◾ ឯកវប្បកម្ម៖ វិធីដាំដុះដំណាំតែមួយមុខនៅលើផ្ទៃដីតែមួយ។
◾ ពហុវប្បកម្ម៖
វិធីដាំដុះដំណាំច្រើនមុខនៅលើផ្ទៃដីតែមួយកន្លែង
រួមមានការចិញ្ចឹមសត្វផង។
◾ បណ្តុំបញ្ឈរ៖ ការប្រមូលផ្តុំសកម្មភាពទាំងអស់លើផ្នែកអ្វីមួយតាមលំដាប់លំដោយ
ចាប់តាំងពីការងារផលិតកម្ម ការទុកដាក់ ការវេចខ្ចប់ ការដឹកជញ្ជូន
រហូតដល់ការធ្វើជំនួញជួញដូរ។
◾ ដីថ្មបាយក្រៀម៖ ដីក្តាំងរឹង
ខូចគុណភាព មិនអាចដាំដុះបាន។
◾ ដំណាំយថាផល៖
ដំណាំដែលផ្តល់ទិន្នផលទាប។
◾ ដំណាំអតិផល៖ ដំណាំដែលផ្តល់ទិន្នផលខ្ពស់។
សណ្ឋានដីនៅតំបន់ត្រូពិចភាគច្រើនគឺសម្បូរទៅដោយដីល្អដូចជា ជ្រលងភ្នំ ដីសណ្ដ ទំនាបទន្លេ ទំនាបឆ្នេរ ខ្ពង់រាបទាបៗ និងតំបន់កូនភ្នំជាដើមដែលគ្របដណ្ដប់ដោយដីល្បាប់ ដីសិលាក្រែ ដីសិលាបាសាល់ ដីថ្មកំបោរ ទាំងអស់នេះបង្ហាញថាលក្ខខណ្ឌធម្មជាតិតំបន់ត្រូពិចមានអំណោយផលដល់ការងារកសិកម្ម។
ថ្វីត្បិតតែតំបន់មួយចំនួនមានបញ្ហា ប៉ុន្តែការដាំដុះនៅតំបន់ត្រូពិចខ្លះជាពិសេសនៅលើទឹកដី
ដែលមានលក្ខណៈអំណោយផលបំផុតរួមជាមួយការអនុវត្តបច្ចេកទេសកសិកម្មជឿនលឿនផងនោះ ធ្វើឱ្យគេទទួលបានភោគផលយ៉ាងច្រើនដូចជាចម្ការក្រូចនៅរដ្ឋផ្លូរីត
ចម្ការអំពៅនៅអូស្រ្ដាលីជាដើម។
ដំណាំចម្ការធំៗបែបពាណិជ្ជកម្មមានដូចជា៖
✔ គ្រឿងបរិភោគប្រណីត (កាហ្វេ តែ
កាកាវ)
✔ ផ្ដល់រូបធាតុដើមដល់ឧស្សាហកម្ម
(កៅស៊ូ ដូងប្រេង កប្បាស...)
✔ ផលិតផលអាហារស្រស់ (ចេក ម្នាស់
ស្វាយ...)
នៅប្រទេសកម្ពុជាក៏មានដំណាំប្រភេទនេះដែរ។ ដំណាំបែបនេះគេច្រើនដាំនៅតំបន់ដីក្រហមភាគ-ឦសាននៃប្រទេសកម្ពុជាមានដូចជាខេត្តកំពង់ចាម និងខេត្តរតនៈគីរីជាដើម។ ហើយមានតាំងពីសម័យអាណានិគមនិយមបារាំងមកម្លេះ។
ប្រភេទដំណាំកសិកម្មចិញ្ចឹមពោះមាន ៣ប្រភេទ
រួមមាន៖
✔ កសិកម្មចិញ្ចឹមពោះ៖
ជាវិធីកសិកម្មមួយបែបដែលសំដៅយកផលសម្រាប់តែផ្គត់ផ្គង់ជីវភាពគ្រួសារ
មិនមែនសម្រាប់ធ្វើជំនួញជួញដូរអ្វីឡើយ។
✔ កសិកម្មស្វ័យគ្រប់គ្រាន់៖
គឺជាកសិកម្មដែលមានទម្រង់ជាសួនគ្រួសារដែលដាំដុះសម្រាប់កែអផ្សុកច្រើនជាងតម្រូវការចាំបាច់។
✔ កសិកម្មព្រៃដុត៖ ការធ្វើកសិកម្មបែបប្រពៃណី ដោយមានការដុត ឬកាប់ឆ្ការព្រៃដើម្បីយកដីធ្វើកសិកម្ម។ គេដុតព្រៃនៅរដូវប្រាំង និងដាំស្រូវ ឬដំណាំផ្សេងៗនៅរដូវវស្សា។ ពីរបីឆ្នាំក្រោយពេលដីខ្សោះជីវជាតិ គេបោះបង់ដីនោះចោល
រួចទៅដុតព្រៃកន្លែងថ្មីផ្សេងទៀត។
ច្រើនឆ្នាំក្រោយមក គេមករានកន្លែងដើមជាថ្មី រួចបោះបង់ចោលម្តងទៀត។
បានជាកសិកម្មនៅតាមជ្រលងភ្នំនៃទ្វីបអាស៊ីមានលក្ខណៈអតិផលព្រោះលក្ខខណ្ឌធម្មជាតិនៅតំបន់នោះមានការអនុគ្រោះយ៉ាងច្រើនដូចជា៖
✔ សម្បូរទំនាបតូចធំនានា
ដីសម្បូរជីជាតិ។
✔ មានផ្លូវទឹកគ្រប់គ្រាន់។
✔ មានជ្រលងទន្លេ
និងវាលទំនាបល្បាប់ធំៗដែលអាចធ្វើឱ្យពួកគេទទួលបានទិន្នផលខ្ពស់ និងអាចអូសបន្លាយភាពហឹរនៃដី
។
✔ ភ្លៀងមូសុងជាអំណោយផលមួយទៀតដល់ការងារបង្កបង្កើនផល។