◾ ប្រហែល 15000 ឆ្នាំមុន កម្រិតនីវ៉ូទឹកសមុទ្រ ទាបជាងពេលបច្ចុប្បន្ន 100 ម៉ែត្រ ទ្រនទ្វីបងើបឡើងដូចជាខ្សែឆ្នេរ ខ្ពស់ជាងកម្រិតនីវ៉ូទឹកសមុទ្រ។
◾ ប្រហែល 13000 ឆ្នាំមុន កម្រិតនីវ៉ូទឹកសមុទ្រកើនឡើង 25 ម៉ែត្រ ទ្រនទ្វីបចាប់ផ្ដើមរីកធំ ។
◾ ប្រហែល 11000 ឆ្នាំមុន កម្រិតនីវ៉ូទឹកសមុទ្រកើនឡើង 50 ម៉ែត្រ ទ្រនទ្វីបរីកកាន់តែធំ ចាប់ផ្ដើមកើត ឈូងសមុទ្រថៃ។ ទន្លេមេគង្គក្រោមបានបែងចែកជាផ្លូវទឹកពីរ និងទន្លេបាសាក់បានកើតឡើងដំបូង ។
◾ ប្រហែល 9000 ឆ្នាំមុន កម្រិតនីវ៉ូទឹកសមុទ្រឡើងកម្ពស់ 75 ម៉ែត្រ កកើតបឹងតូចៗជាច្រើន និង តំបន់លិចទឹកក៏ចាប់ផ្ដើមកើតដែរ។
◾ ប្រហែល 7000 ឆ្នាំមុន កម្រិតនីវ៉ូទឹកសមុទ្រ កើនឡើងរហូតដល់បច្ចុប្បន្ន បឹងតូចៗជាច្រើន និង តំបន់លិចទឹក គឺស្ថិតនៅក្នុងតំបន់បឹងទន្លេសាបបច្ចុប្បន្ន ត្រូវបានបំពេញដោយការហូរចាក់ដីពីល្បាប់ភ្នំ និងតំបន់ដីទាបៗដែលនៅជុំវិញ។
◾ ប្រហែល 6000 ឆ្នាំមុន កម្រិតនីវ៉ូទឹកសមុទ្រ បានកើនឡើង 1ម៉ែត្រ ទៀតខ្ពស់ជាងបច្ចុប្បន្ន បឹងតូចៗ និងតំបន់លិចទឹកដែលជាទីតាំងបឹងទន្លេសាបបានរួមទៅៗ។
◾ ប្រហែល 5000 ឆ្នាំមុន កម្រិតនីវ៉ូទឹកសមុទ្រ បានបញ្ឈប់នៅរដូវទឹកជំនន់ ។ ទឹកទន្លេមេគង្គបានហូរត្រឡប់មកវិញ ការហៀរហូរទឹកពីទន្លេចូលទៅកាន់តំបន់ទំនាបលិចទឹកនិងបឹងតូចៗបង្កើតបានជាបឹងដ៏ធំមួយ ដែលនៅរដូវប្រាំងទឹកបឹងនេះបានហូរចូលទៅក្នុងទន្លេមេគង្គវិញ នេះជាដើមកំណើតនៃបឹងទន្លេសាប។
◾ ប្រហែល 3000 ឆ្នាំមុន កម្រិតនីវ៉ូទឹកសមុទ្រ បានចាប់ផ្ដើមថយចុះបន្ដិចម្ដងៗ ស្មើនឹងបច្ចុប្បន្នបានចាប់ផ្ដើមកកើតបន្ដិចម្ដងៗ ដីសណ្ដទន្លេមេគង្គ បឹងទន្លេសាប ដូចជា តំបន់ទឹកដែលរីកនិងរួមមាឌជារៀងរាល់ឆ្នាំ ។ បច្ចុប្បន្នបឹងទន្លេសាបបានផ្គត់ផ្គង់ទឹក ជលផល ដល់ជីវិតប្រជាជនកម្ពុជា សង្គម និង វប្បធម៌។ ដីសណ្ដទន្លេមេគង្គបាននឹងកំពុងវិវត្តបន្ដិចម្ដងៗទៅក្នុងសមុទ្រចិនខាងត្បូង៕