខរបស់ព្រះរាជា”…។
**ចូរនិយាយពីដើមកំណើតអក្សរនិងការប្រើប្រាស់អក្សរខ្មែរ។
- អក្សរខ្មែរដំបូងមានទ្រង់ទ្រាយដូចគ្នានឹងអក្សរឥណ្ឌាខាងត្បូង
គឺអក្សរនាគរី។
- ព្យញ្ជនៈសម័យមុនអង្គរមានរាងគ្រោតគ្រាត មិនស្មើមិនសម
សក់ខ្លី ជើងខ្លីចំនួនតិច។
- ព្យញ្ជនៈសម័យអង្គរមានរាងសង្ហា
មានសក់ជាក្បាច់រចនាសក្តិសមរវាង សក់ ជើង និងតួ។
- ព្យញ្ជនៈសម័យក្រោយអង្គរមានរាងទ្រេតសក់និងជើងវែងៗ។