(ជ២) មេរៀនទី១០៖ (សង្ខេបមេរៀន) គុណវិបត្តិនៃគ្រឿងញៀន

ជំពូកទី២ វប្បធម៌សន្តិភាព

មេរៀនទី១០ គុណវិបត្តិនៃគ្រឿងញៀន

យុវជនជាសសរទ្រូងនិងជាអ្នកបន្តវេនក្នុងការអភិវឌ្ឍ ប្រទេសជាតិនាពេលអនាគត។យុវជនជាក្រុមមនុស្សដែលមានកម្លាំង និងមានចំនួនច្រើនជាងគេ ទាំងនៅប្រទេសកម្ពុជាទាំងនៅទ្វីបអាស៊ី ។

១. គ្រឿងញៀន

គ្រឿងញៀនត្រូវបានកំណត់ថាជា «សារធាតុទាំងឡាយណាដែលបានចូលទៅក្នុងរាងកាយ ហើយធ្វើឱ្យមានការផ្លាស់ប្ដូរមុខងារ ដំណើរការនៃរាងកាយ » ។ គ្រឿងញៀនមានដូចជា ប្រភេទរុក្ខជាតិ ឬប្រភេទថ្នាំផ្សំឡើងពីសារធាតុគីមីច្រើនប្រភេទដូចជា អាភៀន កញ្ឆា និងថ្នាំញៀនសំយោគ​ផ្សេងទៀត ។

គ្រឿងញៀនមាន អ៉ិចស្តាស៊ី ឬថ្នាំគ្រវីក្បាល ហេរ៉ូអ៉ីន ម័រហ្វឺន អំហ្វេតាមីន ឬ យ៉ាម៉ា យ៉ាបា ឬថ្នាំឆ្គួត មេតុំហ្វេតាមីន ឬម៉ាទឹកកក កេតានី កាវហិត និងប្រភេទ​ថ្នាំ​ផ្សេងៗ​  ទៀត​ដែលគ្មានស្លាកសញ្ញាពិតប្រាកដ ។

• ថ្នាំញៀនមានដូចជា ថ្នាំឆ្កួត ឬយ៉ាបា យ៉ាម៉ាឬ ថ្នាំម៉ាមានទម្រង់ជាថ្នាំគ្រាប់ និងជាក្រាមម្សៅពណ៌ថ្លា ដែលមាន ពណ៌ ភ្លឺដូចកញ្ចក់ឬទឹកកក ដែលគេហៅថាម៉ាទឹកកក មាន ក្លិនមានរសជាតិចត់ហើយវាងាយរលាយនៅក្នុងទឹក ឬអាកុល។

• វាមានផលប៉ះពាល់យ៉ាងធ្ងន់ធ្ងរដល់ប្រព័ន្ធប្រសាទរបស់អ្នកប្រើប្រាស់។

• ប្រសិទ្ធភាពនៃគ្រឿងញៀនអាចកើតមានក្នុងរយៈពេលពីបួន ទៅប្រាំមួយម៉ោងប៉ុណ្ណោះ។

• ការប្រើប្រាស់គ្រឿងញៀនបង្កឱ្យមានផលប៉ះពាល់ធ្ងន់ធ្ងរដល់សុខភាពផ្លូវកាយ និងផ្លូវចិត្ត។ 

២. ចំណេះដឹងគ្រឿងញៀន

២.១. រោគសញ្ញាផ្លូវកាយ

• ការពុលនិងការស្រវឹងគ្រឿងញៀនបានបង្ហាញរោគសញ្ញាផ្លូវកាយដូចខាងក្រោម៖                                 

• បំផ្លាញសរសៃឈាមតូចនៅក្នុងខួរក្បាលនិងបេះដូង          

• មានជំងឺបេះដូង(លោតញាប់ ដើរមិនទៀង រលាកជាលិកា)។                                                                   

• សម្ពាធឈាមឡើងខ្ពស់។

• ជំងឺរលាកនៅស្ទះសរសៃឈាម                                             

• ជីពចរដើរញាប់តែមិនទៀងទាត់ កម្ដៅក្នុងខ្លួនកើនឡើង និងបែកញើស។

• ស្ងួតមាត់និង សង្កៀតធ្មេញ                                                          

• ប្រស្រីភ្នែករីក កើតបូសស្បែក                               

• ចុះស្គមជាខ្លាំង ។

• មានការកន្ត្រាក់សាច់ដុំ                                                 

• ដង្កូវស៊ីធ្មេញនិងពុកធ្មេញ                                              

• រសាប់រសល់ ពិបាកអង្គុយស្ងៀម ប្រកាច់

• ធ្វើទុក្ខនិង ស្លាប់។

អ្នកប្រើប្រាស់គ្រឿងញៀន និង បាត់ការចងចាំខូចខួរក្បាល មានជំងឺសរសៃប្រសាទ មានរោគផ្លូវចិត្តដូចជា អាកប្បកិរិយាឃោរឃៅ បង្កឱ្យមានអំពើហិង្សា និងការប្រព្រឹត្តិបទឧក្រិដ្ឋផ្សេងៗ ។

២.២. រោគសញ្ញាផ្លូវចិត្ត ៖                                     

•  ច្របូកច្របល់ក្នុងចិត្ត គិតផ្ដេសផ្ដាស(ភាំងៗ)                   

•  បែកអារម្មណ៍ ឆាប់ភ័យស្លន់ស្លោគិតអ្វីមិនទាន់                 

•  វង្វេងវង្វាន់ ចេះតែសង្ស័យអ្នកដទៃ                                

•  អារម្មណ៍អណ្ដែតអណ្ដូង 

•  ឆាប់ខឹង មួម៉ៅ ច្រឡោត                                    

•  បាត់បង់កាស្រេកឃ្លាន។ ល។

៣. មូលហេតុនៃការប្រើប្រាស់គ្រឿងញៀន

• បុព្វហេតុដែលនាំអោយមនុស្សប្រើប្រាស់គ្រឿងញៀន គឺបណ្តាលមកពី៖                                                 

• ចង់ដឹងចង់សាកអ្វីដែលប្លែកថ្មី ឬចង់ដឹងអ្វីដែលខ្លួនមិនដឹង ។                                                                  

• ត្រូវគេអូសទាញក្នុងក្រុមដែលគេសេពគប់។                    

• គិតថាអាចបំភ្លេចបញ្ហាផ្សេងៗដែលមាន ក្នុងគ្រួសារផ្ទាល់ខ្លួន អផ្សុកគ្មានការងារធ្វើ ។

• គិតមានអារម្មណ៍ហ៊ានជាងពេលមុន ។                         

• ព្យាយាមបំបាត់ភាពបរាជ័យរបស់ខ្លួនកន្លងមក ។ 

• ចង់សប្បាយដើម្បីបញ្ចៀសការធុញទ្រាន់ក្នុងជីវិត ។

• ទទួលការគាបសង្កត់ពីនរណាម្នាក់ ។

• ប្រឈមមុខនឹងភាពស្មុគស្មាញក្នុងជីវិត ។

• តែងជួបនឹងជម្លោះ ភាពឯកោ ភាពរារែក និងភាពអន្ទះសារ។                                                          

• យល់ថាជាថ្នាំព្យាបាលបន្ថយការឈឺចុកចាប់ ។ល ។

៤. ផលអាក្រក់នៃការប្រើប្រាស់គ្រឿងញៀន

• ចំពោះខ្លួនឯង

•  គ្រឿងញៀនមានឥទ្ធិពលខ្ពស់ក្នុងការពង្វក់ស្មារតី

•  អ្នកប្រើអាចដាច់សរសៃឈាមខួរក្បាល 

•  វង្វេងវង្វាន់ 

•  បន្ថយចំណង់ក្នុងការបរិភោគអាហារ

•  ដំណេកធ្វើឱ្យខ្លួន ប្រាណចុះស្គម ប្រកាច់

•  មិនអាចគ្រប់គ្រងខ្លួនឯងបាន។

• ម្យ៉ាងទៀត អ្នកប្រើគ្រឿងញៀនបានបំផ្លាញទ្រព្យសម្បត្តិ

• ខាតបង់ពេលវេលានិងការរៀនសូត្រ 

• គ្មានការងារធ្វើ 

• ធ្លាក់ខ្លួនក្រសង្គមស្អប់ខ្ពើម

• ងាយស្រួលពិសេសមេរោគអេដស៍តាមរយៈការប្រើប្រាស់ស៊ីរាំង ឬម្ជុលរួមគ្នា 

• បាត់តម្លៃ ផ្ទាល់ខ្លួន បាត់ភាពម្ចាស់ការ។

• ចំពោះគ្រួសារ

• អ្នកប្រើគ្រឿងញៀនធ្វើឱ្យគ្រួសារបាត់បង់កិត្តិយស ពិបាកចិត្តដោយសារតែសមាជិកគ្រួសារណាម្នាក់ ជាពិសេស កូនបានប្រើប្រាស់គ្រឿងញៀន ។

• ទន្ទឹមនឹងនេះដែរ គ្រឿងញៀននាំឱ្យមានអំពើហិង្សាក្នុងគ្រួសារ ជួនកាលម្ដាយឪពុកវាយតប់កូនឬ កូនប្រើអំពើហិង្សាមកលើម្ដាយឪពុកវិញក៏មាន។

• ចំពោះសង្គម

• គ្រឿងញៀនអាចបង្កឱ្យមានភាពអនាធិបតេយ្យ ក្នុងសង្គមដូចជា ចោរកម្ម ឧក្រិដ្ឋកម្ម ក្រុមក្មេង

    អន្ធពាល បងតូច​បងធំ ការជួញដូរមនុស្ស។

• ការបាត់បង់ធនធានមនុស្ស ការបាត់បង់កំណើន សេដ្ឋកិច្ចជាតិ នាំឱ្យសង្គមគ្មានការអភិវឌ្ឍ។

• វិធីសំខាន់ៗក្នុងការជៀសវាងគ្រឿងញៀនមាន ៖            

• កុំសាកល្បងប្រើប្រាស់គ្រឿងញៀន សូម្បីតែម្ដងក៏កុំប្រើដែរ ។  

• មិនត្រូវជឿតាមការញុះញង់របស់ឈ្មួញលក់គ្រឿងញៀន ឬអ្នកញៀនគ្រឿងញៀនឡើយ ។

• បើមានគេបបួលអ្នកត្រូវនិយាយពាក្យថា “ ទេ ” យ៉ាងជាក់ច្បាស់ ។

• បដិសេធដោយមិនប្រព្រឹត្តគ្រឿងញៀនជាដាច់ខាត   

• មិនសេពគប់ជាមួយអ្នកញៀនគ្រឿងញៀន ។                           

• ផ្ដល់ព័ត៌មានដល់អាជ្ញាធរមានសមត្ថកិច្ចនៅពេលដែល ឃើញជនដែលចែកចាយឬប្រើប្រាស់គ្រឿងញៀន ។

៥. វិធីសំខាន់ៗក្នុងការជៀសវាងគ្រឿងញៀន

• ជនដែ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​លប្រព្រឹត្តគ្រឿងញៀននិងត្រូវផ្ដន្ទាទោសដាក់ពន្ធនាគារពី១ ឆ្នាំទៅដល់ ៥ ឆ្នាំចំពោះ៖                                

ក. ជនណាដែលសម្រួលដោយចេតនាឱ្យជនណាម្នាក់ប្រើ ប្រាស់គ្រឿងញៀនដោយខុសច្បាប់

   ដែលបណ្ដាលឱ្យមានគ្រោះថ្នាក់ធ្ងន់ធ្ងរ ទោះយកថ្លៃក្តី មិនយកថ្លៃក្តី ។

ខ.ជនណាដែលលួចដាក់គ្រឿងញៀនដែលបណ្តាលឱ្យមានគ្រោះថ្នាក់ធ្ងន់ធ្ងរក្នុងអាហារ ក្នុងភេសជ្ជៈ ឬក្នុងសម្ភារ:ផ្សេងទៀតដោយ មិនឱ្យអ្នកបរិភោគ ឬអ្នកប្រើប្រាស់ដឹង។

• ក្រៅពីទោសដាក់ពន្ធនាគារជនល្មើសអាចទទួលបន្ថែមលើទោសពិន័យជាប្រាក់ពី ៥ លានរៀលដល់ទៅ ១០ លានរៀល ។

• ជនណាប្រព្រឹត្តដោយចេតនាទាក់ទង នឹងការនាំចេញការនាំចូល ការដឹកជញ្ជូនអន្តរជាតិ នូវគ្រឿងញៀនដែលបណ្តាលឱ្យមានគ្រោះថ្នាក់ធ្ងន់ធ្ងរ ត្រូវផ្តន្ទាទោសដាក់ពន្ធនាគារពី ១០ ដល់ ២០ ឆ្នាំនិង ផ្តន្ទាទោសពិន័យជាទឹកប្រាក់ពី ១០ លានរៀលដល់ ៥០ លានរៀល ។ (ច្បាប់ស្តីពីការត្រួតពិនិត្យគ្រឿងញៀនឆ្នាំ១៩៩៦)