ក្នុងពិភពលោកមានកំណើនប្រជាជនដូចគ្នា ប៉ុន្ដែប្រទេសជឿនលឿនមានកំណើនទាបជាងប្រទេសកំពុង អភិវឌ្ឍ ។ ការកើនឡើងនៃប្រជាជនធ្វើឱ្យតម្រូវការកាន់តែកើនឡើង ដូចជា អាហារ ទឹក ជម្រក សម្លៀកបំពាក់សេវាកម្មផ្សេងៗ និងការប្រើប្រាស់ធនធានផែនដី។
រូបភាព៖ ការទន្ទ្រានព្រៃសង់លំនៅស្ថាន
ការកើនឡើងនៃកម្ដៅនៅលើភពផែនដីសំខាន់គឺ
◾
ការរាននិងដុតព្រៃ ដើម្បីធ្វើលំនៅដ្ឋាន កសិកម្ម កសាងហេដ្ឋារចនាសម្ព័ន្ធផ្សេងៗ ។
◾
ការធ្វើអាជីកម្មរ៉ែ ប្រេងកាត ធ្យូងថ្ម ឧស្ម័នធម្មជាតិផ្សេងៗ ។
◾ ការបញ្ចេញឧស្ម័នពីយានយន្ត
ឧស្ម័នកាបូនិច នីត្រូសែនអុកស៊ីត……….។
រូបភាព៖ ដុតព្រៃ ការបញ្ចេញឧស្ម័នពីរោងចក្រ និងការធ្វើអាជីវកម្ម
ស្រទាប់អូសូនស្ថិតនៅកម្ពស់ 30 Km ពីផ្ទៃផែនដី ហើយវាត្រូវបំផ្លាញដោយសារ ៖
◾
ការប្រើប្រាស់សារធាតុគីមីម្យ៉ាងដែលមាននៅក្នុងកំប៉ុងបាញ់ថ្នាំ។
◾
ឧស្ម័នក្លរ៉ូភ្លុយអរ៉ូកាបូន ( CFCs ) ដែលចេញពីម៉ាស៊ីនត្រជាក់ និង ទូរទឹកកក។
រូបភាព៖ ការបំផ្លាញស្រទាប់អូសូន
កង្វក់ឬការបំពុលបណ្ដាលមកពីសកម្មភាពមនុស្ស ហើយការបំពុលមាន ទឹក ដី និង ខ្យល់ ដែលនាំឱ្យមានគ្រោះថ្នាក់ដល់បរិស្ថាន និង សុខភាពមនុស្ស សត្វ និង រុក្ខជាតិ។
រូបភាព៖ គំនរសំរាម
ភ្លៀងអាស៊ីត កើតឡើងដោយសារដំណើរការនៃរោងចក្រនៅលើផែនដី និងការប្រើប្រាស់យានយន្ដដែលបញ្ចេញឧស្ម័នស៊ុលផួឌីអុកស៊ីត និងនីត្រូសែនអុកស៊ីតមកក្នុងបរិយាសផ្ដុំជាមួយចំហាយទឹកបង្កើតបានទៅជាពពក រួចបង្កើតទៅជាភ្លៀងអាស៊ីត ហើយបានបំផ្លាញសុខភាពមនុស្ស សត្វ ព្រៃឈើ រូបបដិមា សំណង់ និង មច្ឆជាតិ ដែលរស់នៅក្នុងទឹក ។
រូបភាព៖ ការកកើតភ្លៀងអាស៊ីត
បញ្ហានគរូបនីយកម្មរីកចម្រើន ដើម្បីពង្រីកទីក្រុងទៅតាមអត្រាកំណើនមនុស្ស
នាំឱ្យកើកមាន៖
◾
ការរានព្រៃឈើ ការលុបបឹង ត្រពាំង ទន្លេ ស្ទឹង អូរ ……។
◾
បញ្ហាផ្គត់ផ្គង់ទឹកស្អាតមធ្យោបាយបង្ហូរទឹកសំអុយ ភាពគ្មានអនាម័យ
ការបំពុលខ្យល់ បំពុលទឹក បំពុលដី បំពុលសំឡេង ខ្វះទីកន្លែងសម្រាក ចរាចរណ៍ចង្អៀត និងបញ្ហាទុកដាក់សំណល់។
មូលហេតុសំខាន់ៗ នៃការកាប់បំផ្លាញព្រៃឈើមាន ៖
◾ តម្រូវការក្នុងស្រុក (កំណើនប្រជាជន
ការសាងសង់លំនៅដ្ឋាន សម្ភារៈ អុស ធ្យូង …)
◾
តម្រូវការអន្ដរជាតិ(ការធ្វើពាណិជ្ជកម្មមានកម្រិតហួសប្រមាណ)
◾
តម្រូវការកសិកម្ម (កសិកម្មទំនើប កសិកម្មពនេចរ ….)
◾ កង្វះខាតផ្នែកច្បាប់ព្រៃឈើនយោបាយព្រៃឈើ ការប្ដេជ្ញាចិត្តក្នុងកិច្ចការពារនិងគ្រប់គ្រងធនធានព្រៃឈើ។
រូបភាព៖ ការកាប់បំផ្លាញព្រៃឈើ
ការវិនាសសាបសូន្យនៃប្រភេទសត្វមួយចំនួនបណ្ដាលមកពីកត្តាមនុស្សចេះតែកើនឡើងនាំឱ្យមាន
៖
◾
ការបំផ្លាញទីកន្លែងជម្រកការកាប់បំផ្លាញព្រៃឈើ និងបំផ្លាញប្រព័ន្ធអេកូឡូស៊ី ……។
◾
ការបរបាញ់មិនស្របច្បាប់ ជាពិសេសប្រទេសកំពុងអភិវឌ្ឍ
ដើម្បីធ្វើជាអាហារ លក់ដូរ ឪសថ និងព្រមទាំងនាំចេញទៅក្រៅប្រទេសផងដែរ។
រូបភាព៖ ការវិនាសសាបសូន្យនៃប្រភេទសត្វមួយចំនួន
ផូស៊ីលឥន្ធនៈរួមមាន ធ្យូងថ្ម ប្រេង និងឧស្ម័នធម្មជាតិ វាជាប្រភពថាមពលដ៏សំខាន់សម្រាប់ឧស្សាហកម្ម គមនាគមន៍ និងគេហដ្ឋាន…ហើយជាធនធានធម្មជាតិដែលមិនកើតឡើងវិញ។ ចំហេះនៃផូស៊ីលឥន្ធនៈចូលក្នុងបរិយាកាសរួចផ្សំជាមួយអុកស៊ីសែន បង្កើតជាឧស្ម័នពុល ដូចជា ស្ពាន់ធ័រអុកស៊ីត អាសូតអុកស៊ីត អាម៉ូញាក់ និង កាបូនឌីអុកស៊ីត។ នៅពេលឧស្ម័នទាំងនេះផ្សំជាមួយចំហាយទឹកបង្កើត (អាស៊ីត) រួចក្លាយជាភ្លៀងអាស៊ីត។
រូបភាព៖ អណ្ដូងប្រេងនិងឧស្ម័នធម្មជាតិ