(ជ៤) មេរៀនទី៣៖ (សង្ខេបមេរៀន) កាឡាក់ស៊ី និងមីលគីវ៉េ

១. កាឡាក់ស៊ី

         កាឡាក់ស៊ី ជាតារានិករ ឬក្រុមតារានិងអង្គផ្សេងៗជាច្រើនទៀតដែលកំពុងអណ្ដែតក្នុងលំហ។
     ◾ កាឡាក់ស៊ីរាងពងក្រពើ ផ្ទុកដោយធូលីតូចៗ និងឧស្ម័ន (តារាក្នុងកាឡាក់ស៊ីជាតារាចាស់ជាងគេ) ។
     ◾ កាឡាក់ស៊ីរាងគូទខ្យង ផ្នែកកណ្ដាលកើតឡើងពីវត្ថុធាតុមានម៉ាសយ៉ាងក្រាស់ ហើយមានរាងគូទខ្យងនៅព័ទ្ធជុំវិញផ្នែកកណ្ដាល។
     ◾ កាឡាក់ស៊ីរាងមិនទៀងទាត់ ជាកាឡាក់ស៊ីដែលគេមិនអាចកំណត់ទ្រង់ទ្រាយបានកើតឡើងពីពពក​​​ ម៉ាសែលឡានិច។

២. មីលគីវ៉េនិងកាឡាក់ស៊ីមីលគីវ៉េ

           មីលគីវ៉េ ផ្លូវទឹកដោះឬផ្លូវដំរីស និងជាផ្នែកមួយនៃកាឡាក់ស៊ីមីលគីវ៉េ (កាឡាក់ស៊ីរាងគូទខ្យង)។ កាឡាក់ស៊ីមីលគីវ៉េមានតារារាប់លានដួង ថែមទាំងឧស្ម័ន និងពពកធូលី (ណេប៊ុយឡា) មានអង្កត់ផ្ចិតប្រហែល 100 000 ឆ្នាំពន្លឺ និងកម្រាស់ប្រហែល 15 000 ឆ្នាំពន្លឺ។
        ព្រះអាទិត្យស្ថិតនៅចម្ងាយ 24 000 ឆ្នាំពន្លឺពីចំណុចកណ្ដាលនៃកាឡាក់ស៊ីមីលគីវ៉េ។

៣. តារានិករ ឬកញ្ចុំផ្កាយ

           តារានិករនិងកញ្ចុំផ្កាយ គឺជាឈ្មោះក្រុមតារាដែលលេចឡើងជាទ្រង់ទ្រាយផ្សេងៗដូចជា រូបរាងមនុស្ស សត្វនិងវត្ថុផ្សេងៗនៅក្នុងលំហមេឃ។
​           ជនជាតិក្រិចជំនាន់ដើមបានដាក់ឈ្មោះកញ្ចុំផ្កាយចំនួន 48 ប៉ុន្ដែបច្ចុប្បន្នសហព័ន្ធតារាអន្ដរជាតិបាន​ដាក់រហស្សនាមឲ្យកញ្ចុំផ្កាយចំនួន 88 ។
           កញ្ចុំផ្កាយដែលគេស្គាល់ច្រើនជាងគេ គឺ កញ្ចុំផ្កាយក្រពើ កញ្ចុំផ្កាយកូនមាន់ កញ្ចុំផ្កាយយាមនង្គ័ល…… ។