(ជ២) មេរៀនទី៣៖ (មេរៀនសង្ខេប) កសិកម្មប្រទេសឧស្សាហកម្មលូតលាស់

និយមន័យ

◾ ដំណាំទេពប្រទាន៖ ជាទំនាបដែលគ្របដណ្តប់ដោយដំណាំបញ្ចូលទឹកដីដ៏សម្បូរបែបនៅប្រទេសអេស្ប៉ាញ (ទទួលបានទិន្នផលខ្ពស់ដូចព្រះជាម្ចាស់លោកប្រទាន)។
◾ សមាហរណកម្មដីធ្លី៖ ការរួមបញ្ចូលគ្នានៃកសិដ្ឋានតូចៗឲ្យទៅជាកសិដ្ឋានធំៗងាយធ្វើទំនើបកម្ម។
◾ ប្រពលវប្បកម្ម៖ ការធ្វើកសិកម្មតាមបែបបច្ចេកទេសទំនើប ដើម្បីទទូលបានទិន្នផលខ្ពស់។
◾ ស្រែចំណារ៖ ជាប្រភេទស្រែ ឬចម្ការដែលមានភ្លឺ ឬបិទបាំងជុំវិញដោយរបងលំនៅឋាននៅជាមួយភូមិតូចៗ។
◾ ស្រែវាល៖ ក្បាលដីធំវែងៗរាងធរណីមាត្រគ្មានរបង និងមានលំនៅឋានប្រមូលផ្តុំជាភូមិ។
◾ វង់កសិកម្ម៖ ជាតំបន់ដែលមានឯកទេសកម្មក្នុងផលិតកម្មកសិកម្មតែ ១មុខ។

១. អាកាសធាតុអនុគ្រោះតែដីងាយខ្សោះជីជាតិ

        កត្តាដែលនាំអាយកសិកម្មប្រពៃណីនៅអឺរ៉ុបវិវត្តទៅជាឧស្សាហកម្មអតិផលមានដូចជា៖
✔ ការអនុវត្តបច្ចេកទេសបញ្ចូលទឹកបានប្រែក្លាយកសិកម្មចញ្ចឹមពោះទៅជាកសិកម្មបែបជំនួញ។
✔ សមាហរណកម្មដីធ្លីអនុគ្រោះដល់ការពង្រីក និងការធ្វើទំនើបកម្មអាជីវកម្ម និងបង្កើនផលិតភាពការងារ។
✔ ការអនុវត្តបច្ចេកទេស វិទ្យាសាស្រ្ត កសិកម្មជឿនលឿនអាចអោយគេប្រែក្លាយកសិកម្មប្រពៃណីទៅជាកសិកម្មបែបប្រពលវប្បកម្មវិញ អាចអោយគេបំពេញតម្រូវការទីផ្សារ និងចូលរួមក្នុងការប្រកួតប្រជែងលើទីផ្សារអន្តរជាតិបាន។
✔ ចំណេះដឹងរបស់ប្រជាជនលើវិស័យកសិកម្មច្រើន។
✔ ភូមិសាស្ត្ររបស់ប្រទេសអឺរ៉ុបមានភាពអំណោយផល គួបផ្សំជាមួយការស្រាវជ្រាវលើវិស័យកសិកម្មឥតដែនកំណត់។

២. កសិករអឺរ៉ុបខាងលិច

        កសិកម្មនៅអឺរ៉ុបខាងលិចមានលក្ខណជាវិទ្យសាស្ត្រឡើងៗមានយន្តកម្មគីមី និងជម្រើសពូជនាំមកនូវការរីកចម្រើនមួយយ៉ាងសំខាន់។ គេនិយាយថាគេ និងធ្វើអោយទ្វីបអឺរ៉ុបក្លាយជាជង្រុកស្រូវសាលីនៃទ្វីបអឺរ៉ុប ពីព្រោះនៅគ្រប់តំបន់គ្មានលំហណាមួយដែលមនុស្សត្រូវបោះបង់ចោលនោះទេ។ មនុស្សរៀបចំស្រែចំការទៅតាមលក្ខណអាកាសធាតុនិងសណ្ឋានដីដោយសាដំណាំធុញ្ញជាតិ កសិករបានប្លែង ទំនាប និងខ្ពង់រាបអាគីតាំង អាងប៉ារីសអោយទៅជាជង្រុកស្រូវសាលីនៅទ្វីបអឺរ៉ុប។

៣. ដំណាំចម្ការធំៗបែបពាណិជ្ជកម្ម

        កសិកម្មអាមេរិកប្រើកម្លាំងពលកម្មតិចហើយអាចចិញ្ចឹមមនុស្សច្រើនបានព្រោះ៖
✔ លក្ខណៈធម្មជាតិ៖ ដីមានជីជាតិភ្លៀងធ្លាក់គ្រប់គ្រាន់ កាសធាតុអំណោយផល...។
✔ បច្ចេកទេស៖ ប្រើប្រាស់គ្រឿងចក្រ ជីគីមី ថ្នាំសម្លាប់សត្វល្អិត និងចេះថែរក្សាដីឲ្យមានគុណភាព ពិសេស សហរដ្ឋអាមេរិក កសិករជាអ្នកមានជំនាញផ្នែកកសិកម្មក្សេត្រ...។
✔ ធនធាន៖ អាមេរិកមានធនធានច្រើនក្នុងការអភិវឌ្ឍវិស័យកសិកម្មឲ្យមានភាពរីកចម្រើនគ្រប់ផ្នែកទាំងអស់...។
✔ វង់កសិកម្មសហរដ្ឋអាមេរិកបានបង្ហាញអោយឃើញពីទិដ្ឋភាពដំណាំប្លែកៗគ្នា។
✔ ភូមិភាគឦសាន និងតំបន់បឹងធំជាទឹកដីស្រែចំណារសម្រាប់ចិញ្ចឹមសត្វយកទឹកដោះ និងដាំដំណាំបន្លែ ឈើហូបផ្លែ តាមបរិមណ្ឌលក្រុង។ នៅប៉ែកខាងលិច ភាគកណ្តាល មានវង់ស្រូវសាលី និងវង់ពោត ដែលសព្វថ្ងៃមានដំណាំផ្សេងៗដូចជាសណ្តែកសៀង ស្មៅសត្វ ចិញ្ចឹមសត្វ ក្រៅដី (គោ និងជ្រូក...)។

        ស្នាដៃពិសេសៗក្នុងវិស័យកសិកម្មសហរដ្ឋអាមេរិកបានមកពីការធ្វើទំនើបកម្ម ក្នុងអាជីវកម្មធំៗប្រដាប់ដោយគ្រឿងយន្ត និងការធ្វើសមាហរណកម្មជាមួយទីផ្សារក្នុង និងក្រៅស្រុកបានយ៉ាងល្អ។