ការប្រែប្រួលដោយបាតុភូតធម្មជាតិមាន បន្ទុះភ្នំភ្លើង រញ្ជួយដី ភ្លើងឆេះព្រៃ ខ្យល់ព្យុះ ទឹកជំនន់ គ្រោះរាំងស្ងួត ធ្លាក់អ័ព្ទ ធ្លាក់ទឹកកក ……… ហើយការប្រែប្រួលដោយបាតុភូតទាំងនេះ មានរយៈពេលមិនយូរអង្វែងទេ និងទទួលរងគ្រោះមានកម្រិតទៅតាមបាតុភូតនោះ។
សកម្មភាពរបស់មនុស្សដែលធ្វើឱ្យបរិស្ថានមានការប្រែប្រួលខ្លាំងក្លានោះ គឺការកើនឡើងនៃចំនួនប្រជាជនយ៉ាងរហ័ស ដែលគេឱ្យឈ្មោះថា «វិបត្តិនៃកំណើនប្រជាជន» នាំឱ្យតម្រូវការមានការកើនឡើង ដូចនេះ មនុស្សត្រូវតែកាប់បំផ្លាញព្រៃឈើ ប្រើប្រាស់ដី និង ធនធានផ្សេងៗដោយពុំបានគិតគូពីនិរន្ដភាពទៅថ្ងៃអនាគត និងផលប៉ពាល់អ្វីឡើយ។
ការប្រើប្រាស់ហួសប្រមាណគ្មានការសន្សំសំចៃនាំឱ្យមាន៖
◾ ការវិនាសសាបសូន្យ
ភាគច្រើនជម្រកពីធម្មជាតិត្រូវបានបំផ្លាញ។
◾ ធ្វើឱ្យអាកាសធាតុមានការប្រែប្រួល។
◾ ការបំពុលដល់បរិស្ថានធ្ងន់ធ្ងរ បណ្ដាលមកពីកាកសំណល់ និងទទួលការបំពុលពីសកម្មភាពរបស់មនុស្ស។
