(ជ២)មេរៀនទី២៖ (សង្ខេបមេរៀន) ការប្រើប្រាស់រ៉ែ

សេចក្តីផ្តើម

ជាយូរមកហើយដែលមនុស្សចេះប្រើប្រាស់រ៉ែ។ បច្ចុប្បន្នរ៉ែជាច្រើនគេបានធ្វើអាជីវកម្មដើម្បីប្រើប្រាស់ និងឆ្លើយ

តបតម្រូវការប្រចាំថ្ងៃរបស់មនុស្ស។ គេចែករ៉ែជាពីរប្រភេទ គឺរ៉ែលោហៈ និងរ៉ែអលោហៈ។

១. រ៉ែលោហៈ

រ៉ែលោហៈគឺជារូបធាតុដែលមានលក្ខណៈពិសេស មានផ្លេកលោហៈ ហើយចម្លងកម្តៅ និងអគ្គិសនីបានល្អមិនតែប៉ុណ្ណោះយើងអាចផែ ឬហូតជាលួសបាន។ ឧ. ស័ង្កសី សំណ ទង់ដែង ប្រាក់ និងមាស សុទ្ធសឹងជារ៉ែលោហៈ។ រ៉ែលោហៈដែលមាន ប្រយោជន៍ជាងគេ គឺរ៉ែដែក ផលិតជាដែកស្មិត និងដែកថែប ដែលគេយកទៅធ្វើជាវត្ថុប្រើប្រាស់ចាំបាច់ដូចជា កប៉ាល់សមុទ្រ រថយន្ត កាំបិត ពូថៅ ។ល។ នៅប្រទេស កម្ពុជា រ៉ែដែកមានក្នុងខេត្តកំពង់ធំ សៀមរាម ព្រះវិហារ និងស្ទឹងត្រែង។ អាលុយមីញ៉ូមមាននៅក្នុងខេត្ត បាត់ដំបង និងមណ្ឌលគិរី។ រ៉ែប្រាក់មាននៅជើងភ្នំក្រវ៉ាញ ខាងលិចខេត្តកំពង់ឆ្នាំង សៀមរាប និងខេត្តឧត្តរមានជ័យ។ រ៉ែមាស មាននៅខេត្តបាត់ដំបង កំពង់ធំ ព្រះវិហារ និងរតនគិរី។

២.​ រ៉ែអលោហៈ

រ៉ែអលោហៈ គឺជារូបធាតុដែលគ្មានផ្លេកលោហៈ ចម្លងកម្តៅ និអគ្គិសនីខ្សោយ។ យើងមិនអាចផែ ឬហូតជាលួសបានទេ។ ស្ពាន់ធ័រជារ៉ែអលោហៈដែលសំខាន់ជាងគេ និងមាននៅក្នុងខេត្តកំពង់ស្ពឺ រតនគិរី​ មណ្ឌលគិរី និងព្រះវិហារ។ រ៉ែអលោហៈផ្សេងទៀតដូចជា ត្បូង ដែលមានភាពរឹង និងសោភណភាពល្អបំផុត ហើយក៏ជារ៉ែកម្របំផុតដែរ។ ពេជ្រ ជាប្រភេទត្បូងកម្រ និងមានតម្លៃខ្ពស់។ ចំពោះត្បូងដែលមានតម្លៃមធ្យម មានដូចជាត្បូងទទឺម ត្បូងកណ្តៀង ត្បូងមរកត និងពេជ្រខ្មែរជាដើម។ រ៉ែអលោហៈផ្សេងទៀតដូចជា ថ្មនិងដីឥដ្ឋ។ ស៊ីម៉ង់ផ្សំជាមួយខ្សាច់ និងគ្រួស ដែលជារ៉ែអលោហៈសម្រាប់ធ្វើសំណង់អគារ។

ប្រភព៖ www.pinterest.com          ប្រភព៖ www.google.com/​imgres         ​ ប្រភព៖ www.facebook.com/​MathFaline

៣. តម្លៃរ៉ែ

លោហៈធាតុជាច្រើនដែលគេស្គាល់ជារ៉ែមានតម្លៃ។ តារាងខាងក្រោមនេះ មានរាយឈ្មោះប្រភេទរ៉ែ មានតម្លៃមួយចំនួន និងលោហៈដែលគេទាញចេញពីរ៉ែនោះ។

៤. ការទទួលខុសត្រូវក្នុងការជីកយករ៉ែ

ការជីកយករ៉ែ ផ្តល់​ឱ្យយើងនូវរ៉ែច្រើនប្រភេទ ប៉ុន្តែក៏បានបង្កើតបញ្ហាជាច្រើនផងដែរ។ ដើម្បីទទួលខុសត្រូវ ក្នុងការជីកយករ៉ែ គេត្រូវប្រមូលអាចម៌ដីដែលជីកយករ៉ែរួចទៅដាក់ក្នុងរណ្តៅវិញ ហៅថា ការបោសសម្អាតដី។ ការសម្អាតដីនៅតំបន់រ៉ែសាធារណៈត្រូវបានគេដាក់ចូលក្នុងច្បាប់តាំងពីពាក់កណ្តាលទសវត្សរ៍ឆ្នាំ ១៩៧០ មកម៉្លេះ ប៉ុន្តែការសម្អាតដី គឺជាដំណើរការមួយដែលមានតម្លៃខ្ពស់ និងចំណាយពេលយូរ។ រ៉ែ ជាធនធានធម្មជាតិមិនកើត ឡើងវិញ ដូចនេះយើងអាចកែច្នៃវាបានកាន់តែច្រើន នោះយើងនឹងមានរ៉ែនៅសល់កាន់តែតិចនៅពេលអនាគត។

• ការប្រៀបធៀបរ៉ែ

ខ្លឹមសារបន្ថែម (AI chatgpt.com)

រូបភាពដែលអ្នកបានផ្ដល់មក ជា ពេជ្រគូលីណាន (Cullinan Diamond) ដែលជាពេជ្រធំជាងគេបំផុតដែលធ្លាប់ត្រូវបានរកឃើញ។

📌 ព័ត៌មានសង្ខេបអំពី Cullinan Diamond:

• ត្រូវបានរកឃើញនៅថ្ងៃទី ២៦ ខែមករា ឆ្នាំ ១៩០៥ នៅ Premier Mine, នៅទ្បូរ៉ា ប្រទេសអាហ្វ្រិកខាងត្បូង។
• មានទំងន់ដើម ៣,១០៦ ការ៉ាត់ (ប្រហែល ៦២១ ក្រាម)។
• បន្ទាប់មកបានកាត់ជាបន្ទះៗ និងថ្មតូចៗជាច្រើន។
• ថ្មធំៗពី Cullinan គឺដូចជា Cullinan I (Great Star of Africa) ដែលមានទំងន់ ៥៣០.២ ការ៉ាត់ និង Cullinan II (Lesser Star of Africa) ទំងន់ ៣១៧.៤ ការ៉ាត់។
• ថ្មទាំងនេះបច្ចុប្បន្នស្ថិតក្នុង ក្រុមហ៊ុន Crown Jewels នៃចក្រភពអង់គ្លេស។