ជម្រាបសួរប្អូនៗសិស្សានុសិស្សទាំងអស់គ្នា សូមស្វាគមន៍មកកាន់ថ្នាក់រៀន ភាសាខ្មែរ សម្រាប់ថ្នាក់ទី ៩ | |
អ្នកគ្រូឈ្មោះ | |
លេខទំនាក់ទំនង | |
អ៊ីមែល | |
គោលដៅជាទិស ឬចំណុចដែលកំណត់ទុកជាមុនថាត្រូវទៅឱ្យបានដល់ ឬថាត្រូវតែសម្រេចឱ្យបាន។ ការកំណត់គោលដៅ គឺជាការរៀបចំផែនការសម្រាប់អនុវត្តក្នុងដំណើរជីវិតរបស់មនុស្សម្នាក់ៗ។ ការចេះកំណត់គោលដៅនាំមកនូវការសម្រេចបំណងប្រាថ្នា។ ប៉ុន្តែ ការចេះកំណត់គោលដៅតែមួយមុខពុំអាចជាការគ្រប់គ្រាន់ទេ គឺត្រូវមានការតស៊ូ អំណត់ព្យាយាម ការប្តេជ្ញាចិត្តមុតមាំនិងមានមោទនភាពចំពោះការងាររបស់យើងម្នាក់ៗទៀតផង។ មនុស្សដែលរស់នៅគ្មានគោលដៅ គឺជាមនុស្សដែលរស់នៅក្នុងភាពពុំប្រាកដប្រជា ធ្វើឱ្យជីវិតរសាត់អណ្តែតតាមយថាកម្ម។
មនុស្សយើងធ្វើអ្វីក៏ដោយត្រូវមានស្មារតីទទួលខុសត្រូវចំពោះកាតព្វកិច្ច ភារកិច្ច បេសកម្មរបស់ខ្លួន ដោយហ៊ានធ្វើការតស៊ូលះបង់យ៉ាងប្តូរផ្តាច់ ដើម្បីជោគជ័យ និងហ៊ានបង្ហាញការពិតចំពោះ ទង្វើដែលខ្លួនបានប្រព្រឹត្ត ចេះកែកំហុសខ្លួនមករកផ្លូវត្រូវ ឬផ្លូវល្អ ដើម្បីធ្វើខ្លួនឱ្យក្លាយទៅជាមនុស្សមានសមត្ថភាព មានមនសិការក្នុងការងារ មានសីលធម៌ មានសាមគ្គីភាព ចេះរួមរស់ជាមួយគ្នាប្រកបដោយភាពសុខដុម។ ទាំងនេះ គឺជាកត្តាដ៏សំខាន់ក្នុងការអភិវឌ្ឍគ្រួសារ សហគមន៍ និងសង្គមជាតិ។ ដូច្នេះ យើងត្រូវមានស្មារតីទទួលខុសត្រូវចំពោះទង្វើរបស់ខ្លួនជានិច្ច។
មនុស្សយើងម្នាក់ៗ មានទស្សនៈការគិត និងជំនឿមិនដូចគ្នាទេ។ អ្នកខ្លះជឿស៊ុបងប់ងុលទៅលើអ្វីមួយដោយខ្វះការពិចារណា។ អ្នកខ្លះទៀតមានជំនឿដែរ តែមានការពិចារណាទៅលើអ្វីមួយដោយមានហេតុផល។ មនុស្សមួយចំនួនទៀតមានគំនិតជឿលើខ្លួនថា ខ្លួនមានសមត្ថភាពអាចធ្វើបាន។ មនុស្សទាំងអស់នឹងបានទទួលផលតាមការជ្រើសរើសនិងការជឿជាក់របស់ខ្លួន។
ដើម្បីរៀបចំជីវិតឱ្យរស់នៅស្រួល មានសេចក្តីសុខចម្រើន សមតាមបំណងប្រាថ្នា មនុស្សម្នាក់ៗ ត្រូវតែមានការតស៊ូ អំណត់ ព្យាយាម ហ៊ានពុះពារជម្នះគ្រប់កិច្ចការលំបាក និងឧបសគ្គគ្រប់យ៉ាង។ ទង្វើនេះបានស្តែងឡើងតាមរយៈកម្លាំងកាយ ចិត្ត ប្រាជ្ញាស្មារតី។ ពិសេសការមានជំនឿលើសមត្ថភាពខ្លួនឯង មានស្មារតីសុទិដ្ឋិនិយម ស្នេហាជាតិ សាមគ្គីភាព និងការទទួលខុសត្រូវប្រកបដោយឆន្ទៈក្លាហាន មោះមុត ពុះពារការលំបាកទាំងឡាយ អ្នកនឹងអាចជម្នះបានលើបញ្ហាគ្រប់បែបយ៉ាងដែលកើតមានឡើង រហូតទទួលបានទទួលជោគជ័យយ៉ាងពិតប្រាកដ។
ជោគជ័យនៃជីវិត គឺជាការឈ្នះ ជាការសម្រេចបំណង ឬជ័យជំនះលើឧបសគ្គទាំងឡាយក្នុងដមណើរជីវិតរស់នៅរបស់យើង។ ប៉ុន្តែការឈ្នះសម្រាប់ជីវិតរបស់មនុស្សម្នាក់ៗអាស្រ៍យលើការតស៊ូព្យាយាមអំណត់អត់ធន់ មានមនសិការខ្ពង់ខ្ពស់ប្រកបដោយគុណធម៌ សីលធម៌ល្អប្រពៃរបស់មមនុស្សនោះថែមទៀត។ ជោគជ័យមួយចំនួនក៏បានមកពីបទពិសោធន៍ពីភាពបរាជ័យខ្លះផងដែរ។ បរាជ័យក៏ជាបទពិសោធន៍មួយនៃជីវិត។ បទពិសោធន៍ក្នុងការរស់នៅរបស់មនុស្សជាឈ្នាន់សម្រាប់ឈានទៅរកជោគជ័យនៅទីបញ្ចប់។
ពលរដ្ឋម្នាក់ៗ ជាកោសិការបស់ប្រទេសជាតិ។ ប្រទេសជាតិអាចស្ថិតស្ថេរគង់វង្ស និងមានការរីកចម្រើនលុតលាស់អាស្រ័យសោយប្រទេសនេះសម្បូរទៅពលរដ្ល្អ។ ពលរដ្ឋល្អត្រូវមាន ចំណេះដឹង ជំនាញ ឥរិយាបថ និងសីលធម៌ល្អ។ តើអ្នកទាំងអស់គ្នា បានត្រៀមខ្លួនឯក្លាយជាពលរដ្ឋល្អហើយឬនៅ? តើពលរដ្ឋល្អត្រូវមានតួនាទីនិងកាតព្វកិច្ចដូចម្តេចខ្លះចមបោះជាតិមាតុភូមិ?