ក្នុងភាសាខ្មែរមានពាក្យជាច្រើនដែលមានន័យដូចគ្នាតែសំណេរ ឬរូប និងសំណូរខុសគ្នា។
ពាក្យន័យដូច គឺជាពាក្យទាំងឡាយណាដែលមានន័យដូច ឬប្រហាក់ប្រហែលគ្នាតែសំណេរ និងសំណូរពុំដូចគ្នា។ ពាក្យន័យដូច ក៏ជាពាក្យមួយប្រភេទដែលកំណត់ន័យដោយទីសេចក្តីដែរ។ ពាក្យមួយអាចមានន័យដូចច្រើន។
ក្នុងការប្រើប្រាស់ យើងអាចជ្រើសរើសពាក្យន័យដូចណាមួយមកប្រើបាន អាស្រ័យលើការកំណត់របស់ទីសេចក្តី។ ឧទាហរណ៍៖
ពាក្យ ន័យដូច
- ចម្រើន លូតលាស់ អភិវឌ្ឍ ថ្កុំថ្កើង រុងរឿង...។
- មើល ទស្សនា ទត គយគន់ រំពៃ...។
- ឧបត្ថម្ភ ជួយ ទំនុកបម្រុង ជ្រោមជ្រែង...។
- និពន្ធ តែង សរសេរ តាក់តែង...។
- មរណៈ ស្លាប់ សុគត ងាប់ លាចាកលោក...។
- កសាង ស្ថាបនា សាងសង់...។
ពាក្យន័យផ្ទុយ គឺជាពាក្យទាំងឡាយណាដែលមានន័យប្រឈមគ្នា ឬផ្ទុយគ្នា។ ពាក្យន័យផ្ទុយ
ក៏ជាពាក្យមួយប្រភេទដែល មានន័យកំណត់ដោយទីសេចក្តីដែរ។ ឧទាហរណ៍៖
ពាក្យ ន័យផ្ទុយ
- បុរាណ ទំនើប ស៊ីវិល័យ...។
- កិត្តិយស អពយស ថោកទាប...។
- ស្រស់ស្រាយ ស្វិតស្រពោន ក្រៀមក្រំ...។
