◾ សូចនាករ (អាំងឌីកាទ័រ) ៖ ការចង្អុលបង្ហាញពីកម្រិតការអភិវឌ្ឍលើផ្នែក ឬវិស័យអ្វីមួយ។
◾ ឧស្សាហកម្មជីកគាស់៖ ឧស្សាហកម្មជីកគាស់យករ៉ែ ឬសិលានៅលើ ឬក្នុងដី។
◾ ឧស្សាហកម្មស្រួចស្រាល់៖ ឧស្សាហកម្មសំដៅផលិតកម្មទំនិញដែលត្រូវការជំនួយពីក្រុមហត្ថពលករជំនាញខ្ពស់ការស្រាវជ្រាវបច្ចេកទេសទំនើបៗ។
◾ ឧស្សាហកម្មមូលធន៖ ឧស្សាហកម្មដែលត្រូវការវិនិយោគទុនដ៏ច្រើន។
◾ ឧស្សាហកម្មហត្ថពលករ៖ ឧស្សាហកម្មដែលត្រូវការកម្មករច្រើន។
◾ សេដ្ឋកិច្ច៖ ជាការសិក្សាអំពីយុទ្ធសាស្រ្ត របៀបប្រើប្រាស់ធនធានដើម្បីបំពេញបំណង គ្មានព្រំដែនរបស់មនុស្សដែលមានប្រព័ន្ធ។
ឧស្សាហកម្ម ជាសំណុំសកម្មភាពសេដ្ឋកិច្ចដែលប្រើប្រាស់ ឬប្លែងរូបធាតុដើម ដើម្បីផលិតគ្រឿងសម្ភារៈ។
ឧស្សាហកម្ម គឺជាសំណុំសកម្មភាពសេដ្ឋកិច្ចដែលប្រើប្រាស់រូបធាតុដើម ឬផលិតផលពាក់កណ្ដាសម្រេចឲ្យក្លាយទៅជាសម្ភារៈប្រើប្រាស់ ។
គេចែកឧស្សហកម្មជា ២ គឺ៖
✔ ឧស្សាហកម្មធុនធ្ងន់
✔ ឧស្សាហកម្មធុនស្រាល
ឧស្សាហកម្មធុនធ្ងន់ គឺជាប្រភេទឧស្សាហកម្មដែលប្លែងទៅជាផលិតផលពាក់កណ្តាលសម្រេចនិងសម្រេច។ ឧទាហណ៍ ឧស្សាហកម្មផលិតដែកស្មិត រោងចក្រចម្រាញ់ប្រេងកាត ឧស្សាហកម្មធុនស្រាល គឺជាឧស្សាហកម្មដែលប្លែងផលិតផលពាក់កណ្តាលសម្រេចទៅជាផលិតផលសម្រេចអាចប្រើប្រាស់បាន។ ឧទាហណ៍៖ រោងចក្រដំឡើងរថយន្តផលិតអាហារកំប៉ុង...។
ឧស្សាហកម្ម ពិតជាមានសារៈសំខាន់ចំពោះសង្គមសេដ្ឋកិច្ចជាច្រើនដូចជា៖
✔ ផ្ដល់ឧបករណ៍សម្រាប់មនុស្សប្រើប្រាស់
✔ ផ្ដល់កំណើនប្រាក់ចំណូលក្នុងថវិកាជាតិ
✔ ផ្ដល់ប្រាក់ចំណូលដល់ប្រជាជន
✔ ផ្ដល់ការងារ
✔ ប្រជាជនមានជីវភាពធូរធារ
✔ សង្គមជាតិមានការរីកចម្រើន
✔ ផ្ដល់នូវផលិតផលសម្រាប់នាំចេញ។
តំហយចុះនៃទម្ងន់ឧស្សាហកម្មក្នុងសេដ្ឋកិច្ចប្រទេសមួយ គឺបណ្ដាលមកពី៖
✔ ការរីកចម្រើនផ្នែកបច្ចេកវិទ្យាក្នុងពេលថ្មីៗនេះហើយបានកាត់បន្ថយចំនួនកម្មករអស់មួយភាគធំនិងបានបង្កើតការងារជំនាញកាន់តែច្រើនជំនួសវិញ
✔ កត្តានយោបាយ គឺកើតចេញពីការកើតមានសង្គ្រាមនៅក្នុងប្រទេស ដែលបណ្តាលឱ្យមានការតំហយនៃភាពរីកចម្រើនឧស្សាហកម្ម។
ការថយចុះនៃទម្ងន់ឧស្សាហកម្មអាចនាំឱ្យបាត់បង់សក្តានុពលក្នុងសេដ្ឋកិច្ចតិច ឬច្រើន ប៉ុន្តែឧស្សាហកម្មនៅតែជាសកម្មភាពសំខាន់នៃ មជ្ឈមណ្ឌលប្រមូលផ្តុំរបៀបបញ្ចូលបច្ចេកទេសថ្មីជះលើឥទ្ធិពលជាអាទិភាពលើវិស័យកសិកម្ម និងសេវាកម្ម។