◾ សមាហរណកម្ម៖ ការច្របាច់បញ្ចូលគ្នា
ការរួបរួមគ្នា។
◾ សំណង់អនាធិបតេយ្យ៖ លំនៅឋាន
ដែលកើតឡើងដោយឯកឯង គ្មានសណ្តាប់ធ្នាប់ គ្មានច្បាប់ទម្លាប់លើទីសាធារណៈ។
◾ ជំនោរប្រជាសាស្ត្រ៖ ជាការកើនឡើងនៃប្រជាជនក្រុងជាមធ្យមប្រចាំឆ្នាំ។
◾ ថាមភាពប្រជាសាស្រ្ដ៖ ជាកម្លាំងនៃការកើនឡើងយ៉ាងខ្លាំងក្លា
និងឆាប់រហ័សនៃប្រជាជន។
◾ ថាមភាពក្រុង៖ ជាការរីកលូតលាស់យ៉ាងខ្លាំងក្លានិងឆាប់រហ័សនៃបន្ទុះទីក្រុង។
មណ្ឌលកណ្តាលក្រុង (សង្កាត់អ្នកមាន) និងសង្កាត់អ្នកក្រមានលក្ខណៈខុសប្លែកពីគ្នាលើ៖
✢ សង្កាត់អ្នកមាន
✔ មានសេវាមូលដ្ឋានគ្រប់គ្រាន់...។
✔ ជាសង្កាត់ជំនួញ
ជាទីស្នាក់ការនៃមុខងារក្រុងជាន់ខ្ពស់ (រដ្ឋាភិបាល ធនាគារ...)
✔ ជាសង្កាត់នៅលើរុក្ខវិថីល្បីៗ
ជាទីប្រមូលផ្តុំអគារពាណិជ្ជកម្ម សណ្ឋាគារធំៗ
✔ សម្បូរដោយលំនៅឋានប្រណីតៗ
ផ្សារទំនើប...និងមានហេដ្ឋារចនាសម្ព័ន្ធគ្រប់បែបយ៉ាង
✔ មានការបំពាក់គ្រឿងបរិក្ខារសម្បូរបែប។
✢ សង្កាត់អ្នកក្រ
✔ សង្កាត់ប្រវត្តិសាស្ត្រនៅជិតមណ្ឌលកណ្តាលក្រុង
មានសំណង់ចាស់ៗបាក់បែក...
✔ លំនៅថ្មីៗនៃសំណង់អនាធិបតេយ្យនៅកណ្តាលទីក្រុងក៏ដូចជានៅបរិវេណក្រុង
✔ កង្វះហេដ្ឋារចនាសម្ព័ន្ធ
✔ កង្វះសេវាមូលដ្ឋាន
✔ បង្កើតជាអសន្តិសុខសម្រាប់ខ្លួនឯង
និងសង្គម
✔ បង្កជាជម្ងឺឆ្លង
និងជម្ងឺដង្កាត់ផ្សេងៗ...។
រវាងសង្កាត់អ្នកមាន និង
សង្កាត់អ្នកក្រនៅក្នុងទីក្រុងមានវិសមភាពនឹងគ្នាដូចជា៖
✔ វិសមភាពចំពោះសេវាសង្គម
✔ វិសមភាពចំពោះការបំពាក់គ្រឿងបរិក្ខារ
✔ ការបំពុលអាកាស
✔ ការផ្គត់ផ្គង់ទឹក
ដើម្បីធ្វើការកាត់បន្ថយនូវវិសមភាព
ស្ថាប័នពាក់ព័ន្ធគួរតែ៖
✔ ធ្វើការអភិវឌ្ឍជនបទ
ឲ្យមានហេដ្ឋារចនាសម្ព័ន្ធឱ្យបានគ្រប់គ្រាន់ ដើម្បីកាត់បន្ថយចំណោលស្រុកស្រែ។
✔ បង្កើតជារោងចក្រ សហគ្រាសនៅតាមជនបទ
ដើម្បីឲ្យប្រជាពលរដ្ឋមានការងារធ្វើ។
✔ អង្គភាពដែលពាក់ព័ន្ធ
គួរតែក្តាប់ឲ្យបានពីប្រជាជននៅក្នុងសំណង់អនាធិបតេយ្យឲ្យបានត្រឹមត្រូវ។
✔ ចូលរួមថែរក្សាបរិស្ថាន (មិនបន្ទោរបង់ មិនចោលសំរាមផ្តេសផ្តាស់...) ។
ទីក្រុងមានការរីកលូតលាស់ខ្លាំងក្លា និងឆាប់រហ័សចាប់តាំងពីពាក់កណ្ដាលសតវត្សទី២០មកម្ល៉េះ បច្ចេកទេសទំនើបបាននាំចូលមកពីប្រទេសឧស្សាហកម្ម ហើយបង្កើតឲ្យមានសំណង់បណ្ដាញដំណឹកជញ្ជូន បណ្ដាញផ្គត់ផ្គង់ទឹក និងអគ្គីសនីដែលចាំបាច់ដល់ដំណើរការក្នុងមហាបុរីទាំងអស់នោះ ម្យ៉ាងទៀតចំណោលស្រុកស្រែបណ្ដាលមកពីបញ្ហាសេដ្ឋកិច្ច សង្គម និងចិត្ដសាស្រ្ដព្រមគ្នា។
ទីក្រុងនៅតាមបណ្ដាប្រទេសលោកខាងត្បូងទីក្រុងមានការរីកចម្រើន ដោយសារតែ បំលាស់ប្ដូរយ៉ាងកំហុករបស់ប្រជាជននៅតាមទីជនបទទៅរស់នៅទីក្រុង ។
ចំណោលស្រុកស្រែទំនាក់ទំនងទៅនឹង៖
- កត្ដាសេដ្ឋកិច្ច
✔ ទម្រង់សេដ្ឋកិច្ចមានការរីកចម្រើន
(ទីក្រុង)
✔ ការរស់នៅកាន់តែពិបាកដោយសម្ពាធប្រជាសស្រ្ដ
(ជនបទ)
✔ ដីខ្សោះជីវជាតិយ៉ាងរហ័ស
✔ ប្រាក់កំរៃប្រចាំថ្ងៃមានកម្រិតទាបពេក។
- កត្ដាសង្គម
✔ ទីក្រុងការរកប្រាក់
ងាយជាងនៅជនបទ
✔ សម្បូរការងារធ្វើ
✔ មានសកម្មភាពតូចតាចនៃសេវាកម្មទីក្រុង។
- កត្ដាចិត្ដសាស្រ្ដ
✔ ការទទួលព័ត៌មានតាមបណ្ដាញផ្សព្វផ្សាយ
✔ ចង់ឲ្យជីវភាពគ្រួសារកាន់តែប្រសើរជាងមុន
✔ ចង់ស្វែងរកសេរីភាពផ្ទាល់ខ្លួន
✔ ចង់ស្វែងរករបៀបរស់នៅបែបទាន់សម័យ។
✢ ផលវិបាក
✔ បង្កើតឱ្យមានសំណង់អនាធិបតេយ្យ
✔ ពេស្យាចា
✔ អសន្តិសុខ
✔ គ្រឿងញៀន
✔ បញ្ហាបរិស្ថាន...។